Daniyel 7:14 - Kutsingken Ira Rimam ti Saen Kyag

¹⁴ Ama a nda wu kuko, ti riyinn, ti kpakang ititae, ikyaen ti meme ande, ti mbukwen ande, ti unju uten unju uten, na kú riben na wu. Kuko-wu u tsi kukunn ru fife yi uwe u yafe-wu fe ama be. Kujwokwe-wu ama u twenji-yi ji be.

Daniyel 7:14 Iomraidhean Croise

Daniyel 2:35

Tiri ikyabser, ti ariben, ti bronzi, ti azurfa, ti zinariya ti si akyab iken wu, mbubtsen jwag jwag jwag ama ufunn kae pu yi ru ti a nung-ba nung ira iki risu-ba cwucwo be, pangma ufwèn yi utae. Amaa, kutxom wu ti byinn mbub iken wu ba kafe rikwen tiyang ti takyi utense meme.

Daniyel 2:37

Afu ukwe ti si ukwe na abikwe ti Rimam ti ta apupwen nda pu wu afu kujwokwe, ti rurob, ti kpakang, ti riyinn.

Daniyel 2:44

“Uwae kiye abikwe ba, Rimam ti apupwen u ye nwunn kujwokwe iki ti u twenji-wu ji be, unde iki ama u tsokyi-wu kujwokwe wu be. Kujwokwe wu u twenji tag ajwokwe yine, amaa, awu ti risu-wu u tsi ru fife yi uwe.

Daniyel 3:4

Unde ti ku ya iskin ukwe ri ira te ufxenjwin ti kpakang baa, “A nda ni unju, ani ande ti mbukwen mbukwen, ti unju uten uten baa,

Daniyel 4:3

Iken ti ku fur ayib ti awu ku tatso m ko timambe. Iken ti ku fur ayib-wu ti awu ku nde kpag timambe. Kujwokwe-wu si kujwokwe ti tsi yiyer. Awu ti ta risu utense ru fife yi uwe.

Daniyel 6:26

“Ame sa icwe tsi pu m uwae kujwokwe-m ti ko aye ā kyen ikyenricwu Rimam Daniyel, u fen wu. “Ikyaen ti, awu si Rimam na unyang, u tsi kukunn ru fife yi uwe. Kujwokwe-wu u twenji-wu ji ama be, Kuko-wu ama u tsi kukunn ru fife yi uwe.

Daniyel 7:18

Amaa, ande ti saen kyag na Rimam ti skeb ti tag u tsokyi kujwokwe yine, ama u nae ukwe risu-yi ru fife yi uwe.’

Daniyel 7:27

Ama a u sa kujwokwe, ti kuko, ti rurob ajwokwe ti ta utense meme na ande ti saen kyag na Rimam ti skeb ti tag. Kujwokwe-ba u si kujwokwe ti tsi kukunn ru fife yi uwe. Ama meme ande ti uwe u ba ku riben u fen ba.

Matiyu 11:27

“Itse-m nda pu wu ame iken meme. Unde iki nung-wu umbae Rimam be, si nyang Itse-wu amam. Unde iki ama nung-wu Itse ti apupwen be, si nyang umbae-wu amam ti ande ti awu a ku sha ti wu u tatso ba.

Matiyu 28:18

Ama Yesu ba ri te ba baa, “Meme kuko ti ta apupwen ti kuko ti ta riben ike, a nda pu ba ame kujwo.

Luka 1:33

Awu u nae ukwe risu rishi Yakubu tsi kukunn ike ru fife yi uwe. Itinae na ukwe-wu, ricwunnkyi-yi u ta-yi be.”

Luka 10:22

Uwog ne, Yesu ri te ande ti putsa wu baa, “Itse-m nda pu wu ame iken meme. Unde iki ta-wu ti nungye Umbae Rimam be, nyang Itse-wu amam. Cwucwo unde iki ta-wu ti nungye Rimam be, nyang Umbae-wu amam, fa ti ande ti awu ku cwe ira-ba u tatso ba.”

Yohana 12:34

Ande ti funn atang ri te wu baa, “A bae uwae icwe-ti baa, Unde wu ti Rimam Tsab Tsi na u som kukunn ti unyang. Imi ti nde titawe afu ku ri baa, aba na u ye wu na nwunn ritsen u wen wu? Umbae Unde ti afu ri ne awu si aye?”

Yohana 3:35

Rimam site ure ti Umbae-wu ko timambe. Awu sa iken meme fae si wu kujwo.

Mbaibrane 12:28

Ikyaen yine, ti nde fxaefa ikyaen ti ati paembe pu ti kujwokwe ti ku kyi-wu kyi be, ti ti kyen ikyenricwu Rimam, ti ti fen-wu ti ijwe ti fwer yi fengo ti wu u paembe ti,

1 Bitrus 3:22

Tine awu tso pu wu yi apupwen u ka som kujwo rici Rimam. Atom Rimam meme, ti iken ti tsitsi ti site kuko apupwen, ti riben, a pu faesi wu kujwo.

Ititatso 1:6

Awu nda ti kafe mbukwen abikwe, u nda ti kafe akwen ti ku nde na itse-wu Rimam wande. Riyinn ti kuko ā si ana-wu ru fe yi uwe. Ayi ā si ahan.

Ititatso 11:15

Isim ti atom Rimam ti apupwen ti itsongfaen kunn kutumu-wu, a fxen afxenjwin ti ribom ku nghae ira apupwen u ku ri baa, “Kujwokwe utense kafe pu yi ana Itsekuru-ti Rimam ti ana Kristi, Unde ti awu Tsab Tsi. Awu u nae ukwe risu utense, ru fife yi uwe.”

Ititatso 17:14

Aba u ta rika te Mbae Utam, ama Mbae Utam wu u ci ba rika, ikyaen ti, awu ti si Itsekuru na meme itsekuru, u si Ukwe ana abikwe. Aba ti ta te wu, a kunn ba kunn, u tsab ba tsab, aba ti tsi ti kubenti.”

Ititatso 3:21

Unde ti a ci rika, ame u cwe na wu ti wu som te m kutxomkwe-m, pangma ti ame ci rika u som te Itse-m kutxomkwe-wu.”