Filipi 1:21 - Kutsingken Ira Rimam ti Saen Kyag

²¹ Ikyaen ti, uwog ti ana-m, ame a som ti unyang, ayi si ana Yesu Kristi. Asiti ame a cwu ama, ayi si kujwojang ti tinyang.

Filipi 1:21 Iomraidhean Croise

1 Korinti 1:30

Rimam ti nda ni ren risu te Itsekuru-ti Yesu Kristi. Awu ti nde fengo nee Yesu Kristi kwen na ti ben-ayib ti kubenti. Uwae wande na Yesu Kristi, Rimam nung ti ati si ande ti kubenti. Awu jwosaen utob-ti u saen ti ta uwae ikentitibi.

1 Korinti 3:22

Ame Bulus si ana-ni. Apolo si ana-ni. Bitrus si ana-ni. Utense wune si ana-ni. Unyang-ti wune, ti iticwu-ti meme, si ana-ni. Iken na kiye wune ti iken ti ru ku ba uwe meme ta kujwo-ni.

2 Korinti 5:1

Ati nung baa, asiti ijwe-ti ayine na u twenji pangma afug ti ku kyaen sisi. Ama ati a cwu, Rimam u nda ti kusog tishe ti si-yi unde iki ti kyae be, si Rimam ti kyae te ajwo-wu. Asog-ti yine u tsi kukunn.

2 Korinti 5:6

Ikyaen yine ati tsi kunn ti ribom utob-ti ko kiye titini. Ati nung pu ti baa, kiye ti ati som usom uwae ijwe-ti na utense wune, ati ta riren te Itsekuru-ti.

2 Korinti 5:8

Ikyaen yine, ati ku bom utob. Ayi u nyang skeb uwog-ti ti ti u ya ijwe-ti yine ta u ru ka tu Itsekuru-ti uwae kuru-ti akwen.

Galatiya 2:20

Kiye ti a kwer wen Kristi risu kutuku ti cice, ame te wu ta tetso. Unyang ti ame ta te wu tine si-yi ana-m be, ayi si unyang na Yesu Kristi ti ta utob-m. Usom ti som ti ame som uwae ijwe-m ne, si ikyaen ti ame ru uwae kinjo uwog Kristi, Umbae Rimam, awu ti ye ure te me u cwu ricwu ikyaen-m.

Galatiya 6:14

Ana-m, ame u ndub-m ijwe risu iken iki be, ame u pam ipam risu iken kinjo amam, ayi si iticwu na Itsekuru-ti Yesu Kristi risu kutuku ti cice. Yi fengo na iticwu-wu ayine, iken na utense kafe pu yi iken ti cwucwu uwog-m. Ame si pangma iken ti cwucwu uwog-yi ama! Ayi ku taen-yi ame ayib cwucwo be.

Filipi 1:20

Ame sa utob tsi u nung uwae utob-m baa, ame u wae-m rukwae be, ko tikiyib. Ame u tsi ti ribom utob tine pangma ti ame ku nde kob, ikyaen ti, ko ame a cwu, ko ame a ser, Yesu Kristi u tu kuko uwog-m.

Filipi 1:22

Asiti ame a som ti unyang uwae utense, ame u nde wande ti u ndeya ande. Iken ifaen ne nda me, ame nung-m titini ti ame u tsab sa uwae-yi be.

Filipi 1:23

Ayi nda m tsi fa kutampwa. Iken ti ame ku sha si ti ame ú cwu u ka som-m te Kristi.

Filipi 2:21

Itaen ti tsitsi meme ku tang kum ira risu iken ti ana-ba ti si-yi ana Yesu Kristi be.

Kolosi 3:4

I si Kristi ti si unyang-ti ti kubenti. Kiye ti awu a ru ba tso risu-wu, ani ama te wu u tso risu tetso u som usom ukwe ti riyinn.

Ititatso 14:13

Tiri ame fxen afxenjwin si apupwen ba, ku ri baa, “Bae iken yine: Ti tinyang ā si ana ande ti cwu fengo Itsekuru-ti Rimam.” Kusung ti Saen Kyag cwe baa, “Een, kubenti! Ayi si ahan ara! Aba u pu unyang uwae wande-ba ti ribom, ikyaen ti, kujwo wande-ba u putsa ba.”