Daniyel 8:8 - Kutsingken Ira Rimam ti Saen Kyag

⁸ Iwenten wu kpag fufa, amaa, kiye ti awu kpag mbeb, ishin ti kpakang wu mber ru. Uwog ti ishin wu mber ru atang, ishin inje mbug tsoye atang rukwer ikub inje na utense.

Daniyel 8:8 Iomraidhean Croise

Esita 9:4

Ikyaen ti, awu Mordekai site rurob uwae kununn ukwe, rinyi-wu pu iten kyife uwae uten uten meme. Mordekai kpag pu ku fufa ku fufa.

Daniyel 11:4

Kiye ti awu a nwunn pu wu, kujwokwe-wu u kata ka aru inje, amaa, ayi u si-yi rishi-wu ti u ta risu-yi be. Ayi ama u si-yi pangma kiye ti awu ta risu-yi be, ikyaen ti, a u waen ra kujwokwe-wu u nda ariki.

Daniyel 4:31

Ti ti awu ta ti uwae ira yi ti ti ri, afxenjwin si apupwen ba baa, “Nung! Ukwe Nebukanezar, ira wune ba uwog-fu baa, a na waen pu ba afu ukwe,

Daniyel 5:20

Amaa, kiye ti ijwe ti ndub sang ba yirkyi utob-wu, a waen wu ukwe, awu si-wu te riyinn cwucwo be.

Daniyel 7:2

Daniyel tsag baa, “Ame sunn kurwa utitang ti ufunn ru ukub inje utense ba ku kae ambyi yaenshag uwae uyinn tiyang.

Daniyel 7:6

“Isim ayine, ame sae kyi ibye iki tsoye ti ru icwu u site asae inje isim-wu pangma asae kunung, ama si te risu inje. Ama a nda wu kuko risu iken meme.

Daniyel 8:22

Ishin wu ti mber ru, ama ishin inje yi ti ba tsokyi ne ku tatso baa, ajwokwe inje na u ba tsoye uwae kujwokwe-wu, amaa, ayi u kpag-yi pangma awu be.

Daniyel 8:5

Ti ame ku kab ira risu iken yine, ame sae Iwenten tishir iki ru usir kujwo ureb ba rutsa uwae utense. Afxen-wu tekunn-wu riben be. Iwenten wu site ishin iki ti mbug tsoye ikub uwe-wu pampam.

Daniyel 8:7

Ame sae awu ba fer Iwentam wu uwae rinae u ca wu ishin, u ca mber wu ishin-wu meme ifaen-yi. Iwentam wu kpag-wu ti wu tsi tu te Iwenten wu be. Awu ceb pu wu si riben u ceb wu te afxen, ama unde iki nwangru tu-wu Iwentam wu kujwo Iwenten wu be.

Matiyu 24:31

A u kunn kutumu ti ribom, ama awu u tom atom-wu ti apupwen kaá byir tag ande Rimam ti awu tsab tsi uwae utense meme.”

Markus 13:27

Ama, awu u tom atom-wu ti apupwen ti a ru yi kujwo usir ti kiskinn ti ti ureb, uwe ti kujwo rici, uwe ti kujwo ife, apupwen ti riben, ti a ka kunn byir ande-wu ti awu tsab ba tsab.

Ititatso 7:1

Isim ayine ame sae atom Rimam ka inje, tsi ukub inje na utense, u ye ufunn ti ruye ukub inje na utense yine tsi ting, ti ayi ā kae fa-yi utense ko uyinn ko ituku be.