Filipi 1:29 - Kutsingken Ira Rimam ti Saen Kyag

²⁹ Ikyaen ti, pangma ti Rimam cwe na ni baa, ani na ru uwae kinjo uwog Yesu Kristi, awu ama cwe na ni baa, ani na u ngwa rikaen ikyaen-wu ama.

Filipi 1:29 Iomraidhean Croise

Matiyu 16:17

Yesu ri te wu baa, “Siman umbae Yohana, itinyang si ana-fu, ikyaen ti, ayi si-yi unde iki ti tatso fu ira yine be, ayi ruye uwog Itse-m ti ta apupwen.

Wande Atom 13:39

Unde titini ti ru uwae kinjo uwog-wu, a u saen wu ta uwae ikentitibi. Icwe Musa ndetu-yi ayine be.

Wande Atom 14:22

A ku kyang ku ri bom ande na Yesu utob baa, aba na tsi ti kubenti uwae fengo Yesu. A ku kwen na ande baa, “Ati na u ngwa kang rikaen ti tsotso itawe ati sang kujwokwe Rimam.”

Wande Atom 14:27

Ti aba sang Antiyok, a kunn byir ande na Yesu ti ta atang meme u ri te ba meme iken ti Rimam nde te ba. A tatso ama baa, Rimam nda ande ti si-ba Mbayawuda be riyae ti a na ru kubenti uwog Yesu ama.

Wande Atom 5:41

Ande ti atom ba ruye kusog rikwen atang. A tsen utob, ikyaen ti, Rimam nung ba baa, a na pang pu ba ti a na ngwa rikaen ikyaen Yesu.

Roma 5:3

Ti siskeb meme, ati ku kam ashwu uwae rikaen-ti, u nungye baa, rikaen na ku nda ti utob ti ye.

Afisa 2:8

I si ikyaen rinyangwae na Rimam ti ani nwangru kiye ti ani ru uwae kinjo uwog na Yesu Kristi. I si-yi ikyaen itikwab-ni ti ani nde be, ayi si iken ti Rimam nde na ni ti rinyangwae.

Kolosi 2:12

Kiye ti a nde na ni batisma, i si pangma a nji ni te Kristi tetso uwae kuskab kinjo. Kiye ti Rimam kunn nwunn wu ama, awu kunn nwunn ni ikyaen ti, ani ru uwae kinjo baa, Rimam ti kunn nwunn Kristi uwae iticwu na site kuko ti wu na kunn nwunn ni ama.

Yakubu 1:2

Ameinja, asiti rikaen ti tsotso a tu ni, ni tsen utob!

1 Bitrus 4:13

Ni kam ashwu ikyaen ti ani ku ngwa rikaen pangma ti Kristi ngwa. Ama kiye ti awu a kafe ba uwae riyinn-wu, ani u tsen utob u pam ipam.