Daniyel 7:18 - Kutsingken Ira Rimam ti Saen Kyag

¹⁸ Amaa, ande ti saen kyag na Rimam ti skeb ti tag u tsokyi kujwokwe yine, ama u nae ukwe risu-yi ru fife yi uwe.’

Daniyel 7:18 Iomraidhean Croise

Daniyel 7:14

Ama a nda wu kuko, ti riyinn, ti kpakang ititae, ikyaen ti meme ande, ti mbukwen ande, ti unju uten unju uten, na kú riben na wu. Kuko-wu u tsi kukunn ru fife yi uwe u yafe-wu fe ama be. Kujwokwe-wu ama u twenji-yi ji be.

Daniyel 7:17

‘Ibye anyi inje yine ku tso abikwe inje ti u nwunn uwae utense.

Daniyel 7:22

se kiye ti Awu ti ta atang ti Kute ka ba pwen rikwen ikyaen ande ti saen kyag ti si ana Rimam ti skeb ti tag, ama kiye wu ande ti saen kyag tsokyi kujwokwe wu.

Daniyel 7:25

Awu u rimbeb Rimam ti skeb ti tag, u nde ande-wu ti saen kyag rikaen, ama u kab ti wu kafe kiye ukwab-ba ti icwe-ba. Aba u ta kujwo-wu ka asang ita ti ripye.

Daniyel 7:27

Ama a u sa kujwokwe, ti kuko, ti rurob ajwokwe ti ta utense meme na ande ti saen kyag na Rimam ti skeb ti tag. Kujwokwe-ba u si kujwokwe ti tsi kukunn ru fife yi uwe. Ama meme ande ti uwe u ba ku riben u fen ba.

Luka 1:33

Awu u nae ukwe risu rishi Yakubu tsi kukunn ike ru fife yi uwe. Itinae na ukwe-wu, ricwunnkyi-yi u ta-yi be.”

1 Korinti 6:2

Ani nung-ni ti uwe ike, ande na Rimam u pwen ande ti utense rikwén be a. Asiti ani si ande ti u pwen rikwén risu utense usir ti ucwe, imi ti nde nee ani pwen tu-ni rikwén risu ira ti pang pang ti ku nwunn kutampwa-ni be?

Afisa 1:3

Ati ku teb rinyi na Rimam ti si Itse na Itsekuru-ti Yesu Kristi ikyaen ti, uwae usom ti som-ti te Kristi, awu sa iken ti tinyang ti tsotso ti si ana kuru-wu ti apupwen na ti.

Afisa 6:12

Rika yi ti ati ku ta ne si-yi rika ti ati ku ta te ande ti site rimenn ijwe ti anying be. Ati ku ta rika te abikwe, ti ande ti kpakang, ti kujwokwe kufub, ti akyirten asung titibi ti ta apupwen.

Ititatso 20:4

Isim ayine, ame nung atxomkwe, ama itaen ti somtsa atang si aba ti a nda ba kuko ti a na pwen ande rikwen. Cwucwo ame nung unyang ande ti a pyera risu-ba ikyaen ti aba cwé iticwé ira ti kubenti na Yesu, ti ira na Rimam. Aba ti fen-ba ibye titibi wune, ko ti a u ku riben na iken ti awu mbye tsi be, u yer-ba iwaen na ibye titibi wune kutxuwe-ba ti ajwo-ba be. Aba shwur, u ti Yesu Kristi nae ukwe tetso ka asang kumbub kinjo.

Ititatso 22:5

Utitang u ta-wu atang cwucwo be. Aba u sha-ba urwa fitila ko ana usir cwucwo be, ikyaen ti, Itsekuru-ti Rimam ti u si urwa-ba. Aba u som usom ukwe ti ititsikunn-yi ta-yi be.

Ititatso 3:21

Unde ti a ci rika, ame u cwe na wu ti wu som te m kutxomkwe-m, pangma ti ame ci rika u som te Itse-m kutxomkwe-wu.”

Ititatso 5:10

Afu sa ba kafe mbukwen abikwe, u si akwen Rimam ti ku nde wande na Rimam-ti, Aba u nae ukwe risu utense.”