Daniyel 9:25 - Kutsingken Ira Rimam ti Saen Kyag

²⁵ “Ame ku sha ti fu na nungye baa, ti kiye ti a nda unju risu itimbye nyang Urushelima kaa sang kiye itiba ukwe iki, unde ti a tsitsab, ayi u ka kutsab itsongfaen. Tiri a u mbye nyang uten wu uwae kutsab mae ita mbe ifaen, u kyaenyang rishin-ba uwae uten wu, ama u mum kukwae tiyang sangkob uten wu, amaa, a u nde yi uwae rikaen.

Daniyel 9:25 Iomraidhean Croise

Nehemiya 3:1

Kukwen tiyang ti rinyi-wu si Eliyashib ti ameinja wande-wu, akwen ti tsitsi, bag u mbye shem Ufu Mbawen, u pu ifu-yi ti ipam-yi sang ti uwog-yi, ama u yerkob wu. A yerkob ukoh wu ru ka sang ti Kitaen-kujwén ana akyirten, fa ti Kitaen-kujwén ana Hananel.

Nehemiya 4:2

Yi uwe na ande ti putsa wu, ti akyirten na Samariya, awu ri baa, “Imi ti Mbaibrane ba ti fa-ba ukwab be ne ku kab ti a na u nde? Aba ku sha ti a na u mbye shem uten wu a. A u mamtag wande yi usir kinjo a. Amumunn atxom ti twen mbubub ne, a u pu yi mbye tu kusog atang, ama u twen ikentitwen u yerkob kusog wu a.”

Nehemiya 4:8

Tiri aba byir atso u myae ira ti a na ba kunn Urushelima ti rika, u sa kyirunn sang.

Nehemiya 6:15

Meme wande na ukoh wu mamtag uwae usir ti rikom mbe itsong uwae ushaen Elul, isim usir mae ifaen ka mbe rijwe asu ifaen na wande yi.

Daniyel 8:11

Ishin wu myae risu-wu te ukwe rika ti apupwen, u byangkyi iken ti twen ti a ku twen na Rimam usir usir, ama sormbeb ukag-wu ti sisaen.

Daniyel 8:25

Awu u ru itsab, u nda itikyaefa-wu ru yi uwe, ama awu u sa tsi uwae-wu baa, awu na skeb titag. Awu u purug ande u wen ba, ama u nwunn tsi ikub te Ukwe ti skeb abikwe. Awu u cwuji, i si-yi unde iki ti u wen wu be.

Daniyel 9:23

Ti kiye ti afu bag itijwam-fu ikyaen ayibrisi, Rimam fxen itijwam-fu ayi, ama u tom m ba uwog-fu ikyaen ti, awu site ure te fu timambe. Ikyaen yine, naa atong nyinyang ti fu nungye ititatso ayi.

Matiyu 13:23

Iken ti tā ka si riben ti tinyang ama, si unde ti fxen ira Rimam u ye su yi tsi utob-wu. Ayi waen awaen. Iki ikaen mae itsong, iki ikaen mae ita, iki ama si rijwe ita.”

Matiyu 24:15

“Kiye iki ani u nung iken ti ku txi iyib ti a u sa tsi yi uwog ti sisaen pangma ti Daniyel unde ti ku ya iskin ira Rimam ri. (Unde ti ku nung putsa kutsingken wune, awu ā nungye!)

Markus 13:14

“Kiye ti ani a nung iken iki ti ku txi iyib, a ye yi tsi uwog iki ti fa fa atang be. (Afu ti ku pwen iwaen iken ti bae, nung ira yine nyinyang!) Kiye ti ani a ku nung ayine, ani ande ti ta uten ti Yawudiya, ni ter inyae tso yi rikwen.

Yohana 1:41

Ti awu fxen ira Yohana ne, awu nwunn ti ritsen u ru ka tu inja-wu Siman u ri te wu baa, “Ati tu pu ti Mesiya wu.” (Imbyi “Mesiya” si Awu ti Rimam Tsab Tsi).

Yohana 4:25

Unda wu ri te wu baa, “Ame nung pu m baa, Unde ti Rimam Tsab Tsi u ba. Awu ti a ku kunn rinyi-wu baa Kristi. Kiye ti awu a ba pu wu, awu u ba kwen tso ti iken meme.”

Wande Atom 3:15

Ani wen unde wu ti ku nda ande unyang, amaa Rimam kunn nwunn wu uwae iticwu. Ati sae pu ti awu ti ayib-ti.

Wande Atom 5:31

Rimam sa wu tso yi kujwo rici-wu apupwen ti wu na si unde ti uwe, u si unde ti nwangru ande. Awu nde ayine ikyaen ti ande ti Isirela na ā tu riyae ti a na ya ikentitibi-ba ta, ti a na kafe ba uwog Rimam ti wu na ya ta na ba.

Wande Atom 8:30

Filip nwunn ti ritsen ka fxen wu, awu ku nung putsa uwae ira ti Ishaya bae. Awu rang wu baa, “Afu nungye ira yi ti fu ku pwen ne a?”

Afisa 5:16

Ko kiye titini ti ani a tu riyae, ni nde iken ti tinyang ikyaen ti, kiye ti ati ta uwae-yi tine nyang-yi be.

Ititatso 1:5

ti uwog Yesu Kristi, awu ti ku ri tan ira Rimam te ande, awu ti tawe uwe nwunn uwae iticwu, awu ti si ukwe na abikwe utense. Awu ti site ure te ti, u sa anying-wu yaen mbub ikyaen ti wu saen ti ta uwae ikentitibi-ti.

Ititatso 19:16

Rimenn arun-wu ti kusa-wu, a bae rinyi atang baa, “Ukwe na akwe, Itsekuru na itsekuru.”