Daniyel 9:16 - Kutsingken Ira Rimam ti Saen Kyag

¹⁶ Aya Itsekuru, ikyaen meme wande-fu ti pang atang, sa ru rinae-fu risu uten-fu Urushelima, rikwen-fu ti saen kyag. Ikyaen ti, ikentitibi-ti ti riraen na abitse-ti nda Urushelima ti ande-fu kafe pu ba iken ti ande ku tsag ira risu-ba ku kyang.

Daniyel 9:16 Iomraidhean Croise

Nehemiya 9:8

“Afu nung baa, awu na si unde ti kubenti, u yer unju te wu baa, afu na u nda anyisu-wu riben ande ti Kanana, riben ande ti Hiti ti ana ande ti Amor, ti ana ande ti Perizi ti ande ti Jebusi ti Girgashi. Afu ye su unju ti yer-fu, ikyaen ti, afu ku nde iken ti pang atang.

Itiruye 20:5

Ku riben na-fu ayi be. Fen-fu ayi be. Ikyaen ti, ame Yaweh Rimam-fu si Rimam ti kitsinn, ame cwe-m ti ande-m na kú riben na iken iki fa m ifaen be. Ande ti cwe-ba ira-m be, ame ku pwen ba ti anyisu-ba rikwén kaa sang ti utso ti ita te ti inje.

Daniyel 11:45

Ama awu u sim afug rika-wu kutampwa uyinn ti rikwen ti sisaen. Amaa, awu u cwuji, unde iki u ta-wu ti u ndeya wu be.

Daniyel 9:20

Kiye ti ame ta uwae Rimam ti jwam ku fxir tso ikentitibi-m ti ana ande-m Isirela, ku pu itijwam-m ba uwe Yaweh Rimam-m ikyaen rikwen ti saen kyag na Rimam-m,

2 Tesalonika 1:6

Rimam ku nde iken ti kubenti. Aba ande ti ku nde ni rikaen tine, awu u nda ba rikaen u pae ripab rikaen ti aba nda ni.

1 Yohana 1:9

Amaa, asiti ati a fxirtso ikentitibi-ti, awu Rimam, ti si Rimam ti kubenti, u ku pwen rikwen ti kubenti, awu u ya ta na ti ikentitibi-ti, u jwosaen ti uwae meme iken ti nyang-yi be.