Daniyel 5:5 - Kutsingken Ira Rimam ti Saen Kyag

⁵ Ti a u nunung, kukyikyin kujwo unde tsoye ku bae iken ru kupwe yi fikyi ukwe atang ru kwer uwog ti fitila tsi atang. Ama ukwe sae kujwo wu kiye ti kujwo wu ku bae iken yi.

Daniyel 5:5 Iomraidhean Croise

Daniyel 4:31

Ti ti awu ta ti uwae ira yi ti ti ri, afxenjwin si apupwen ba baa, “Nung! Ukwe Nebukanezar, ira wune ba uwog-fu baa, a na waen pu ba afu ukwe,

Daniyel 4:33

Ti ritsen, ira yine kumunn risu Nebukanezar. A rwae wu nwunn kutampwa ande. Awu ru ka kub irum pangma indag. Rimenn ijwe-wu sib tag te imenn, asing ti ijwe-wu wae pangma asing ikwèn, afob ajwo-wu ti afxen-wu ama wae pangma ana inung.

Daniyel 5:15

A pu ande ti ben ayib ti ande ti ipwen ba uwe-m ti a na nung putsa ira yi ti a bae ne, ti a na ri te m imbyi-yi, amaa, aba ri tu-ba imbyi-yi be.

Daniyel 5:4

Aba ngwa ambyi anam yi ama teb rinyi apxin yi ti a kwén yi te zinariya, ti azurfa, ti bronzi, ti ikyabser, ti ayi ti a pab yi te kutuku ti kutxom.

Daniyel 5:6

Tiri kutxuwe ukwe kafe utso iki txi, ikyenricwu ye wu, afxen-wu ku se ise ku gigigag, tijing-wu nam mbeb.

Daniyel 5:8

Kiye ti ande ti ben ayib ba sang ba fe, aba nung putsa tu-ba iken ti bae yi be, ama nda tu-ba imbyi ira yi be.

Kolosi 2:14

Awu fen mbeb pu wu ripab na ikentitibi-ti, ne a ku putsa ti. Icwe yir ti ikyaen riraen-ti, ama awu saen ti ta. Awu pu riraen-ti tso risu Kristi kiye ti a sa wu kwer risu kutuku ti cice.