Daniyel 7:13 - Kutsingken Ira Rimam ti Saen Kyag

¹³ “Uwae ira ti kitam yi ti ame sae utitang wu, ame sae iken iki ti ru unde pìpìb sī uwae kubyi apupwen ku ba. Awu ru ba uwog Awu ti ta atang ti Kute

Daniyel 7:13 Iomraidhean Croise

Daniyel 2:44

“Uwae kiye abikwe ba, Rimam ti apupwen u ye nwunn kujwokwe iki ti u twenji-wu ji be, unde iki ama u tsokyi-wu kujwokwe wu be. Kujwokwe wu u twenji tag ajwokwe yine, amaa, awu ti risu-wu u tsi ru fife yi uwe.

Daniyel 7:12

Ibye ti tsitsi ama, a shir pu ajwokwe-ba ru, amaa, a ya ba ta som ti unyang ti a na ci ka uwe pang.

Daniyel 7:2

Daniyel tsag baa, “Ame sunn kurwa utitang ti ufunn ru ukub inje utense ba ku kae ambyi yaenshag uwae uyinn tiyang.

Daniyel 7:22

se kiye ti Awu ti ta atang ti Kute ka ba pwen rikwen ikyaen ande ti saen kyag ti si ana Rimam ti skeb ti tag, ama kiye wu ande ti saen kyag tsokyi kujwokwe wu.

Daniyel 7:9

“Ti ame sae, A pu atxom ukwe tā. Awu ti ta atang ti Kute, ba somtsa atang. Kutupwa-wu tsen porr pangma akóng, ikyinn ti risu-wu foong pangma itub ti tsen. Urwa ku cwe sangkob kutxomkwe-wu

Daniyel 8:15

Ti ame Daniyel ku kwab ti m na u nung imbyi kurwa yi, ama ti m nunung, iken iki tsi uwe-m pangma unde.

Matiyu 13:41

Umbae Rimam u tom atom-wu ti apupwen kyang kyi fe uwae Kujwokwe-wu, ama aba u byir tag ande ti ku nda ni nde ikentitibi ti ande ti ku nde wande titibi meme.

Matiyu 24:30

Isim yine ani u nung iken iki yi apupwen ti u tatso itiba Umbae Unde. Ande ti utense meme u jwub ira u sae Umbae Unde ku ba uwae abyi ti apupwen. Awu u ba ti kuko ti riyinn.

Matiyu 25:31

“Kiye ti Umbae Unde u ba ti riyinn-wu ti meme atom-wu, awu u somtsa iken ti som-wu ti site riyinn.

Matiyu 26:64

Yesu ri te wu baa, “U ri pu fu ayi. Amaa, ira kinjo ti ame u ri te fu ta ri. Sa ti kiye wune ru yi uwe, afu u nung Umbae Unde u som kujwo rici na Rimam ti site kuko meme. Kiye wu afu u nung wu awu u si apupwen ku ba ti abyi ti apupwen.”

Matiyu 28:18

Ama Yesu ba ri te ba baa, “Meme kuko ti ta apupwen ti kuko ti ta riben ike, a nda pu ba ame kujwo.

Matiyu 8:20

Yesu ri te wu baa, “Aswáe site uwáe ti ayi ku nae atang, inung ti ku pinn apupwen ama site afug-yi, amaa, Umbae Unde site-wu ti uwog ti awu u nae atang be.”

Markus 13:26

Isim ayine tiri, ani u nung Umbae Unde ru ku ba uwae abyi ti apupwen ti kuko ti te riyinn.

Luka 21:27

Iken yine u nde itawe Umbae Unde u mbug ruye u si uwae kubyi ku ba ti riyinn Rimam, ti rurob.

Luka 21:36

Ni tsi ti ujwin ko kiye titini. Ni jwam Rimam ti wu nda ni ribom ijwe ti ni nwangruye uwae iken yine meme ti ku ba, ti ani u ru ba tsi kutxuwe Umbae Unde.”

Luka 24:27

Tiri Yesu tsag te ba meme ira ti ta uwae Kutsingken Rimam risu-wu, bag ti ira ti Musa bae ru ka kwar ti meme ira na ande ti ku ya iskin ira Rimam.

Yohana 12:34

Ande ti funn atang ri te wu baa, “A bae uwae icwe-ti baa, Unde wu ti Rimam Tsab Tsi na u som kukunn ti unyang. Imi ti nde titawe afu ku ri baa, aba na u ye wu na nwunn ritsen u wen wu? Umbae Unde ti afu ri ne awu si aye?”

Yohana 3:13

“Unde iki ta-wu ti tso ka pu wu apupwen be, se awu Umbae Unde amam. Awu ti nung iken ti apupwen, ikyaen ti, awu si apupwen ba.

Yohana 5:27

Awu sa kuko na pu wu Umbae-wu ti wu na pwen ande rikwen ikyaen ti, awu si Umbae Unde.

Wande Atom 7:56

“Ni nung! Ame nung apwa apupwen mbub tita. Umbae Unde tsi kujwo rici na Rimam!”

1 Tesalonika 4:17

Isim ayine ati ande ti tsitsi ti tsi ti user, Rimam u pu ra ti tso, ikyaen ti ati te ba na putsa atso ru ka kyang te Itsekuru-ti uwae abyi ti apupwen. Sa ti usir wu, ati te wu u som tetso ru fife yi uwe.

1 Timoti 6:16

Awu kinjo-wu amam ti ku cwu-wu cwu be. Awu ti som uwog ti sisaen, uwog ti unde iki u ka fob-wu atang be. Awu ti unde iki ta-wu ti nung wu ti ayib be. Awu ti unde iki u nung tu-wu awu te ayib be ama. Kuko ā si ana-wu. Kujwokwe-wu ā tsi kukunn ru fe yi uwe! Ayi ā si ahan!

Mbaibrane 2:14

Ti anyisu Rimam bane si ande ti si anying ti ibye ijwe, awu ti risu-wu ama sa rimenn ijwe unde, ikyaen ti uwae iticwu-wu, awu u twenji Shetann, awu ti site kpakang iticwu,

Mbaibrane 9:24

Ufug itifen ti Kristi sang atang si-wu ufug ti ande kyae ti ajwo be. Awu ti ike ru kusog Rimam ti kubenti ti ta apupwen. Uwog ti Kristi sang atang si uwog ti Rimam ta atang apupwen. Tine awu tsi uwe Rimam kutunn unju-ti.

Ititatso 1:13

Kutampwa iken itsongfaen ti fitila ku tsitsa atang yine, iken iki tsi atang ti ru umbae unde. Awu si arun ti riwae. Kutupwa ti a kyae wu te zinariya yir sang kikog-wu.

Ititatso 1:18

u tsi yiyer. Ame cwucwu kucang, amaa tine, ame tsi user ru fife yi uwe. Iken ti ku mbub ufu Iticwu, ti Kinjag, ta kujwo-m.

Ititatso 1:7

Nung! Awu ru ku ba uwae abyi ti apupwen. Meme ayib u sae wu, kwer ti aba ti ter wu uti. Meme ande ti utense patag u jwub ira, u kub kujwo anyi ikyaen itiba-wu. Een, ayi ā si ahan.

Ititatso 14:14

Ama ame sae, ti m nunung, kubyi ti ti tsen ba tsi. Unde iki somtsa kubyi wu pangma umbae unde, u bur ubur ukwe na zinariya, u ye su kisim ti wuwob kujwo-wu.