Filipi 1:1 - Kutsingken Ira Rimam ti Saen Kyag

¹ Bulus, ti Timoti, apyi Yesu Kristi, bae kutsingken wune ba ku na ni ande ti ta uten ti Filipi, meme-ni ande ti saen kyag ti putsa Yesu Kristi. Ati bae ku na ni fa ti ande ti uwe-ni, ti ande ti ani tsab ti a na ndeya ba.

Filipi 1:1 Iomraidhean Croise

Markus 13:34

Iken yine meme u nde pangma unde iki ti ku ru fengo rikyen. Awu sa iken ti ta uwae kununn-wu meme u nda apyi-wu kujwo. Unde titini uwae-ba tu wande ti awu u nde. Awu ri te unde ti ku som kyi ufu kusog baa, awu na som usom-wu ama ti ujwin.

Yohana 12:26

Unde titini ti awu a baa, awu na u nde na m wande, awu ā putsa m, ikyaen ti, ko aka ti ame a kyang atang, awu umbae kufxen-m te me u ta te atso. Unde titini ti ru ba ku nde na m wande, Itse-m u nda wu kuko.”

Wande Atom 1:20

“A bae ira uwae kutsingken Akyang ti kumunn pu yi uwog Yawuda baa, ‘Ishi kuru-wu ā ku ukaen! Unde iki ā som-wu atang be!’ A bae kyi ira iki cwucwo baa, ‘Unde iki ā fikyi wande-wu ayi.’

Wande Atom 20:28

Ni som ti ujwin ti ni nungkyi iken ti ti shi ti Kusung ti Saen Kyag nda ni kujwo. Ni si ande ti ku shi ande na Rimam, ti awu sa ba kafe ande-wu ikyaen iticwu na Umbae-wu Yesu.

Wande Atom 9:13

Ananiya ri baa, “Itsekuru, ande yang-ba akwen ri te pu ba ame ira risu unde wune. Meme iken ti awu nde te ande-fu uwae Urushelima nyang-yi be.

Roma 1:1

Kutsingken wune ru uwog-m Bulus, umbaefxen Yesu Kristi, ame ti Rimam tsab tsi baa, ame na si atom-wu, u tom m ru ti m na ka ri ira-wu ti tinyang.

Roma 1:7

Ame bae ku na ni, meme ande Rimam ti ta uten Roma, ani ande ti Rimam ye ure te ni, u kunn ni baa, ani na si ande-wu ti saen kyag. Itse-ti Rimam ti Itsekuru-ti Yesu Kristi ā nda ni itinyang ti kujimshwur.

1 Korinti 16:10

Asiti Timoti a ru ba pu wu uwog-ni, ni nde na wu iken ti u sa utob-wu nae riben, ikyaen ti awu ku nde wande na Itsekuru-ti Yesu Kristi pangma ti ame ku nde ama.

2 Korinti 1:1

Kutsingken wune ru uwog-m Bulus, atom na Yesu Kristi, ame ti Rimam tsab tsi uwae itimyae na-wu. Ame te inja-ti Timoti bae ira yine ru ba uwog-ni ande Rimam ti ta Korinti ti ande Rimam ti uten ti Akaya meme.

Galatiya 1:10

Uwae ira ti ame ri ne, ani ku tang baa, ame ku sha ti ame na tu risu tinyang uwog ande a? Ame ku sha risu ti tinyang uwog Rimam amam, si-yi ana ande be. A baa, ame na tsikunn ti ku nde wande-m ikyaen ti m tu risu ti tinyang uwog ande, ame u si-m upyi Yesu Kristi cwucwo be.

Galatiya 3:26

Meme-ni si pu ni anyisu na Rimam tiri yi fengo na uwae kinjo ti ani ru uwog na Yesu Kristi.

Galatiya 3:28

Ama yi fengo na itiren te Kristi, ko unde a si urae Mbayawuda ko awu a si urae Helene, ayi si-yi ira iki cwucwo be. Itikata ta-yi be, ko kutampwa apyi ti ande ti som usom ti risu-ba, ko kutampwa arom ti anda. Ikyaen ti, uwae itiren-ni ti Yesu Kristi, meme-ni si itso unde kinjo.

Afisa 1:1

Ame Bulus, ti Rimam tsab tsi ti m na si unde ti atom na Yesu Kristi, ame bae ku na ni ande na Yesu ti ta uten ti Afisa, ani ande ti ku putsa Yesu Kristi ti utob kinjo.

Afisa 1:15

Ikyaen yine, ti kucang akwen ti ame fxen baa, ani na ku ru kubenti uwog Itsekuru-ti Yesu, ama ani na ku ye ure te meme ande na Rimam,

Afisa 6:24

Ayibrisi na Rimam ā te ni som tetso, ani ande ti ye ure te Itsekuru-ti Yesu Kristi ti ure ti ku jim-wu jim be.

Filipi 2:19

Itsekuru-ti Yesu a cwe ira, ame u tsi-m tsi be u tom Timoti ba uwog-ni. Ame ku myae baa, asiti awu a kafe ru ba, awu u ri bom me ijwe ti ira risu usom ti som-ni.

Filipi 2:5

Ni kwab ti ni site itso ira ti kab kutampwa-ni pangma ti Yesu Kristi site yi:

Filipi 3:12

Ame ku ri-m baa, ame na tu mam pu m iken yine be. Ame shanum-m te riraen be. Iyee! Ame ku kwab ti m sa kujwojang na inyae ti ter yine kafe ana-m pangma ti Yesu, Unde ti Rimam Tsab Tsi, sa m kafe pu wu ana-wu.

Filipi 3:3

Ati ti si ande ti tsen kutxin ti kubenti, ati ande ti ku fen Rimam yi fengo na Kusung-wu. Ati ku ndub ijwe yi Yesu Kristi u sa uwae tsi-ti risu iken na rimenn ijwe be.

Filipi 3:8

Ayi si-yi iken yine amam be. Iken meme pab ti ame site yi, ame pwen yi baa, ayi na si iken ti ukaen ikyaen ti, ayi nyang skeb tag ti m nung Yesu Kristi Itsekuru-m. Ame ya iken meme ta ikyaen ti m tu Yesu. Iken na ijwe yine, ame sa yi tsi pangma iken ti isor ikyaen ti ame na u tu Kristi,

1 Tesalonika 1:1

Kutsingken wune ruye uwog-ti Bulus ti Silivanu ti Timoti, ru ba ku na ni ande ti Rimam ti ta uwae uten ti Tesalonika, ani ande ti si ana Itse-ti Rimam ti ana Itsekuru-ti Yesu Kristi. Rinyangwae na Rimam ti kujimshwur-wu ā te ni som tetso.

1 Tesalonika 2:2

Ande iki nde ti rikaen u txun ti asu uwae uten ti Filipi, pangma ti ani fxen, amaa ati kyen-ti ikyenricwu be. Rimam ti risu-wu nda ti kpakang utob ti ti na ri te ni ira-wu, ko ti ande yang akwen cwe-ba ira-ti be.

2 Tesalonika 1:1

Kutsingken wune ruye uwog-m Bulus, ti Sila, ti Timoti ba ku na ni kumbub ande na Yesu ti ta uwae uten ti Tesalonika, ani ande ti si ana Itse-ti Rimam ti ana Itsekuru-ti Yesu Kristi.

2 Tesalonika 1:10

Iken yine u nde kiye ti awu u kafe ru ba ti wu mbe rurob uwog ande-wu ti sisaen, ande ti ru uwae kinjo uwog-wu meme u teb rinyi-wu. Ani ama u fa atang ikyaen ti ani ru kubenti uwae Ira Rimam ti ati sa tsag te ni.

1 Timoti 1:2

Ame bae ku na fu Timoti, umbae-m ti kubenti yi fengo Yesu. Rimam Itse-ti, ti Yesu Kristi Itsekuru-ti ā nde fu tinyang, u sae fu te ayibrisi, u nda fu kujimshwur.

1 Timoti 3:8

Aba ande ti a tsab ba tsi ti a na ndeya ande ti uwe, aba ā si ande ti ku kab tu ira u ku ri-ba ira ti unju ifaen be. Aba ā si-ba ande ti ku ngwa iken ku shishaen be. Aba ā si-ba ande ti ku sha aser yi fengo ti tikong be.

Titus 1:1

Kutsingken wune ru uwog-m, Bulus ti si upyi Rimam, u si atom Yesu Kristi ikyaen ande ti Rimam tsitsab, ti m na ndeya ba yi fengo Rimam u kwen na ba ira ti kubenti ti ku ye bom ande yi fengo Rimam,

Titus 1:7

Unde ti uwe ande na Rimam si unde ti ta risu wande Rimam. Ikyaen yine, awu ā si unde ti a tu-ba wu te riraen be. Awu ā si-wu unde ti ku sae ru ande be. Awu ā si-wu unde ti ku tso rinae ti ritsen be. Awu ā si-wu unde ti ku ngwa ku shishaen be. Awu ā si-wu unde ti tsi-wu tsi be ku byinn unde be. Awu ā si-wu unde ti ijaen aser be.

Filimon 1:1

Ame Bulus, ti ku ngwa rikaen pursuna ikyaen Yesu Kristi, ti inja-ti Timoti, ku bae ira yine ku na Filimon urwan wande-ti ti utob uwae-ti,

Mbaibrane 13:23

Ame ku sha ti ni na fxen baa, a saen inja-ti Timoti ta pu ba uwae pursuna. Asiti awu a ba fife, ame te wu u ba uwog-ni tetso.

Yakubu 1:1

Ame Yakubu, upyi Rimam ti ana Itsekuru-ti Yesu Kristi, ku nde na ni usuko, ani ande ti Yawudiya kumyaem rijwe asu ifaen ti shag kyi fe utense meme.

1 Bitrus 2:25

Tikucang, ani si pangma iwentam ti jwe bibyinn. Amaa, tine, ani kafe ba pu ni uwog Itsekuru-ni ti ku shi ni shi, awu ti ku nungkyi unyang-ni.

2 Bitrus 1:1

Kutsingken wune ru kujwo-m Siman Bitrus, ti si umbaefxen na Yesu Kristi, u si unde ti atom-wu ama. Ame bae ku na ni ande ti ru uwae kinjo uwog Yesu pangma ti ati ru uwae kinjo ama. Uwae kinjo-ti wune si iken ti nyang nyae tsitsa, ikyaen ti, ati tu yi ruye uwae wande ti kubenti na Yesu Kristi, awu ti si Rimam, u si Unde ti Nwangru ti.

Yawuda 1:1

Kutsingken wune ru uwog-m Yawuda ti si upyi Yesu Kristi, u si inja Yakubu ama, ru ba uwog-ni ande ti Itse-ti Rimam kunn ni kunn, ani ande ti ure na Rimam, ti Yesu Kristi ku nungkyi ni.

Ititatso 1:1

Ira yine si ira ti Yesu Kristi tatso. Rimam ti nda wu ikyaen ti wu na tatso apyi-wu iken ti u tsi-yi tsi be u nde kang. Yesu Kristi tom atom-wu ti apupwen ti wu na sa ira ayi tsag te upyi-wu Yohana.

Ititatso 1:20

Imbyi atitaen itsongfaen ti afu sae kujwo rici-m, ti iken fitila itsongfaen yine ta re. Iken fitila itsongfaen yi si ambub ande Rimam itsongfaen. Atitaen itsongfaen yi ama si ande ti atom itsongfaen ti ta risu-ba.”

Ititatso 19:10

Ame jwunn ikyig uwe-wu, ti m na fen wu, amaa, awu ri te m baa, “Ya ta! Fen-fu ame be, ame ama si sí upyi pangma afu, u si kinjo uwae ameinja-fu meme ti ku putsa ira ti kubenti ti Yesu ri. Fen Rimam.” Ikyaen ti, ira Yesu ku nda ande ya iskin ira Rimam ti kpakang.

Ititatso 2:12

Bae ka na atom Rimam ti ta risu kumbug ande Rimam ti ta uten Pergamum baa, “Ira yine ruye unju awu ti site kisum wen ti cin isim ti uwe.

Ititatso 2:8

Bae ka na atom Rimam ti ta risu kumbug ande Rimam ti ta uten Simirna baa, “Ayine si ira ti ruye unju awu ti si itikucang, u si itiricwunnkyi, awu ti cwu, u kafe ba ti unyang.

Ititatso 22:9

Amaa, atom awu byang kyi m, baa, “Ya ta! Fen-fu ame be, ame ama si sí upyi pangma afu, u si kinjo uwae ameinja-fu meme ti ku putsa ira ti kubenti ti a bae uwae kutsingken wune. Fen Rimam.”