Filipi 1:19 - Kutsingken Ira Rimam ti Saen Kyag

¹⁹ Ame nung pu m baa, ti ani ku jwam itijwam ikyaen-m ne, Kusung na Yesu Kristi u ndeya m, u nda ande ti uwe ti a saen m ta.

Filipi 1:19 Iomraidhean Croise

Wande Atom 16:7

Kiye ti aba ka fob ice na ikyaeb uten ti Misiya, a kwab ti a sang ikyaeb uten ti Bitiniya, ama Kusung Yesu cwe na-wu aba be.

Roma 8:28

Ati nung pu ti baa, uwog ande ti site ure te Rimam, meme iken ti ku nde, ku sa tinyang ba na ande ti awu kunn ba uwae kumyae ti ana-wu.

Roma 8:9

Amaa, ani si-ni ande ti ku sa utob tsi nyáng risu iken na ijwe be. Ana-ni, ani sa utob tsi risu iken na Kusung, asiti Kusung Rimam a te ni som tetso ara kubenti. Unde ti a site-wu Kusung Kristi be, awu si-wu ana Kristi be.

1 Korinti 4:17

Nee iken ti nde ame tom Timoti, umbae-m ti utob-m, ti tsi ti kubenti uwae fengo Itsekuru, ru ba uwog-ni. Ame tom wu ti wu na ba tangsom na ni itso iken ti kwen ti ame ku kwen ko aka uwae asog Rimam.

2 Korinti 1:11

Ame tang baa, ani ama ku mbyae ajwo na wu ikyaen-ti. Ikyaen yine ati nung baa, pangma ti ande ko timambe ku jwam Rimam risu-ti tine, ande ko timambe ama u nde na Rimam fxaefa uwe ike ikyaen ti awu cwe ira itijwam-ba u nwangru ti.

Galatiya 3:5

Ti Rimam ku nda ni Kusung wu u ku nde wande ti ku fur ayib kutampwa-ni, awu ku nde iken yine ikyaen ti ani putsa icwe ree, re ikyaen ti ani fxen ira Yesu u ru kubenti atang?

Galatiya 4:6

Iken ti u tso paenine baa, ati na si pu ti anyisu na Rimam ti kubenti si ti Rimam tom Kusung na Umbae-wu sang ti utob. Awu ku nda ti kunn wu Rimam baa, “Ite, Ite.”

Filipi 1:18

Ira iki ta-yi be. Uwog-m, iken kinjo ti ame ku sha, si ti a ku ri ira Yesu Kristi, ko asiti aba a ku nde yi ti uwae kinjo ko ti uwae ifaen. Ame ku tsen utob uwae-yi meme.

1 Bitrus 1:11

Aba kwab, u ku sha ti a u nung kiye wu, ti usir wu, ti fengo ti ayi u nde, ikyaen ti, Kusung Kristi ri te pu wu aba rikaen ti Kristi u ngwa, ti riyinn ti u putsa isim-yi.