Daniyel 9:13 - Kutsingken Ira Rimam ti Saen Kyag

¹³ Pangma ti a bae uwae icwe Musa, meme ira titibi ti a bae uwae icwe Musa risu-ti kumunn pu yi. Amaa, ati sha-ti ayibrisi uwog-fu Yaweh Rimam-ti be, ati ama kafe isim ta-ti ikentitibi-ti be, u sa utob na ati ira fu ti kubenti be.

Daniyel 9:13 Iomraidhean Croise

Daniyel 9:11

Meme-ti Isirela nyatsa pu ti icwe-fu, u kafe isim ta pu ti afu, u shaen ti ti u nae risu riben te ira-fu. “Ikyaen yine, kufwag ti afu ta, ti uben ti ben ti upyi-fu Musa bae uwae kutsingken icwe ta risu-ti ikyaen ikentitibi ti ati nde uwe-fu.

Luka 24:45

Isim ayine awu mbubta ba riyaen utob ti a na nungye imbyi ira ti a bae uwae Kutsingken Rimam.

Yohana 10:35

Ati nung pu ti baa, Ande ti awu ku kunn ba uwae Kutsingken-wu baa, anyisu Rimam, si nyáng ande amam. Fengo ta-yi ti Ira yine uwae Kutsingken Rimam u ka fife be. Ikyaen yine, asiti Rimam ri baa, aba ande ba ti paembe ira-wu na si anyisu Rimam,

Yohana 6:45

Ti kute ande ti ku ya iskin ira Rimam bae baa, ‘Rimam ti u kwen na ba meme.’ Ande meme ti fxen ira Itse-m u kwen ye ira-wu, awu u ru ba uwog-m.

Yohana 8:32

Ani u nung kubenti, ama kubenti u saen ni ta uwae rikaen apyi.”

Afisa 4:21

Ame tang baa, ani fxen mam pu ni ira risu-wu ara kuben. Ame tang ama baa, ani ande ti si ande ti putsa wu kwen pu ni ira ti kubenti ti awu tatso ti.

Yakubu 1:5

Asiti unde iki uwae-ni a si-wu te ben-ayib be, awu ā jwam Rimam ti ku mbubta ajwo na ande meme, ku fxir-wu unde iki kufxir be, ama awu u nda wu.