Daniyel 6:10 - Kutsingken Ira Rimam ti Saen Kyag

¹⁰ Kiye ti Daniyel nungye baa, a na bae icwe na u kwa pu ba kujwo atang, awu ru kununn-wu u ka sang kusog-wu iki ti kiye kusog wu mbubta rukwer uwe ti Urushelima. Awu ka ku riben u jwam Rimam, ama tso fxaefa na Rimam atsepu ita uwae usir pangma ti awu ku nde kob.

Daniyel 6:10 Iomraidhean Croise

Nehemiya 6:11

Ame ri baa, “Unde pangma ame u ter ru kaa titam a. Afu ku kab baa, ame u nwangru risu-m nee ame a ka tam kusog Rimam tiyang a. Ame u ka-m be.”

Daniyel 6:13

Ama aba ri te ukwe baa, “Daniyel, kinjo uwae Mbayawuda, ti a ye ba apyi ru ba ike, nae-wu risu riben te fu ukwe be, u ku putswa-wu icwe-fu be. Awu ku jwam bwe itijwam atsepu ita uwae usir.”

Daniyel 9:4

Ame jwam itijwam uwog Yaweh Rimam-m, u fxir tso ikentitibi-m baa, “Aya Itsekuru Rimam ti site kuko, ti ku nde iken ti ku fur ayib. Afu si Rimam ti ku ye su unju ti yer-fu, u site ure ti tsi kukunn te ande ti site ure te fu ku ye su icwe-fu.

Jona 2:4

Ame ri baa, ‘Ko ti a rwae sha m kutxuwe-fu, ame u nde rimang u sae kyi kusog-fu ti saen kyag?’

Markus 3:3

Ama Yesu ri te unde wu ti cwu kujwo baa, “Ru ba tsi kutampwa-ti ike!”

Luka 14:26

“Asiti unde iki uwae-ni a ku sha ti wu na u putsa me, asiti wu a pyir-wu ite-wu ti iya-wu ti uwa-wu ti anyisu-wu, ti ameinja-wu ti ambakaya-wu be, u pyir-wu risu-wu be ama, awu u si-wu unde ti u putsa-m be.

Luka 22:41

Isim ira yine, awu nwunn u ya ba ta u ko ru kpang u ru ka kú riben u jwam Rimam baa,

Wande Atom 10:9

Ucwefam-yi aba nwunn ba ku fer Yopa ti usirtaen. Kiye wu ama Bitrus tso ru ka jwam Rimam risu kusog, uwog ti ande ku pu unyang atang.

Wande Atom 2:15

Ande bane ngwa-ba iken shisháen pangma ti ani ku tang be. Ande ku shaen-ba shaen kiskinn fifae ahan be.

Wande Atom 20:24

Amaa, ame sa-m unyang-m baa, awu na si iken iki be. Iken kinjo ti ame ku sha si ti, ame u nde tag wande-m ti Itsekuru-m Yesu nda m, ti si ti ame na sa ira tinyang na ayibrisi Rimam na ri te ande meme.

Wande Atom 20:36

Ti Bulus ri mam ira yine, awu ku riben te ba meme, a jwam Rimam.

Wande Atom 21:5

Ama ti usir pang pu wu ti ati u nwunn uwog wu, ati nwunn u ru iken-ti. Meme-ba, te awa-ba te anyisu-ba, putsa ti ruye uwae uka atang. Ti ati ka sang unju uyinn, ati ku riben u jwam Rimam.

Wande Atom 3:1

Usir iki, usir jwo ureb, Bitrus ti Yohana ru yi Kusog Rimam. I si kiye wu ti ande ku funn ku jwam Rimam aser ita ti ureb.

Wande Atom 4:29

Itsekuru-ti Rimam, fxen ti jwub-ti. Sae ikentitibi meme ti a ku pwen ti a nde te ti. Ati si apyi-fu. Nda ti ti ti ri ira-fu ti ribom utob.

Wande Atom 5:20

“Ni ru ka tsi uwae kusog Rimam tiyang. Ni ri te ande ira Yesu wune ti nda ni unyang tishe wune.”

Wande Atom 5:29

Bitrus ti ande ti atom ti tsitsi ri baa, “Ayi nyang skeb ti ati fxen ira Rimam skeb ira na ande.

Wande Atom 7:60

Awu ku riben u nyae ira ti ribom baa, “Itsekuru, ya ta na ba ikentitibi-ba ne.” Awu ri mam fe ayine u cwu-wu.

Wande Atom 9:40

Bitrus pu ba ruye kusog atang u ku riben u jwam Rimam. Tiri, awu kafe uwe tag rukom Dorkas u ri baa, “Dorkas, fa sunwunn!” Dorkas mbubta ayib. Ti awu nung Bitrus, awu fa sunwunn u som ritsen.

Afisa 3:14

Ikyaen yine, ame ku jwunn ikyig uwe Itse-ti Rimam,

Filipi 1:14

Ama ameinja yang-ba akwen tsi ting ting fengo Itsekuru-ti Yesu skeb ti kucang, kiye ti aba nung baa, a na ye m cwunnkyi. Aba tsi ti kpakang u ku ya iskin ira Rimam, ikyenricwu ta-yi cwucwo be.

Filipi 1:20

Ame sa utob tsi u nung uwae utob-m baa, ame u wae-m rukwae be, ko tikiyib. Ame u tsi ti ribom utob tine pangma ti ame ku nde kob, ikyaen ti, ko ame a cwu, ko ame a ser, Yesu Kristi u tu kuko uwog-m.

Filipi 4:6

Ni kab-ni ira risu rikaen-ni be. Uwae-yi meme, ni ri te Rimam iken ti ani ku sha. Ni jwam wu ti wu ndeya ni, ti ni nde na wu fxaefa.

Kolosi 3:17

Uwae iken meme ti ani ku nde, ti uwae ira meme ti ani ku ri, ni nde iken-ni uwae rinyi na Itsekuru-ti Yesu. Yi rinyi-wu ayi ama, ni nde fxaefa na Itse-ti Rimam.

Mbaibrane 13:15

Ikyaen yine, ti putsa wande Yesu, u tsi kukunn ti ku teb Rimam ko kiye titini. Ayine ti si rinyangwae ti ati ku nda wu. Ayi si iken ti ande ti ku nda rinyi Rimam kuko uwe ande ku nde.

Mbaibrane 4:16

Ikyaen yine, ti kyen-ti ikyenricwu be. Ti bom utob u ko fer kutxom kujwokwe Rimam-ti ti site ayibrisi, ti ti ba paembe ayibrisi ti rinyangwae-wu kiye ti ati a shanum iken.

Ititatso 2:10

Kyen-fu ikyenricwu rikaen ti u tu fu uwe ike be. Kubenti, Shetann ku kwab ti wu pu ariki uwae-ni kaa cwunnkyi pursuna, ikyaen ti a u myae ni myae. Ani u ngwa rikaen ka usir rijwe. Uwae kubenti-ni, ni cwe iticwu, ame ama u nda ni kubur unyang ti tsikukunn.”

Ititatso 2:13

Ame nung uwog ti som-fu, ti si uwog ti a ta kutxomkwe Shetann atang. Amaa, afu baefa m ting ting, u pyir-fu ti fu ru uwae kinjo uwog-m be ko uwae kiye ti a wen Antipas ti tsi ti kubenti uwae ira ti ana-m.