Filipi 1:18 - Kutsingken Ira Rimam ti Saen Kyag

¹⁸ Ira iki ta-yi be. Uwog-m, iken kinjo ti ame ku sha, si ti a ku ri ira Yesu Kristi, ko asiti aba a ku nde yi ti uwae kinjo ko ti uwae ifaen. Ame ku tsen utob uwae-yi meme.

Filipi 1:18 Iomraidhean Croise

Matiyu 23:13

“Ayae-ni, ani ande ti kumbub Farisi ti ani ande ti ku kwen na ande ira Icwe. Ani ande ti kufur! Ani cwunnkyi ufu kusog Kujwokwe ti apupwen ayib ande, amaa ani ti risu-ni, i si-yi ti ani u sang-ni be, cwucwo ande ti kwab ti a u sang, ani byang kyi ba fengo.

Markus 12:40

Ama aba ku fxaen mbe anunn awa icwu ti site-ba iken kujwo be, u ku ci iken-ba ti tikong. Isim yine aba ku jwam Rimam yi uwae ira ti ri ti rikob ti rikob uwe ande ikyaen ti ande na tang baa, aba na si ande ti tinyang. Ame ku ri te ni, rikwen ti Rimam u pwen ba kpag skeb tag pu yi ana ande ti tsitsi meme!”

Luka 9:45

Amaa, aba nungye-ba imbyi ira yi ti Yesu ri ne be. A sa imbyi ira yi tam-ba tam ikyaen ti aba na nung-ba yi be. Ama ikyenricwu ye ba ti aba u rang wu rang.

Luka 9:50

Yesu ri te wu ti ande ti putsa-wu ti tsitsi baa, “Ni byang kyi-ni awu be, ikyaen ti, unde ti a si-wu unde ti rika-ni be, awu u si unde ti ure-ni.”

Roma 3:9

Ira yi tsi-yi aka tiri? Ati Mbayawuda skeb ande ti si-ba Mbayawuda be te iken iki a. Iyee, ko ti kpang. Ikyaen ti, ame tatso pu m ani baa, meme Mbayawuda te ande ti si-ba Mbayawuda be na si apyi ikentitibi.

Roma 6:15

Ati u ri baa imi tine? Ati u ru uwe ti ikentitibi ti ti nde ikyaen ti icwe ta-yi te kuko risu-ti be, ati na ta uwae ayibrisi Rimam a. Iyee.

1 Korinti 10:19

Imi ti ame ku ri? Ko ame ku ri baa, iken ti a sa yerwen na apxin na si iken iki a, ko ufwa apxin si iken iki a.

1 Korinti 14:15

Ikyaen yine, ame u nde rimang tiri? Ame u jwam itijwam yi uwae kusung, ame u jwam ti ira ti kab-m ama. Ame u yang akyang uwae kusung, ama ame u yang akyang ti imbyi ira ti ame nunung.

1 Korinti 15:11

Amaa, ayine si-yi ira iki be. Ko ira tinyang yine ru uwog-m ba, ko ayi ru uwog ande ti atom iki, ayi si iken kinjo. Ayi si ira kinjo ti ati ku ri meme. Ayi si si ira tinyang risu Yesu Kristi nee ani ru kubenti atang.

Filipi 1:19

Ame nung pu m baa, ti ani ku jwam itijwam ikyaen-m ne, Kusung na Yesu Kristi u ndeya m, u nda ande ti uwe ti a saen m ta.