Filipi 1:14 - Kutsingken Ira Rimam ti Saen Kyag

¹⁴ Ama ameinja yang-ba akwen tsi ting ting fengo Itsekuru-ti Yesu skeb ti kucang, kiye ti aba nung baa, a na ye m cwunnkyi. Aba tsi ti kpakang u ku ya iskin ira Rimam, ikyenricwu ta-yi cwucwo be.

Filipi 1:14 Iomraidhean Croise

Markus 3:3

Ama Yesu ri te unde wu ti cwu kujwo baa, “Ru ba tsi kutampwa-ti ike!”

Luka 1:74

awu na u nwangru ti uwae kujwo na ande ti rika-ti. Awu u nda ti riya ti ti u fen wu, ati u kyen-ti ikyenricwu unde iki be.

2 Korinti 3:12

Ti ati site itso iken yine ti ati sa uwae tsi atang, ati ku tsi uwe ande u ku wae-ti rukwae be ko tikiyib.

2 Korinti 7:4

Ame ru kubenti uwog-ni ko timambe. Ame ku pam ipam risu-ni. Ko ti ati ta uwae rikaen, utob-m nae riben kushwur. Utob-m tsen porr.

Afisa 3:13

Ikyaen na yine ame ku jwam ni baa, ni yer-ni anying utob ikyaen rikaen ti ame ku ngwa risu-ni be. Ayi si iken ti u nda ni tu kuko atang uwe ike.

Filipi 1:20

Ame sa utob tsi u nung uwae utob-m baa, ame u wae-m rukwae be, ko tikiyib. Ame u tsi ti ribom utob tine pangma ti ame ku nde kob, ikyaen ti, ko ame a cwu, ko ame a ser, Yesu Kristi u tu kuko uwog-m.

Filipi 1:7

Ayi si iken ti pang atang ti ame ku tang itso ira yine risu-ni, ikyaen ti, ame u munnji-m te ni be. Ati ku tu rinyangwae Rimam tetso tine ti ame ta uwae pursuna, ti kiye ti ame ta ise ku tsag te ande ira ti tinyang.

Filipi 4:1

Ameinja-m ti utob uwae-m ti utob-m tsi ti m sae ayib-ni. Ani ti ku nda m utob ti tsen u si kujwojang wande-m yi fengo Rimam. Ni tsi ting ting yi fengo Itsekuru, ande ti ure-m.

Kolosi 4:4

Ni jwam wu ti m na ri ira-wu yi fengo ti pang atang ikyaen ti ira-wu ayi ā nae ise paenine.

Kolosi 4:7

Tikikus u tsag te ni ira usom ti som-m ike. Awu si inja-ti ti ku ndeya ti ti utob ti kubenti, u te m ku nde wande na ande ti Rimam ti utob-wu kinjo.

1 Tesalonika 2:2

Ande iki nde ti rikaen u txun ti asu uwae uten ti Filipi, pangma ti ani fxen, amaa ati kyen-ti ikyenricwu be. Rimam ti risu-wu nda ti kpakang utob ti ti na ri te ni ira-wu, ko ti ande yang akwen cwe-ba ira-ti be.

2 Timoti 2:9

u ku ngwa rikaen ikyaen-yi ba sang ti uwog ti a yir me ti uji kiser pangma ame na raen ira. Amaa, a yir tu-ba ira Rimam be.