Filipi 1:27 - Kutsingken Ira Rimam ti Saen Kyag

²⁷ Ni som itso usom ti pang atang uwog ande ti putsa ira tinyang na Kristi. Asiti ame a kafe ba tu ni, ko ame a kafe ba-m cwucwo be, ame ku sha ti m fxen ira ti tinyang risu-ni baa, ani na ku tsi ting ting ti utob kinjo u ku ren risu ti uwog kinjo ikyaen iken ti ati ru uwae kinjo atang, ti si Ira Tinyang na Kristi.

Filipi 1:27 Iomraidhean Croise

Matiyu 12:25

Ama Yesu nung tag pu wu ira ti kab-ba. Awu ri te ba baa, “Asiti ande ti ta imbyi ukwe a kata ifaen, uten wu u tsi-wu be. Ko uten ko kusog unde a katsen, uten wu ko kusog wu u tsi-wu tsi be.

Wande Atom 2:46

Ti usirsir a ku funn atso kusog Rimam. A ku ci wuci te atso uwae kununn-ba ti utob ti tsen ti risu ti nae riben te atso.

Wande Atom 24:24

Isim usir kpang, Felis ka ru ba ti uwa-wu Dursila, unda Mbayawuda. Awu ka kunn Bulus ba u naa atong uwae ira ti Bulus ri risu fengo ti unde u ru kubenti uwog Yesu Kristi.

Wande Atom 4:32

Ande na Yesu pu meme rifunn-ba, ku ndeya atso ti utob-ba kinjo ti uwae-ba kinjo. Uwae-ba, unde iki ta-wu ti ri baa, iken ti awu site si ana-wu be.

Roma 1:16

Ame ku wae-m rukwae ti m sa ira ti tinyang na Yesu ri te ande be, ikyaen ti, ayi ti si kpakang Rimam ti ku nwangru meme ande ti ru kubenti uwog Yesu Kristi, Mbayawuda te ande ti si ba Mbayawuda be.

Roma 1:5

Yi uwae wande na Yesu, ame tu ayibrisi, u si atom-wu, ikyaen ti ande ti utense meme na ā ru kubenti uwog-wu, u nae risu riben na wu, u nda rinyi-wu kuko.

Roma 1:9

Rimam ti risu-wu, ti ame ku fen ti utob-m kinjo, u ku nde na wu wande yi uwae ira ti tinyang na umbae-wu Yesu ti ame ku tswa te ande, nung pu wu baa, ame na ku kunn rinyi ni,

Roma 10:8

A bae baa, “Ira Rimam ta fifer te ni ike. Ayi ta unju-ni u ta utob-ni.” Ira Rimam ti a ri ne si si ira risu uwae kinjo uwog Kristi ti ati ku ri te ni.

Roma 15:16

nee ame si upyi Yesu Kristi ti ku sa ira tinyang na Rimam ri te ande ti si-ba Mbayawuda be. Ame si kukwen ti ku yer wen iken na Rimam. Wande-m si ti m pu ande ti ise na Rimam ti wu u tsen utob atang. Awu u kyangte ba ikyaen ti Kusung ti saen kyag u kyae nyang utob-ba.

Roma 15:29

Ame nung pu m baa, kiye ti me a ba, ame na u ba te itinyang na Kristi ken titag ikyaen-ni.

1 Korinti 1:10

Ameinja, ame ku jwam ni yi rinyi na Itsekuru-ti Yesu Kristi, ni cwe ira atso ikyaen ti itikata ā ta-yi kutampwa-ni be. Ni kwab ti ni ren risu-ni uwog kinjo ti ira ti kab-ni ā si iken kinjo, ti utob-ni meme.

1 Korinti 15:58

Ikyaen yine, ameinja-m ti riyaen utob-m, ni tsi ti kubenti, ni yer-ni anying utob be, ni kwab ti ribom-ni meme uwae wande Rimam ko kiye titini, ikyaen ti ani nungye pu ni baa, wande ti ani na ku nde na si-yi ukaen uwog Rimam be.

2 Korinti 13:11

Ira ti ricwunnkyi, ameinja-m, ni som-ni nyinyang. Ni kyaenyang usom ti som-ni. Ni kwab uwae ira ti ame ri te ni. Ni ndeya atso ti ni som usom-ni tetso uwae kujimshwur. Rimam, awu ti ku nda ti ure ti kujimshwur u te ni som te atso.

2 Korinti 4:4

Aba si ande ti ru-ba uwae kinjo be, ikyaen ti, Shetann ukwe utense wune byi kyi pu wu utob-ba, ikyaen ti aba ā nung-ba uwog ti paenine ti ku ba uwog-ba be. Uwog ti saen kyag ne si Ira Tinyang risu Yesu Kristi, awu ti site kuko, ku tso ti itso unde ti Rimam tsi.

2 Korinti 9:13

Yi uwae wande ti tinyang ti ani ku nde ne, ani ku tso baa, ani na tsi ting ting uwae ira tinyang na Kristi. Ande ba ti u tu rinyangwae-ni wune, u sa kuko na Rimam ikyaen uwae ti tsi-ni ayine, ti utob ti nae riben-ni. Aba u nde fxaefa na Rimam ama, ikyaen itinyang ti kuko-ni ru ba uwog-ba, ti uwog ande Rimam ti tsitsi.

Galatiya 1:7

Amaa, ayi si-yi ira Rimam be, ko tikiyib. Ariki ta atang ti ku ye ni kyirunn u ku kwab ti a u kafe ira tinyang na Kristi ru yi fengo iki.

Afisa 1:13

Ama ani ti si-ni Mbayawuda be fxen pu ni ira ti tinyang risu itinwangru-ni ama. Ti ani fxen ira ti kubenti yine, ani ru uwae kinjo uwae-yi. Rimam taen ni awaen uwe yi fengo na Kusung ti Saen kyag ti awu sa sang utob-ni, nee awu yer unju risu-wu ti kucang.

Afisa 1:15

Ikyaen yine, ti kucang akwen ti ame fxen baa, ani na ku ru kubenti uwog Itsekuru-ti Yesu, ama ani na ku ye ure te meme ande na Rimam,

Afisa 4:1

Ikyaen yine, ame Bulus ti nae pursuna ikyaen Itsekuru-ti, ame ku jwam ni baa, pangma ti Rimam kunn ni ti ni na som usom ti kubenti, ni som usom pangma ti awu ku sha.

Filipi 1:5

ikyaen ti nee, ani te m ku tsag Ira tinyang Yesu tetso te ande, sa ti usir ti ame ka uwog-ni ru ba kwar tine.

Filipi 2:12

Arwan-m ti utob-m, ti ani putsa pu ni kusen ti fwa-m kiye ti ame te ni ta tetso, tine ama ti ame te ni ta-m tetso be, ni kwab ti ni ru yi uwe ti ni mam tag wande na itinwangru-ni ti ijwe ti fwer ti ikyenricwu uwe Rimam.

Filipi 2:24

Ame sa ijwe-m konje uwog Itsekuru-ti baa, ame ama u tsi m tsi be u ba nung ayib-ni.

Filipi 3:18

ikyaen ti, ariki yang-ba akwen ta kutampwa-ni ti ame ri te pu m ani ira risu-ba kute. Ame ku shem yi shem na ni ti aten ayib tine baa, aba ku som usom-ba pangma aba na si ande ti rika iticwu Kristi risu kutuku ti ta cice.

Filipi 3:20

Ana-ti, ati si ande ti uten ti apupwen. Ati som ku sae usir ti unde ti nwangru-ti, awu Itsekuru-ti Yesu Kristi, u si apupwen ba tu ti.

Filipi 4:1

Ameinja-m ti utob uwae-m ti utob-m tsi ti m sae ayib-ni. Ani ti ku nda m utob ti tsen u si kujwojang wande-m yi fengo Rimam. Ni tsi ting ting yi fengo Itsekuru, ande ti ure-m.

Kolosi 1:10

ikyaen ti usom ti som-ni uwe ande ā sa kuko na Itsekuru-ti, ti ani na ā nda wu utob ti tsen uwae meme iken ti ani ku nde. Ani u nde wande ti tinyang ti tsotso u nung Rimam ko ku fufa ru fife yi uwe uwe.

Kolosi 1:4

ikyaen ti, ati fxen baa, ani na tsi kukunn ti uwae kinjo uwog Yesu Kristi ku ru ru yi uwe u site ure uwog ande na Rimam meme.

1 Tesalonika 3:6

Amaa, tine Timoti sa ira ti tinyang ru uwog-ni ba ri te ti ike risu uwae kinjo-ni ti ure-ni. Awu ri baa, ani na ku tangsom te ti ko kiye titini ti utob ti tsen u ku sha ti ni na nung uwe-ti, pangma ti ati ama ku sha ti ti na u nung uwe-ni.

1 Tesalonika 4:1

Ira-ti ti ricwunnkyi ta re, ameinja. Ani kwen mam pu ni uwog-ti itso usom ti som ti Rimam ku sha. Ani ku som ahan tine, amaa ati ku jwam ni u ku mbyae ajwo yi rinyi na Itsekuru-ti Yesu baa, ni kwab ti itso usom ti som wune ā ko fufa ru yi uwe.

1 Timoti 1:11

Iken ti kwen ti kubenti ne si ayi ti a ku tu yi uwae Ira Tinyang na Rimam ti site kuko ti riyinn. Ayi si sí ayi ti a nda m ti m na ya iski-yi.

1 Timoti 1:19

Ru kubenti ti utob-fu kinjo rikaen. Nde-fu iken iki ti u nda fu kab ira be. Ariki ta atang ti ku kab-ba ira risu ikentitibi ti aba ku nde be. Ikyaen na yine aba jwunnsi pu ba u ya ira Rimam ta pu ba.

2 Timoti 4:7

Ame kwab pu m ti kpakang-m meme uwae utense wune. Ame ter inyae ka furu pu m. Ame ye su pu m uwae kinjo ti ira Rimam.

Titus 2:10

Aba ā yib-ba riyib be. Amaa, aba ā tatso uwae kinjo ti kubenti ko kiye titini, ikyaen ti ayi ā nda iken ti kwen ira Rimam ti nwangru ti rurob.

Filimon 1:5

ikyaen ti, ame ku fxen iten kubenti ti afu site yi uwog Itsekuru-ti Yesu, ti ure ti afu ku ye te ande Rimam meme.

Yakubu 3:18

Ande ti ku sa kujimshwur ba kutampwa ande, aba ku tso kujimshwur, ama ku bunn usom ti som ti kubenti.

2 Bitrus 3:11

Ti meme iken yine u twenji ne, ani u si utso ande ti rimang uwae usom ti som-ni? Ni som usom ti sisaen, u som usom yi fengo Rimam.

2 Bitrus 3:14

Ikyaen yine, ande-m ti utob uwae-m, ti ani som ku ji Usir wu, ni kwab ti ni som usom ti sisaen, ti Rimam ā tu-wu ani te riraen be. Ni kwab ti ni som usom ti kujimshwur.

Yawuda 1:3

Ande ti ure, ame sa uwae tsi ti m na u bae na ni ira risu itinwangru yi ti meme-ti tu, u ba nungye baa, ayi na nyang skeb ti m na bae na kang ni ira iki ti ritsen, ti m ri bom ni utob, u nda ni kwab itikwab ikyaen Iken ti kwen Rimam ti a nda ande Rimam ti kucang akwen.