Daniyel 5:7 - Kutsingken Ira Rimam ti Saen Kyag

⁷ Ukwe nda unju ti kpakang ti a na kunn funn tag ande ti ipwen, ti ande ti ku ri imbyi ira, ti ande ti ku sae ayib. Ukwe ri te ande ti ben ayib ba ti ta uwae Babila baa, “Unde ti a nung putswa tu iken ti bae yine u ri tu imbyi-yi te m, a u pu kutupwa ti ru itibyaen si wu, u tā wu asuwa zinariya ukwae, ama u nda wu kafe unde ti kotub ukwe ti ita uwae kujwokwe wune.”

Daniyel 5:7 Iomraidhean Croise

Kucangtsi 41:8

Ti awu shwu kiskinn, ikyenricwu ye wu, awu kunn funn tag ande ti ku caen upwen, ti ande ti ben-ayib ti ta Ejib meme. Ukwe tsag kurwa-wu ayi te ba, ama unde iki ta-wu ti wu u ri imbyi kurwa yi te wu be.

Esita 3:1

Isim ayine, ukwe Ahasuweru nda urae Agagi iki ti rinyi-wu si Haman, umbae Hamedata rurob, u sa wu somtsa kutugbug rurob-wu ti skeb tag ana ande ti tsitsi.

Itiruye 7:11

Ukwe ama kunn byir ande-wu ti ben-ayib, ti aba ti ku caen upwen ti ta uwae Ejib. Aba nde ti mbwe-yi uwae kumbog-ba.

Daniyel 1:20

Uwae meme ira ti rang na itsab ti itinungye ti ukwe rang ba, awu nungye baa, a na skeb pu ba ande ti ipwen ti meme ande ti ben ayib ti ta kujwokwe-wu atsepu rijwe.

Daniyel 1:4

Aba ā si anyisu itaen ti si-ba te kicaeb be, u saen arom ama u site meme itsab itindetu, u munn te itinungye, ku ye iken ti kwen ti ritsen, ku nde tu wande yi fenkyi ukwe. Awu Ashipenazi ā kwen na ba unju uten Babila ti fengo ti a ku bae iken-ba.

Daniyel 2:2

Ikyaen yine, ukwe nda unju ti a kunn byir ande ti ipwen, ti ande ti ben ayib, ti ande ti ku sae ayib, ti ande ti ku ri imbyi ira meme yi fikyi-wu.

Daniyel 2:27

Daniyel cwe baa, “Unde ti ben ayib, ko unde ti ipwen, ko unde ti ku sae ayib, ko unde ti ku ri imbyi ira ti kitam iki ta-wu ti u ri tu imbyi ira ti kitam na kurwa ti ukwe sunn be.

Daniyel 2:48

Ukwe ko ra Daniyel tso, ama u nda wu rinyangwae yang-yi. Awu nda Daniyel ta risu meme uten uten ti Babila, ama u si kyi unde ti ta risu ande ti ku myae na ukwe kumyae yi Babila.

Daniyel 2:6

Amaa, asiti ani a ri te m kurwa yi ti imbyi-yi, ame u nda ni rinyangwae, ti kujwojang, ti rurob ti ko timambe. Ikyaen yine, ni ri te m kurwa yi ti imbyi-yi.”

Daniyel 4:14

“Awu ri tso te afxenjwin tiyang baa, ‘Ni tur kutuku wu si riben ti ni pye tag ajwo-wu, ti ni waen atsing-wu, ti ni pu awaen-wu jwunnshag jwunnshag, ti ibye kutur ti nae imbyi kutuku wu ā ter shag, anung ti nae ajwo-wu ama ā yaenshag.

Daniyel 5:11

Unde iki ta atang yi kujwokwe-fu ti site kusung apxin ti sisaen kiye ti itse-fu si ukwe. Unde wu site itinungye ti itsab pangma ayi na ru uwog Rimam ba. Ama itse-fu ukwe Nebukanezar nda wu ta risu meme ande ti ipwen, ti ande ti ben ayib.

Daniyel 5:15

A pu ande ti ben ayib ti ande ti ipwen ba uwe-m ti a na nung putsa ira yi ti a bae ne, ti a na ri te m imbyi-yi, amaa, aba ri tu-ba imbyi-yi be.

Daniyel 5:16

Amaa, ame fxen ti afu na ku ri tu imbyi ira, ama ande na ku tu imbyi ira uwog-fu. Nung! Afu a nung putsa ira yine u ri tu imbyi-yi na m, a u sī na fu kutupwa ti ru itibyaen, u pu asuwa zinariya tā fu ukwae, ama u sa fu kafe kotub ukwe ti ita uwae kujwokwe wune.”

Daniyel 5:29

Ama Belishazar nda unju, a pu kutupwa ti ru itibyaen ba si Daniyel, u tā wu asuwa ana zinariya ukwae, ama ya iskin baa, Daniyel na kafe pu wu kotub ukwe ti ita uwae kujwokwe wune.