Daniyel 9:21 - Kutsingken Ira Rimam ti Saen Kyag

²¹ Jibirilu, unde ti ame sae pu m awu pu pu uwae kurwa kucang, pinn ba tu m kiye iken ti twen ti ureb.

Daniyel 9:21 Iomraidhean Croise

Itiruye 29:39

Twen iwentam kinjo kiskinn, ama u twen ti ifaen-wu ureb.

Daniyel 10:10

Ti m nunung, a sa kujwo tekunn m ti nda ijwe-m meme ku fufwer.

Daniyel 10:16

Ti ame u nunung, atom iki ti ru unde, sa kujwo tekunn apwa unju-m, ama ame mbub unju u sang ira ti ti ri, u ri te unde ti tsi uwe-m baa, “Itsekuru-m, ira ti kitam yine, caeb m ijwe u nda ijwe-m nam tur.

Daniyel 10:18

Tiri atom wu ti ijwe-wu rukwer ijwe unde ne sa kujwo tekunn kyi m ama ame tu kpakang ijwe.

Daniyel 8:16

Ama ame fxen afxenjwin yi unju uyinn Ulayi baa, “Jibirilu, tsag imbyi kurwa yi te unde wune.”

Daniyel 8:18

Ama kiye ti awu ri tag pu wu ira te m, ame si kicwag burrr ti uwe-m bur riben atang. Amaa, awu tekunn m, u ye m nwunn ritsen.

Matiyu 27:46

Ama kiye na aser ita ti usirtaen Yesu kunn ira te afxenjwin ti ribom unju uten-ba baa, “Eli, Eli, lema sabakatani.” Imbyi-yi baa, “Rimam-m, Rimam-m, imi ti nde ti afu ya m ta?”

Luka 1:19

Atom wu ri te wu baa, “Ame si Jibirilu ti ku tsi uwe Rimam. A tom me ti m na ru ba ri ira te fu, ama ti m na sa ira ti tinyang yine ru ba na fu.

Luka 1:26

Uwae ishaen ti fa ti itsongnjo na rishwu ti Elizabet kyaen, Rimam tom atom-wu ti rinyi-wu si Jibirilu ru ba kyi uwae imbae uten iki ti a ku kunn wu baa Nazareti, uwae uten ti Galili.

Wande Atom 10:3

Usirtaen iki, aser ita, awu nung atom Rimam ru ba tsi uwe-wu paenine ahan u kunn wu baa, “Korneliyu!”

Wande Atom 10:9

Ucwefam-yi aba nwunn ba ku fer Yopa ti usirtaen. Kiye wu ama Bitrus tso ru ka jwam Rimam risu kusog, uwog ti ande ku pu unyang atang.

Wande Atom 12:7

Ti a u nunung, atom Rimam tsi atang. Meme uwae pursuna atang farang. Atom wu ba sa kujwo tur Bitrus u shwu wu u ri baa, “Nwunn ritsen ti kife.” Uji kiser ti a yir Bitrus kujwo tum si riben.

Wande Atom 3:1

Usir iki, usir jwo ureb, Bitrus ti Yohana ru yi Kusog Rimam. I si kiye wu ti ande ku funn ku jwam Rimam aser ita ti ureb.

Mbaibrane 1:14

Atom Rimam ti apupwen si iken iki a. Aba si-ba asung ti ku ndeya Rimam be a. Awu ku tom ba ru ti a kaa ndeya ande ti a u tu itinwangru.

Mbaibrane 1:7

Ana atom-wu ti apupwen, awu ri baa, “Awu ku nda atom-wu ti apupwen si ufunn, ama ande ti ku nde wande-wu, awu ku nda ba si ijaen urwa.”

Ititatso 9:17

Itso ti ame sae kakum rika yi, te ande ti ku tso yi uwae kurwa-m ta re. Ande ti tso yi burkyi kikog-ba ti kupam akyabser ti tā ribae. Ribae ikyabser yi iki byaen pangma urwa, iki pangma kindob ikān, u kikang pangma kutxom safire, iki byaen pwafufong. Risu kakum yi pangma risu itumu. Urwa ti akyang ku ruye unju-yi.