Daniyel 8:13 - Kutsingken Ira Rimam ti Saen Kyag

¹³ Tiri ame fxen atom Rimam ti saen kyag iki ku ri ira, ama atom ti saen kyag iki cwucwo rang awu ti ku ri ira ne baa, “Ayi u ba kwer isinn ti kurwa risu iken ti twen ti a ku twen na kob Rimam u ba mamtag? Isinn ti ira risu itikpag risu yine ti ku shir na uten ku ukaen u kunmunn, isinn ti a u fxae itisombeb ukag ti saen kyag, ti iticeb akyirten ti apupwen, fa afxen?”

Daniyel 8:13 Iomraidhean Croise

Daniyel 11:31

“Awu u tom akyirten ba sang kusog Rimam tiyang, u byangkyi iken ti twen na usir usir. Aba u pu iken ti ku txiyib ti ku sor ndembeb uwog sang kusog Rimam tiyang wu u ye yi tsi atang.

Daniyel 12:11

“Ayi u ka usir kumbub kinjo ti ukob ifaen ti mae inje mbe rijwe (1,290) isim-yi ti a byangkyi pu ba iken ti twen yi kusog Rimam, ama pu iken ti ku txiyib sang ba tsi pu ba.

Daniyel 12:8

Ame fxen ira yine ama nungye-m imbyi-yi be. Tiri ame rang baa, “Itsekuru-m, ricwunnkyi iken yine u ba si rimang?”

Daniyel 4:10

Ame sunn kurwa. Ama uwae kurwa yi ame sae kutuku tiyang iki tsi kutampwa utense.

Daniyel 4:13

“Ti uwae kurwa wu ame sae atom ti saen kyag si apupwen ba.

Daniyel 4:23

“Ama afu ukwe sae atom ti saen kyag si apupwen ba u ri baa, ‘Tur kutuku wu si ti fu twenji wu, amaa, yá ukum imbyi-wu ta ti riben atang, ti irum ā shab pakob wu. Fae pakob wu te ikyabser ti bronzi uwae irum atang. Imenn ā sur fa wu atang, ti awu ā tsi fa ibye kutur, se asang itsongfaen a nyatsa pu yi titawe.’

Daniyel 7:16

Ame ka tu kinjo uwae ande ba ti tsi atang, u rang wu ti awu na ri te m imbyi kurwa yine. Ama awu ri te m imbyi kurwa yi baa,

Daniyel 7:23

“Ira ti awu ri ta re. Ibye anyi ti inje wu ku tso baa, kujwokwe ti inje u ba tsoye uwae utense ti u txi ra te meme ajwokwe ti tsitsi. Kujwokwe wu u twenji meme utense, u ceb pu ba fa afxen.

Daniyel 9:27

Awu u yer unju ti kpakang te ande yang-ba uwae kutsáb kinjo, ama uwae kapam kutsáb wu, awu u byangkyi iken ti a ku yerwen na Rimam, ti rinyangwae ti a ku pu ba na Rimam. Awu u sa iken ti ku txiyib tsi uwae Ukag ti sisaen, ama u nda Ukag ti sisaen wu kú ukaen, se ti ricwunnkyi ti a sa tsi, a ba kumunn pu yi risu unde wune ti ku nda uten kú ukaen.”

Matiyu 11:27

“Itse-m nda pu wu ame iken meme. Unde iki nung-wu umbae Rimam be, si nyang Itse-wu amam. Unde iki ama nung-wu Itse ti apupwen be, si nyang umbae-wu amam ti ande ti awu a ku sha ti wu u tatso ba.

Matiyu 24:15

“Kiye iki ani u nung iken ti ku txi iyib ti a u sa tsi yi uwog ti sisaen pangma ti Daniyel unde ti ku ya iskin ira Rimam ri. (Unde ti ku nung putsa kutsingken wune, awu ā nungye!)

Markus 13:14

“Kiye ti ani a nung iken iki ti ku txi iyib, a ye yi tsi uwog iki ti fa fa atang be. (Afu ti ku pwen iwaen iken ti bae, nung ira yine nyinyang!) Kiye ti ani a ku nung ayine, ani ande ti ta uten ti Yawudiya, ni ter inyae tso yi rikwen.

Luka 10:22

Uwog ne, Yesu ri te ande ti putsa wu baa, “Itse-m nda pu wu ame iken meme. Unde iki ta-wu ti nungye Umbae Rimam be, nyang Itse-wu amam. Cwucwo unde iki ta-wu ti nungye Rimam be, nyang Umbae-wu amam, fa ti ande ti awu ku cwe ira-ba u tatso ba.”

Luka 21:20

“Kiye ti ani nung akyirten ru ba pakob Urushelima fa uwae, ani u nungye baa, ayi u tsi-yi tsi be a u byinn mbub wu si riben.

Luka 21:24

A u cin wen ariki uwae-ba ti kisim. Ande ti uten ti iyen meme u ru ba ye ba ru usom apyi. Ande ti kufub u ba tsikunn ti ku byinn mbub Urushelima si riben, se kiye ti Rimam sa tsi na ba a mam pu yi.

Yohana 1:18

Unde iki ta-wu ti nung ji pu wu Rimam be. Umbae-wu kinjo-wu amam, awu ti risu-wu ti si Rimam, ku som rinwan Itse-wu. Awu ti nda ande nungye Rimam.

1 Tesalonika 3:13

Yi fengo wune, Itsekuru-ti ā ye ni tsi, ikyaen ti, kiye ti awu a kafe ba ti ande-wu ti sisaen meme, ani u tsi uwe Itse-ti Rimam, a u tu-ba ani te riraen iki be.

Mbaibrane 10:29

Afu ku kab baa, ayi u beb rimang, asiti unde a saeru Umbae Rimam, u saesi anying unju ti yer ti jwosaen ti, u ri mbeb Kusung ayibrisi?

1 Bitrus 1:12

Kusung Rimam ri yae ira yine te ba baa, wande-ba na si-yi ti aba na ku nde na risu-ba be. Ayi na si ikyaen-ni. Ayi si sí iken ti a ya iski-yi te ni tine, nee Rimam tom Kusung ti Saen Kyag si ba u nda ande tsag Ira ti tinyang te ni. Ayine si iken ti atom Rimam ti apupwen ti risu-ba sha ti aten ayib ti a u nung.

Yawuda 1:14

Enoki ti si ti itsongfaen uwae abitse-ti ti ba isim Adamu, Rimam nda wu ri ira risu ande bane kute baa, “Ni nung! Itsekuru-ti Rimam ru ku ba ti atom-wu ti sisaen, ti ujwunn-ba.

Ititatso 11:2

Amaa, myae rishen ti pakob kusog Rimam fa-fu atang be. Ikyaen ti, a sa wu na pu ba ande ti nung-ba ira Rimam be. Aba u ceb pu uka ti sisaen na Rimam fa afxen ka ishaen mae ifaen asu ifaen.

Ititatso 6:10

Aba jwub ira te afxenjwin ti ribom baa, “Itsekuru ti skeb titag, ti si itisaen kyag, u si kubenti, isinn ti afu u ba pwen rikwen, u ye ripab anying-ti kujwo ande ti utense, ti tur yaenmbub?”