Filipi 1:10 - Kutsingken Ira Rimam ti Saen Kyag

¹⁰ Ame ku sha ti ni na nungye iken ti nyang siskeb ti ani u putsa atang. Ama usir ti Yesu Kristi a ru ba, awu u tu ni, ani som usom ti saen kyag u si-ni te riraen be,

Filipi 1:10 Iomraidhean Croise

Kucangtsi 20:5

Unde wu ti risu-wu ri baa, unda wune na si mbiya-wu, unda wu ama ri-wu baa, unde wune na si inja-wu be a. Ame nde iken yine ti utob titinyang, ajwo-m meme sisaen.”

Matiyu 16:23

Yesu kafe uwe u ri te Bitrus baa, “Afu Shetann, ko ru ru uwe-m ike! Afu si ukum ti cekyi fengo-m, ikyaen ti, ira ti kab-fu yine si ana unde, i si-yi ana Rimam be.”

Matiyu 26:33

Bitrus ri te wu baa, “Ko asiti ande ti tsitsi a ter shag u ya fu ta, ame u cwe ya fu ta-m be.”

Yohana 1:47

Ti Yesu nung Nataniyel ru ku ba yi uwog-wu, awu ri ira risu-wu baa, “Ni sae umbae Isirela ti kubenti. Ira ti kong ta-yi uwog-wu be.”

Yohana 3:20

Unde ti ku nde ikentitibi ku sha-wu uwog ti saen kyag be, ikyaen ti, awu ku sha-wu ti ikentitibi-wu na nae ise be.

Wande Atom 24:16

Ikyaen yine ko usir titini ame ku kwab ti m som ti utob ti sisaen uwe Rimam te ande.

Roma 12:2

Ni putsa-ni afxen na ande ti utense ne be, amaa ni ya ta ti Rimam ā sa ni kafe ande tishe yi fengo na utob-ni ti awu kyaenyang u sa kafe tishe. Yi fengo yine, ani u ba nungye iken ti Rimam ku sha, u nung iken ti si tinyang, ti iken ti ku nyang uwae-wu, ti iken ti pang atang.

Roma 12:9

Ni kwab ti ni ye ure tetso ti ure ti kubenti, si-yi ti unju amam be. Ni kafe isim ta ikentitibi ti ni ti ye su ira ti tinyang te ajwo ifaen.

Roma 16:17

Ameinja-m, ame ku jwam ni, ni nung afxen-ni riben te ande ti ufxaen ti ku sa itikata ba kutampwa-ni u ku nda ameinja iki kyen kufxen fengo Rimam yi iken ti kwen-ba. Ayi txi ra te ti kucang. Ni ko yaen-ni aba be.

Roma 2:18

Afu nung pu fu iken ti Rimam ku sha, u nung pu fu ti fu tsab fengo ti tinyang, ikyaen ti, a kwen na fu icwe Rimam yi.

Roma 7:16

Ti ame ku nde-m iken ti utob-m ku sha be ne, ayi ku tatso iticwe-m baa, icwe Rimam na nyang.

Roma 7:22

Uwae riyaen utob-m ame ku tsen utob ti m u putsa icwe Rimam.

Roma 8:7

Unde ti ku sa utob tsi risu iken na ijwe, awu ku ta rika te Rimam. Awu ku nae-wu risu riben te icwe Rimam be. Kubenti, awu u nde tu-wu be.

1 Korinti 1:8

Awu ti u ye ni tsi yer fengo-wu ru ka sang ti usir ti ricwunnkyi, ikyaen ti uwae usir wu ti Itsekuru-ti Yesu Kristi a kafe ba, awu u tu-wu ani ti riraen be.

1 Korinti 10:32

Nde-fu iken iki ti u ndembeb utob na unde iki be, ko awu a si urae Yawuda ko urae Helene ko kumbug ande Rimam.

1 Korinti 8:13

Ikyaen yine, ana-m, asiti ame a nung baa, wuci ti ame ku ci, u shir inja-m iki ka nde ikentitibi, ame ti risu-m u ci-m wuci yi cwucwo be. Ikyaen ti, ame ku sha-m ti inja-m iki na jwunnsi uwae ikentitibi ikyaen-m be.

2 Korinti 1:12

Ati ku pam ipam ikyaen itisom-ti ti ati som kutampwa ande uwae utense. Ufxenjwin riyaen utob-ti ama cwe ira-ti baa, ira yine na si kubenti ikyaen ti Rimam nda ti som usom na kubenti te ande, si-yi ti apwa unju amam be. Ayi si ahan siskeb uwog-ni ande na Rimam. Wande-ti ti ati ku nde te ande si-yi wande na ben-ayib ti utense be, ati ku nde yi ti rinyangwae na Rimam.

2 Korinti 2:17

Ati si-ti pangma ariki ti kyang ku jaebci ti ira Rimam be. Ana-ti, ati si ana Kristi. Ati ku ri ira-ti uwae kubenti uwe Rimam ikyaen ti awu ti tom ti baa, ati na nde wande yine.

2 Korinti 6:3

Ati ku nde-ti iken ti u nda unde kyen kufxen uwae fengo Rimam be, ikyaen ti ande ā nung-ba ati te riraen u ye ira wande-ti ri ndembeb be.

2 Korinti 8:8

Ayi si-yi icwe ti ame nda ni be, ame ku tso ni itso itikwab ti ariki ku kwab ti ira rinyangwae yine ikyaen ti ame na nung ko ure-ni si kubenti pangma ana-ba.

Galatiya 5:11

Ameinja, a baa, ame na ku kwen baa, ande na tsen kang kutxin itawe aba na u tu itinwangru, ande ú nde-ba ame rikaen be, ikyaen ti, ira yine si-yi iken ti ku ndembeb ande utob be. Ira iticwu Yesu risu kutuku ti cice ú si-wu iken ti ande u kyi kufxen atang cwucwo be.

Afisa 4:15

Ana-ti, ati u ri kubenti uwae ure. Yi fengo yine, ati u ser riser u kafe pangma Yesu Kristi. Awu ti si risu ande na Rimam. Aba si akyab na rimenn ijwe-wu.

Afisa 5:10

Ni kwab ti ni nungye iken ti Rimam ku tsen utob te yi.

Afisa 5:27

ikyaen ti wu na pu ba ru ba yi uwog-wu pangma unda ishe ti tinyang ti ajib ko riraen iki ta-yi ijwe-wu be.

Afisa 6:24

Ayibrisi na Rimam ā te ni som tetso, ani ande ti ye ure te Itsekuru-ti Yesu Kristi ti ure ti ku jim-wu jim be.

Filipi 1:16

Aba ti ku nde ti utob-ba kinjo ku nde yi ikyaen ti a site ure te m. Aba nung pu ba baa, a ye m cwunnkyi ike ikyaen ti m na ri te ande baa, ira Rimam na si kubenti.

Filipi 1:6

Ame ku ru kubenti baa, awu Rimam ti bag wande ti tinyang riyaen utob-ni, awu na u sa yi ru fife ka tsikunn ti usir ti Yesu Kristi u kafe ru ba.

Filipi 2:16

u ku ri Ira Rimam ti ku nda unyang u ku ye su yi ti ajwo ifaen. Asiti ani a ku nde ahan, ame u pam ipam usir ti Kristi a kafe ba, ikyaen ti itikwab-m ti ame kwab, ti wande-m ti ame nde uwog-ni ā si-yi ukaen be.

1 Tesalonika 3:13

Yi fengo wune, Itsekuru-ti ā ye ni tsi, ikyaen ti, kiye ti awu a kafe ba ti ande-wu ti sisaen meme, ani u tsi uwe Itse-ti Rimam, a u tu-ba ani te riraen iki be.

1 Tesalonika 5:21

Ira ti ande a ku ri meme, ni myae yi myae nyinyang. Asiti ayi a si ira ti tinyang, ni paembe yi.

1 Tesalonika 5:23

Rimam na kujimshwur ā jwosaen ni sisaen, awu ā nungkyi kusung-ni ti unyang-ni ti ijwe-ni ti yi ā si-yi te riraen kiye itikafe ba Itsekuru-ti Yesu Kristi be.

1 Yohana 4:1

Ande-m ti ayib ricwu-m, ni ru-ni kubenti baa, meme asung na ru uwog Rimam ba be, amaa, ni myae nung asung yi, ti ni nung baa, ayi si ana Rimam bara. Ikyaen ti, atom ti ku ya iskin ira tikong yang-ba akwen sang ba pu ba utense.

Ititatso 2:2

Ame nung pu m itikwab-fu uwae wande, te ti afu tsikunn utob ti ye, te ti afu ku cwe-fu ira ande titibi be, ama u myae nung pu fu aba ti ku kunn ijwe-ba baa, aba na si atom, u nungye pu fu baa, aba na si ande ti tikong.