Daniyel 7:11 - Kutsingken Ira Rimam ti Saen Kyag

¹¹ “Ama ame tsi ku sae ayib ikyaen ti, ishin wu ku ri ira ti ijwe ti ndub ti ribom. Ti ame u nunung, a wen ra ibye anyi wu u skiyer ibye rimenn-wu, ama pu yi ti a kaa twen mbub yi te urwa.

Daniyel 7:11 Iomraidhean Croise

Daniyel 11:45

Ama awu u sim afug rika-wu kutampwa uyinn ti rikwen ti sisaen. Amaa, awu u cwuji, unde iki u ta-wu ti u ndeya wu be.

Daniyel 7:12

Ibye ti tsitsi ama, a shir pu ajwokwe-ba ru, amaa, a ya ba ta som ti unyang ti a na ci ka uwe pang.

Daniyel 7:8

“Ti ame ku kab ira risu ishin yi, ti m nunung ishin tikiyib iki mbug tsoye kutampwa-yi. Isim-yi, a sub ishin ita uwae-yi tsoye ti ipab-yi. Ishin tikiyib wune site ayib pangma ayib unde, ti unju ti ku ri ira uwae ijwe ti ndub.

Daniyel 8:25

Awu u ru itsab, u nda itikyaefa-wu ru yi uwe, ama awu u sa tsi uwae-wu baa, awu na skeb titag. Awu u purug ande u wen ba, ama u nwunn tsi ikub te Ukwe ti skeb abikwe. Awu u cwuji, i si-yi unde iki ti u wen wu be.

2 Tesalonika 2:8

Isim ayine, ande u nung wu, ama Itsekuru-ti Yesu a ru ba, awu u twenji-wu. Awu u jwu wen wu ti unyang ti unju-wu.

2 Bitrus 2:18

Aba ku ndub ijwe u ku ri ira ti kuskwab, ku txae ariki kutxae te ira iyag ti nae. Ama ande ti a txae-ba txae ne si ande ti nwangru-ba ru kujwo ande ti kufub nyinyang khika be.

Yawuda 1:16

Ande bane si ande ti ku pwen kob unju, ti ku sha nyáng ti a u ye unde te riraen. Aba ku putsa ijaen iken ti ijwe-ba ku sha. Aba si ande ti ku kub unju, ku kag ande ikyaen ti a u tu risu tinyang.

Ititatso 18:8

Ikyaen yine, Rimam u yaen rikaen ti tsotso si wu uwae usir kinjo, iticwu, ricwu ti jwub, rimenn. A u twen mbub wu te urwa. Ikyaen ti, Itsekuru-ti Rimam ti pwen wu rikwen yine si Rimam ti kuko.”

Ititatso 19:20

Aba ye ibye titibi-wu fa ti unde wu ti ku ya iskin ira ti tikong, awu ti nde iken ti ku fur ayib uwe ibye titibi, u kyaefa ande ba ti yer iwaen ibye wu, ti ande ti fen apxin yi ti awu kyae. Awu ibye wu ti unde wu ti ku ya iskin ira ti tikong, a ye ba ti user jwunnsi uwae uvum urwa ti ku ten ku jim-yi jim be.

Ititatso 20:10

Ama awu fáen-ra Shetann wu ti kyaefa ba, u ye wu jwunnsi uvum urwa ti ku ten ku jim-wu jim be, uwog ti ibye titibi wune, ti unde ti ku ya iskin ira ti tikong ta atang. Aba u ngwa rikaen atang usirtaen ti utitang, ititsikunn-yi ta-yi be.

Ititatso 20:12

Ama ame nung itikicwu, ande ti rurob ti ande ti rob-ba rob be, tsi uwe kutxomkwe wu. Atsingken ti mbub ti ta cwu atang yang-yi. Ama a mbubta kyi kutsingken iki cwucwo, ti si kutsingken na unyang. Ama a pwen itikicwu rikwen pang ti iken ti a bae uwae atsingken yi, pang ti kujwo wande ti aba nde.

Ititatso 20:4

Isim ayine, ame nung atxomkwe, ama itaen ti somtsa atang si aba ti a nda ba kuko ti a na pwen ande rikwen. Cwucwo ame nung unyang ande ti a pyera risu-ba ikyaen ti aba cwé iticwé ira ti kubenti na Yesu, ti ira na Rimam. Aba ti fen-ba ibye titibi wune, ko ti a u ku riben na iken ti awu mbye tsi be, u yer-ba iwaen na ibye titibi wune kutxuwe-ba ti ajwo-ba be. Aba shwur, u ti Yesu Kristi nae ukwe tetso ka asang kumbub kinjo.