Daniyel 6:13 - Kutsingken Ira Rimam ti Saen Kyag

¹³ Ama aba ri te ukwe baa, “Daniyel, kinjo uwae Mbayawuda, ti a ye ba apyi ru ba ike, nae-wu risu riben te fu ukwe be, u ku putswa-wu icwe-fu be. Awu ku jwam bwe itijwam atsepu ita uwae usir.”

Daniyel 6:13 Iomraidhean Croise

Esita 3:8

Tiri Haman ri te ukwe Ahasuweru baa, “Utso ande ba iki shag kyife uwae uten uten yi ti afu nae ukwe risu-yi ne, aba kag ra ijwe-ba tsi txi. Icwe-ba txi ra te icwe ande ti tsitsi ti ta uwae uten-fu ike. Aba ku ye su-ba icwe ti ukwe nda be. Aba fa-ba kwab ti ukwe u ya ba ta ti a som uwae uten-wu be.

Daniyel 1:6

Daniyel, ti Hananiya, ti Mishayel, ti Azariya ti ru ye uten Yawuda fa uwae ande ba ti a tsab.

Daniyel 2:25

Ariyoki ci-wu kiye be, u pu ra Daniyel ka tu ukwe u ri te wu baa, “Ame tu pu m unde iki uwae ande ti a ye ba apyi ru uten Yawuda ba, ti awu u ri imbyi kurwa yi te fu ukwe.”

Daniyel 3:11

Ama unde ti a ku-wu riben u fen iken wu be, a u ye wu jwunn sang uwae uvum urwa.

Daniyel 3:12

Mbayawuda ba ti afu pu ta risu wande yi uten Babila, aba Shadirag, ti Meshag, ti Abenego naa atong fxen-ba afu be. Aba fen-ba apxin-fu be, u ku riben na-ba iken wu ti afu kwén tsi be.”

Daniyel 3:8

Kiye wu ariki uwae ande ti Babila ru ba ri ndembeb rinyi Mbayawuda.

Daniyel 5:13

Ama a ka pu Daniyel ba uwe ukwe, ama ukwe rang Daniyel baa, “Afu ti si Daniyel kinjo uwae Mbayawuda ti itse-m ukwe ye ba apyi ru Yawuda ba a.

Wande Atom 17:7

Jason pu ba ba som kununn-wu. Meme-ba ku nyaetsa icwe ti Ukwe Kaisar sa tsi. Aba ku ri baa, ukwe iki na ta kyi atang ti rinyi-wu na si Yesu.”

Wande Atom 5:29

Bitrus ti ande ti atom ti tsitsi ri baa, “Ayi nyang skeb ti ati fxen ira Rimam skeb ira na ande.