Daniyel 9:26 - Kutsingken Ira Rimam ti Saen Kyag

²⁶ Isim asang mae ita mbe ifaen yi, a u wen ra ukwe ti a Tsitsab wu, awu u si-wu te iken iki be. Ama ande ti umbyi ukwe wu ti ku ba, u ba twenji uten wu ti Ukag ti sisaen wu. Ricwunnkyi-yi u pangma ambyi ti mbub shag. Rika u tā kaa sang ti kiye ti ricwunnkyi, ama uten wu u kuu ukaen pangma ti a sa tsi.

Daniyel 9:26 Iomraidhean Croise

Daniyel 11:10

Anyisu-wu u nwunn u kunn byir akyirten yang-yi akwen ti u ba yaen shag, u tā rika kaa sang ti kupwe uten unde rika-wu.

Daniyel 11:17

Awu u nde fengo ti wu u ba ti ribom ana meme kujwokwe-wu u ba si unju te ukwe ti kujwo isi, u pu umbae-wu baen ukwe wu, ikyaen ti wu u fxaembe kujwokwe-wu. Amaa, awu u nde num.

Daniyel 11:22

A u wen tag akyirten ti tsi ukub te wu, kwer ti unde ti uwe ti ye su unju ti yer Rimam.

Daniyel 11:36

“Ukwe wu u nde iken ti nyang uwae-wu. Awu u yetso risu-wu u sae ijwe-wu pangma awu na skeb patag apxin, u rimbeb rinyi Rimam ti skeb titag. Awu u tu itiru yi uwe yi meme iken ti awu u nde se kiye ti rinae Rimam a si ba pu yi risu-wu pangma ti a ri tsi.

Daniyel 9:27

Awu u yer unju ti kpakang te ande yang-ba uwae kutsáb kinjo, ama uwae kapam kutsáb wu, awu u byangkyi iken ti a ku yerwen na Rimam, ti rinyangwae ti a ku pu ba na Rimam. Awu u sa iken ti ku txiyib tsi uwae Ukag ti sisaen, ama u nda Ukag ti sisaen wu kú ukaen, se ti ricwunnkyi ti a sa tsi, a ba kumunn pu yi risu unde wune ti ku nda uten kú ukaen.”

Amos 8:8

“Ikyaen ayine, riben u kyi ijwe tititang, ande meme ti nae atang ama u jwub ira. Riben u ndub tso pangma uyinn ti Nel, yi Ejib, ti ku munn tso u ba yaen ru.

Amos 9:5

Itsekuru Yaweh, Ukwe rika, ti a sa kujwo tekunn riben, riben ku yiyag, ama meme ande ti nae atang u jwub ricwu. Riben wu meme u ndub tso pangma uyinn ti Nel, u munn, u yaen ru.

Matiyu 22:2

“Kujwokwe Rimam ti apupwen pangma Ukwe ti mbe unda na umbae-wu.

Matiyu 22:7

Rinae ye ukwe wu, ama awu tom akyirten-wu ka twenji ande ba ti wen apyi-wu, u twen mbub tag uten-ba.

Matiyu 23:38

Sae, kusog-fu u kú ukaen.

Matiyu 24:2

Yesu ri te ba baa, “Een, iken ti ani ku sae-ni, kubenti ti ame ku ri te ni, fengo iki ta-yi ti a u ya kutxom iki ta ti wu ā tsitsa iki be. A u byinn mbub yi si tag riben.”

Markus 13:2

Yesu ri te wu baa, “Afu nung asog ti tiyang ti tinyang yine, uwe ike kutxom iki u nae tsa-wu risu kutxom iki be. Meme u kyaen si patag.”

Markus 13:7

Kiye ti ani a ku fxen a ku ta rika fer te ni, ama ku ta rika uten iki ti fengo ti rwen, ni yer-ni anying utob be. Meme iken yine u nde kang, ricwunnkyi utense ba-wu khika be.

Markus 9:12

Yesu ri te ba baa, “Kubenti, Eliya u ba kang itawe. Awu u kyae nyang iken meme.” Ama awu rang ba cwucwo baa, “A bae ira risu Umbae Unde baa, awu na u ngwa rikaen timambe, be a? Cwucwo ande na u sae ru wu, be a?

Luka 21:24

A u cin wen ariki uwae-ba ti kisim. Ande ti uten ti iyen meme u ru ba ye ba ru usom apyi. Ande ti kufub u ba tsikunn ti ku byinn mbub Urushelima si riben, se kiye ti Rimam sa tsi na ba a mam pu yi.

Luka 21:6

“Meme iken ti ani ku sae ne, kiye iki ru ku ba ti ande u nung-ba ko kutxom kinjo risu uriki be. Meme-yi u kyaensi tag riben.”

Luka 24:26

Unde wu ti Rimam Tsab Tsi ngwa kang rikaen titawe awu u tu kuko-wu.”

Luka 24:46

Awu ri te ba baa, “A bae uwae Kutsingken Rimam baa, ‘Unde wu ti Rimam Tsab Tsi u ngwa kang rikaen u cwu u nwunn uwae iticwu uwae usir ti fa ti ita.

Yohana 14:30

Ame u ri-m ira kuko te ni cwucwo be, ikyaen ti, awu Shetann, awu ti ku nae ukwe uwae utense ne, ru ku ba. Awu site-wu kuko iki risu-m be,

2 Korinti 5:21

Ayi si ikyaen-ti ti Rimam sa Yesu Kristi tsi pangma awu na si unde ti nde ikentitibi, ko ti awu ndeji-wu ikentitibi be, ikyaen ti, yi uwae wande-wu, ati u si ande ti kubenti uwe Rimam.

Galatiya 3:13

Kristi jaeb mbe unyang-ti u nwangru ti uwae rikaen ti a ri baa, ayi na u ba risu ande ti nyatsa Icwe na Rimam. Awu sa ijwe-wu sang fa uwae rinae na Rimam kutunn unju-ti. Awu kafe iken ti a rimbeb wu, pangma ti a bae baa, “Itibi ā tu unde titini ti a kwer wu risu kutuku.”

1 Bitrus 2:21

Ayi si ikyaen yine nee a kunn ni ba. Kristi ti risu-wu ngwa itso rikaen yine ikyaen-ni, u ceb rifab nae ni ti ni na putsa.

1 Bitrus 2:24

Awu ti risu-wu su ikentitibi-ti tso yi risu kutuku ti cice ikyaen ti uwae ikentitibi ti ti nde, ati ā si rukom, ama uwae iken ti kubenti ti ti nde, ati ā tsi user. Ikyaen abang rikaen ti awu ngwa, ani nwangru pu ni.

1 Bitrus 3:18

Kristi ti risu-wu ngwa rikaen risu ande titibi. Awu ti si unde ti kubenti cwu ricwu ikyaen ande ti shanum kubenti, ti wu na pu ti ba uwog Rimam. A wen wu yi rimenn ijwe, yi Kusung a ye wu nwunn wu ti unyang.