Filipi 1:26 - Kutsingken Ira Rimam ti Saen Kyag

²⁶ ikyaen ti, asiti ame a kafe ba tu ni, ayi u nda ni kam ashwu uwae fengo Yesu Kristi ko fufa ru yi uwe, ikyaen ti ame ruye uwae pursuna ba tu ni.

Filipi 1:26 Iomraidhean Croise

Yohana 16:22

Ayi si ahan ama te ni. Ani ku byir utob tine, amaa kiye ku ba ti ame u ba nungkyi uwe-ni. Uwae kiye wu utob-ni u tsen timambe. Utob ti tsen ayi, unde iki u fxae mbe tu-wu ayi be.

Yohana 16:24

Ru ba ku fob tine ani jwam-ni awu iken iki yi rinyi-m khika be. Ni jwam wu, ikyaen ti utob ti tsen-ni ā tsen tag.

2 Korinti 1:14

ko ti ani nungye tag-ni tine be. Ikyaen ti usir ti Itsekuru-ti Yesu Kristi a kafe ba pu wu, ani u pam ipam risu-ti pangma ti ati u pam ipam risu-ni.

2 Korinti 5:12

Ira ti ame ku ri ne, si-yi ti ati na ku teb ijwe-ti uwog-ni be, ati ku kwab ti ti u nda ni riya ti ni na pam ipam ikyaen ira-ti. Ati ku sha ti ani na site ira ti ani u ri te ande ba ti ku ri ira te ni. Ana-ba, a ndub ijwe risu fengo ti unde ku kyae ijwe-wu, si-yi risu iken ti ta utob unde be.

2 Korinti 7:14

Ti kucang-yi ame pam ipam te wu risu-ni, ama ani nda-ni ame rikwae ti wae be. Ame ba nung tine baa, ijwe ti ati ndub uwe Titus risu ni, kumunn pu yi kubenti-yi, pangma ti ira meme ti ati ri te ni si pu yi kubenti.

2 Korinti 7:4

Ame ru kubenti uwog-ni ko timambe. Ame ku pam ipam risu-ni. Ko ti ati ta uwae rikaen, utob-m nae riben kushwur. Utob-m tsen porr.

2 Korinti 7:6

Amaa Rimam ku ri jim utob ande ti uwae-ba ndembembeb. Awu ri jim ti utob ama yi fengo na itiba na Titus.

Galatiya 6:4

Unde titini ā myae ajwo-wu, asiti wande-wu a nyang pu yi, awu u nde tu ti wu pam ipam risu-yi. Awu ā sa risu-wu myae te-wu unde iki be.

Filipi 3:1

Ti ricwunnkyi, ameinja, ame ku ri te ni baa, ni tsen utob ikyaen ti ani si ana Itsekuru-ti. Ame ku bae shem iken ti ame bae na pu me ani kucang. Ayine caeb-yi ame be; ayi u byangkyi titibi uwog-ni ama.

Filipi 3:3

Ati ti si ande ti tsen kutxin ti kubenti, ati ande ti ku fen Rimam yi fengo na Kusung-wu. Ati ku ndub ijwe yi Yesu Kristi u sa uwae tsi-ti risu iken na rimenn ijwe be.

Filipi 4:10

Ame tsen utob timambe uwe Itsekuru, ikyaen ti, ani ku tangsom kyi te m. Kubenti, kucang, ani site utob ti ni u ndeya m, amaa riya ti ta-yi be.

Filipi 4:4

Ni som usom-ni te Itsekuru-ti ti utob ti tsen. Ame ku shem kyi cwucwo baa, ni tsen utob!