Daniyel 6:22 - Kutsingken Ira Rimam ti Saen Kyag

²² Rimam-m tom atom-wu ti apupwen si ba kwerkyi unju itumu yi ama ayi kub-yi ame be. Ikyaen ti, yi uwe Rimam, ame raen-m awu ira iki be, u nde-m afu ukwe ira titibi iki be ama.”

Daniyel 6:22 Iomraidhean Croise

Kucangtsi 40:15

Ikyaen ti, kubenti, ame raen-m ira iki be. A ye ra m ti kpakang nwunn uten Mbaibrane. Ike cwucwo, ame raen-m ira iki ti a u ya m ba cwunn pursuna ike be.”

Daniyel 3:28

Nebukanezar ri baa, “Ititeb ā si ana Rimam Shadirag, ti Meshag, ti Abenego ti tom atom-wu ti apupwen ba nwangruye apyi-wu ti ru kubenti uwog-wu. Aba nyatsa icwe ukwe, u cwe iticwu u ku riben fen-ba iken iki fa Rimam-ba be, nyáng Rimam amam.

Daniyel 6:20

Kiye ti awu ba fer rukug itumu ti Daniyel ta atang, awu kunn ira ti ribom baa, “Daniyel, afu ti ku fen Rimam ti site unyang, Rimam-fu ti afu ku fen kob né sa ruye pu wu afu unju itumu a.”

Daniyel 6:23

Ama utob ukwe tsen timambe. Awu nda unju ti a na pu Daniyel ruye rukug itumu atang. Ama a pu Daniyel ruye. Ribang iki mbog-yi awu ijwe be, ikyaen ti, awu ru kubenti uwog Rimam.

Daniyel 6:4

Ikyaen yine, ande ti uwe aba sha fengo ti a u tu Daniyel te riraen yi uwog wande-wu ti a u ri ira titibi risu-wu, amaa, aba tu-ba ira iki ti a u sa kujwo kutsa atang u rimbeb wu be, ikyaen ti, awu si unde ti ku nde wande-wu uwae kubenti ama ande tu-ba awu te riraen iki be.

Daniyel 6:7

Meme ande ti uwe ti uwe ti ku nde wande yi kujwokwe-fu, ti akwe rika, ti ande ti uwe na uten, ti ande ti ku myae ira, ti gomna gomna meme cwe pu ba ti ukwe na sa icwe ruye baa, asiti unde a jwam itijwam uwog apxin iki, ko unde iki ti si-yi afu be uwae usir rijweta ti ku ba, a na ye wu jwunn sang rukug itumu.

Matiyu 27:46

Ama kiye na aser ita ti usirtaen Yesu kunn ira te afxenjwin ti ribom unju uten-ba baa, “Eli, Eli, lema sabakatani.” Imbyi-yi baa, “Rimam-m, Rimam-m, imi ti nde ti afu ya m ta?”

Wande Atom 12:11

Tiri Bitrus ba nungye iken yi ti nde u ri baa, “Tine ame nungye pu m ti iken ne si kubenti. Itsekuru tom atom-wu ba uwog-m ti wu na ba sa ru me uwae kujwo na Ukwe Herodus ti iken meme ti Mbayawuda ku tang baa, ayi na u tu m.”

Wande Atom 24:16

Ikyaen yine ko usir titini ame ku kwab ti m som ti utob ti sisaen uwe Rimam te ande.

Wande Atom 27:23

Utitang ire Rimam ti si itsekuru-m ti ame ku fen, tom atom-wu ru ba uwog-m.

2 Korinti 1:12

Ati ku pam ipam ikyaen itisom-ti ti ati som kutampwa ande uwae utense. Ufxenjwin riyaen utob-ti ama cwe ira-ti baa, ira yine na si kubenti ikyaen ti Rimam nda ti som usom na kubenti te ande, si-yi ti apwa unju amam be. Ayi si ahan siskeb uwog-ni ande na Rimam. Wande-ti ti ati ku nde te ande si-yi wande na ben-ayib ti utense be, ati ku nde yi ti rinyangwae na Rimam.

2 Timoti 4:17

Amaa, Itsekuru te m ta tetso u nda m ribom utob ti m na tsag Ira Tinyang-wu te ande ti si-ba Mbayawuda be, ti meme-ba ā fxen. Rimam nwangru m unju itumu.

Mbaibrane 1:14

Atom Rimam ti apupwen si iken iki a. Aba si-ba asung ti ku ndeya Rimam be a. Awu ku tom ba ru ti a kaa ndeya ande ti a u tu itinwangru.

Mbaibrane 11:33

Abane ru uwae kinjo, ama ariki uwae-ba ru ka ci rika risu ukwe ti uten iki, ariki nae ukwe ti kubenti, ariki tu iken ti Rimam yer unju te ba risu-yi, ariki ama, cwunnkyi unju itumu.