Daniyel 6:20 - Kutsingken Ira Rimam ti Saen Kyag

²⁰ Kiye ti awu ba fer rukug itumu ti Daniyel ta atang, awu kunn ira ti ribom baa, “Daniyel, afu ti ku fen Rimam ti site unyang, Rimam-fu ti afu ku fen kob né sa ruye pu wu afu unju itumu a.”

Daniyel 6:20 Iomraidhean Croise

Kucangtsi 18:14

Iken iki ta atang ti kpag skeb Yaweh skeb a. Ame u kafe ba kiye wune, kusang ti ku ba. Saratu, uwa-fu, u mbae umbae ti urom.”

Daniyel 3:15

To, kiye ti ani a fxen, a kunn kutumu, ti rijwaen, ti ripwaa, ti kiye ti a byinn jita, ti wayae, ti guge ti isu ti tso tso, ni ku riben ti ni fen iken wu. Amaa, asiti ani a shaen-ni, a u ye ni jwunn sang uwae uvum urwa, ti ame u nung baa, apxin titini ti u nwangruye ni kujwo-m.”

Daniyel 3:17

Asiti a pu ti jwunn sang uwae urwa, Rimam ti ati ku fen u nwangruye tu ti uwae urwa atang, ti uwae kujwo-fu.

Daniyel 6:16

Ama ukwe nda unju, a ka ye Daniyel ba jwunn sang rukug itumu. Ukwe ri te Daniyel baa, “Rimam ti afu ku fen ā nwangruye fu.”

Daniyel 6:19

Ti ucwe fam ku si, ukwe nwunn u ru ti ritsen yi uwog itumu atang.

Daniyel 6:26

“Ame sa icwe tsi pu m uwae kujwokwe-m ti ko aye ā kyen ikyenricwu Rimam Daniyel, u fen wu. “Ikyaen ti, awu si Rimam na unyang, u tsi kukunn ru fife yi uwe. Kujwokwe-wu u twenji-wu ji ama be, Kuko-wu ama u tsi kukunn ru fife yi uwe.

Daniyel 6:27

Awu ku nwangru, ku sa ruye unde. Awu ku nde iken ti ku fur ayib yi apupwen ti utense ike, awu ti nwangruye Daniyel yi unju itumu.”

Luka 1:37

Uwog Rimam, iken meme kpag-yi kpag be.”

Luka 18:1

Tiri Yesu sunn ira iki ti wu kwen na atugbug-wu baa, aba na tsikunn Rimam ti jwam, ama yer-ba anying utob be.

Wande Atom 6:4

Wande-ti ama u si itijwam uwog Rimam, ti ira Rimam ti ati ku kwen na ande.”

Roma 2:7

Ariki ye utob, u tsikunn ti ku nde kujwo wande ti tinyang, u ku sha ti Rimam na nda ba kuko ti rurob ti unyang ti tsi kukunn. Rimam u nda ba unyang ti tsi kukunn.

2 Korinti 1:10

Awu nwangru ti unju iticwu, ama awu u nwangru kyi ti cwucwo. Ati sa uwae tsi uwog-wu baa, awu na u nwangru ti ru fife uwe.

Kolosi 4:2

Ni tsi kukunn ti Rimam ti jwam. Kiye ti ani a ku jwam Rimam, ni tsi ti ujwin u ku nde na Rimam fxaefa ama.

2 Timoti 1:12

Ayine si iken ti nde nee ame ku ngwa rikaen tine. Amaa, ame ku wae-m rukwae be, ikyaen ti, ame nung pu m unde wu ti ame ku ru kubenti uwog-wu. Ame nung pu m baa, awu na nde tu ti wu nungkyi iken ti ame nda wu kujwo ru ka fob ti Usir ti ricwunnkyi.

Mbaibrane 7:25

Ikyaen yine, ko kiye titini, awu u ndetu ti wu nwangru meme ande ti a rutsa uwog-wu ba uwe Rimam, ikyaen ti, awu tsikunn ku jwam itijwam ikyaen-ba.

Yakubu 1:25

Amaa unde ti a nùng putsa icwe Rimam ti sisaen, ti si icwe itisaenta, asiti awu a ye utob, u si-wu unde ti ku fxen ku munnji te yi be, ama ku nde wande te yi, awu u tu itinyang kujwo wande-wu.

Yawuda 1:24

Ititeb ā si ana Rimam, awu ti site kuko ti wu nda ni ani u kyen-ni kufxen be, awu ti u ndetu ti wu tae ni kaa tsi uwae riyinn-wu, uwog ti ani u tsen utob u shwu ashwu, ama riraen iki u ta-yi uwog-ni be.