Filipi 1:16 - Kutsingken Ira Rimam ti Saen Kyag

¹⁶ Aba ti ku nde ti utob-ba kinjo ku nde yi ikyaen ti a site ure te m. Aba nung pu ba baa, a ye m cwunnkyi ike ikyaen ti m na ri te ande baa, ira Rimam na si kubenti.

Filipi 1:16 Iomraidhean Croise

1 Korinti 9:17

Á baa, ame na màm ti uwae-m na ku nde wande yine, ame u ri baa, a na pae m pae. Amaa, ayi si-yi ame ti myae baa, ame na u nde yi be. Ayi si wande ti a sa fae si m baa, ame na nde.

2 Korinti 2:17

Ati si-ti pangma ariki ti kyang ku jaebci ti ira Rimam be. Ana-ti, ati si ana Kristi. Ati ku ri ira-ti uwae kubenti uwe Rimam ikyaen ti awu ti tom ti baa, ati na nde wande yine.

Filipi 1:10

Ame ku sha ti ni na nungye iken ti nyang siskeb ti ani u putsa atang. Ama usir ti Yesu Kristi a ru ba, awu u tu ni, ani som usom ti saen kyag u si-ni te riraen be,

Filipi 1:12

Ameinja, ame ku sha ti ni nung baa, ira titibi ti tu m ike ne ndeya ira Rimam timambe. Ayi nda yi ku ru ru yi uwe uwe skeb ti kucang.

Filipi 1:5

ikyaen ti nee, ani te m ku tsag Ira tinyang Yesu tetso te ande, sa ti usir ti ame ka uwog-ni ru ba kwar tine.

Filipi 1:7

Ayi si iken ti pang atang ti ame ku tang itso ira yine risu-ni, ikyaen ti, ame u munnji-m te ni be. Ati ku tu rinyangwae Rimam tetso tine ti ame ta uwae pursuna, ti kiye ti ame ta ise ku tsag te ande ira ti tinyang.

Filipi 2:22

Ani nung pu ni awu. Awu site utob ti tinyang u te m nde wande pangma itse ti umbae tetso u ku ri te ande ira tinyang.

Filipi 4:15

Ani ande ti Filipi ti risu-ni nung pu ni baa, sa ti kiye ti ame nwunn Makedoniya u bag ira ti tinyang ti ti ri uwog-ni, kumbub ande na Rimam iki ndeya-ba ame be, ani amam ti ren risu te m uwae ititindeya atso.

Filipi 4:3

Afu urwan wande-m ti kubenti, ame ku jwam fu, ndeya anda abane, ikyaen ti, aba te m kwab tetso uwae wande na ira tinyang na Yesu, fa ti Kilementi ti itaen ti tsitsi ti nde wande te m. Ame tang baa, rinyi-ba ta uwae kutsingken na rinyi ande ti tu unyang tishe.