Filipi 1:11 - Kutsingken Ira Rimam ti Saen Kyag

¹¹ u ku waen awaen ti tinyang, ti si wande-ni ti tinyang ti ani ku nde uwae kuko na Yesu Kristi ti ta utob-ni. Ayine u sa rurob ti riyinn na rinyi Rimam tiyang akwen.

Filipi 1:11 Iomraidhean Croise

Matiyu 5:16

Ayi si ahan ama, ni ya ta ti itinyang ti ta uwae-ni ā shag kyife uwog meme ikyaen ti ande ā sae iken tinyang-ni ayi, u sa rurob na Itse-ni ti ta apupwen.”

Yohana 15:16

I si-yi ani ti tsab m be. Ame ti tsab ni u tom ni atom baa, ani na ru ka waen awaen, awaen ti u tsi kukunn. Ayine si ikyaen ti Itse-m u nda ni iken meme ti ani jwam uwae rinyi-m.

Yohana 15:2

Kujwo kutuku ti a ku waen-wu awaen be, Itse-m u pyera wu ruru. Ama awu ku kyaenyang ajwo ti ku waen awaen ti yi na waen awaen kora fa.

Yohana 15:8

Iken ti ku nda Itse-m kuko ti rurob si ti ani ku waen awaen timambe. Ayine ti ku tatso ama baa, ani na si pu ni ande ti ana-m ti kubenti.

Roma 15:28

Kiye ti m a mam pu m wande yine u pu meme aser ti ande kwer ikyaen-ba na pu m aba, ame u ba ru tsa uwog-ni ru yi uten Sipaniya.

Roma 6:22

Amaa tine ti a saen ni ta pu ba uwae apyi ikentitibi ti ti nde, ama ti ani kafe pu ni apyi Rimam, iken ti ani bunn atang si ti a jwosaen utob-ni. Ricwunnkyi wune si unyang ti tsi kukunn.

1 Korinti 10:31

Iken meme ti afu a ku nde, ko ayi a si iken ti afu ku ci, ko iken ti afu ku ngwa, nde iken ayi yi fengo ti u sa kuko na Rimam.

2 Korinti 9:10

Rimam ku sha na unde ti ritom itso iken ti awu u ta uwae risaen-wu, u ku sha na wu wuci uwae risaen atang. Ani ama, awu u nde wande te iken ti ta kujwo-ni u nda yi ko fufa. Awu u nda ni bunn iken ti tinyang yang-yi akwen ikyaen wande ti tinyang-ni.

Afisa 1:12

Awu nde iken yine ikyaen ti ati Mbayawuda, ti si ande titawe sa uwae tsi uwog na Kristi, na u sa kuko na rinyi-wu.

Afisa 1:14

Awu Kusung ti Saen Kyag wune, Rimam sa wu sang utob-ti ikyaen ti ti na nungye baa, rifunn ti awu sa tsika ikyaen-ti na ku ba isim, ati na u tu kang kutunn-ti isim kiye ti Rimam a nwangru tag ande ti si ana-wu, u teb rinyi-wu ikyaen kuko-wu.

Afisa 2:10

Ati ti risu-ti si kujwowande Rimam. Awu mam ti yi fengo na Yesu Kristi ti ti na sa ijwe-ti na iken ti tinyang ti ti nde, pangma ti awu myae mam tsi ti kute baa, ati na u nde yi.

Afisa 5:9

Ikyaen ti, i si uwog ti saen kyag ti ku nda ande nde iken ti tinyang ti iken ti pang atang uwe Rimam, ti iken ti kubenti.

Filipi 4:17

Ayi si-yi rinyangwae-ni yine ti ame sa utob-m tsi atang be. Ame ku myae baa, ani ti risu-ni u tu itinyang uwog Rimam ikyaen rinyangwae ti ani sa ba uwog-m.

Kolosi 1:10

ikyaen ti usom ti som-ni uwe ande ā sa kuko na Itsekuru-ti, ti ani na ā nda wu utob ti tsen uwae meme iken ti ani ku nde. Ani u nde wande ti tinyang ti tsotso u nung Rimam ko ku fufa ru fife yi uwe uwe.

Kolosi 1:6

Ira Yesu ne ru ba uwog-ni u ku ru ko aka uwae utense u ku sa itinyang ku shag kyi fe uwog meme, pangma ti ayi nde kutampwa-ni ama, sa ti usir ti kucang nee ani fxen ira risu rinyangwae na Rimam u ru ba nungye baa, ayi na si kubenti.

2 Tesalonika 1:12

Ama ti ande ti tsitsi u nda rinyi na Itsekuru-ti Yesu Kristi rurob ikyaen ira-ni, ani u tu rurob ikyaen-wu ama. Iken yine u ba tu ni ru ye uwae rinyangwae Itsekuru-ti Rimam fa te ana Itsekuru-ti Yesu Kristi.

Titus 3:14

Ande-ti ā kwen wande ti tinyang ti ti nde, ikyaen ti aba u nde tu ti a ndeya ande ti rikaen-ba skeb risu. Aba ā som-ba usom ti ukaen be.

Mbaibrane 12:11

Kiye ti a ku byinn unde kimbab, ayi ku cicaeb, u si-yi iken ti ku tsen utob be. Amaa, isim-yi, ayi u waen awaen ti pang atang uwog unde ti cwe, u paembe itikwen uwae kimbab ti byinn yi.

1 Bitrus 2:12

Usom ti som-ni kutampwa ande ti apxin ā sisaen, ikyaen ti kiye ti aba a ku ri ira titibi risu-ni baa, ani na si ande titibi, aba u sae kujwo wande-ni ti tinyang, ama u teb Rimam usir itiba-wu.

1 Bitrus 2:5

Ani ama si pangma atxom ti site unyang ti a ku nde wande te yi u ku mbye kusog atang ikyaen Rimam. Ani u si akwen ti sisaen ana Rimam ti ku yerwen iken ti pang atang na awu Rimam, ruye uwog Yesu Kristi ti nwangru ti.

1 Bitrus 2:9

Amaa, ani si kumbub ande ti Rimam tsab tsi, anyisu ukwe ti si akwen Rimam, kumbukwen ti sisaen, ande ti si ana Rimam. Awu tsab ni tsi ti ni na ya iski wande-wu ti tinyang uwog ande, ikyaen ti, ayi si awu Rimam ti kunn ni ruye uwae kufub ba uwog ti sisaen-wu ti ku fur ayib.

1 Bitrus 4:14

Asiti a txun ni asu ikyaen na rinyi Kristi, ti tinyang si ana-ni, ikyaen ti, Kusung Rimam, ti si Kusung na riyinn, ta risu-ni.