Daniyel 5:29 - Kutsingken Ira Rimam ti Saen Kyag

²⁹ Ama Belishazar nda unju, a pu kutupwa ti ru itibyaen ba si Daniyel, u tā wu asuwa ana zinariya ukwae, ama ya iskin baa, Daniyel na kafe pu wu kotub ukwe ti ita uwae kujwokwe wune.

Daniyel 5:29 Iomraidhean Croise

Kucangtsi 41:42

Ukwe nwaen kunya ti fwa kujwo-wu, u sa fwa kujwo Yusufu. Awu pu atupwa ti aser si Yusufu, u sa asuwa zinariya ta wu ukwae.

Esita 10:3

Ikyaen ti, Mordekai, urae Mbayawuda ti si kotub ukwe Ahasuweru, site rurob kutampwa Mbayawuda, ama ande-wu ku nda wu rurob timambe, ikyaen ti, awu si unde ti sha itiru yi uwe ti kujimshwur na ande-wu.

Daniyel 2:48

Ukwe ko ra Daniyel tso, ama u nda wu rinyangwae yang-yi. Awu nda Daniyel ta risu meme uten uten ti Babila, ama u si kyi unde ti ta risu ande ti ku myae na ukwe kumyae yi Babila.

Daniyel 5:16

Amaa, ame fxen ti afu na ku ri tu imbyi ira, ama ande na ku tu imbyi ira uwog-fu. Nung! Afu a nung putsa ira yine u ri tu imbyi-yi na m, a u sī na fu kutupwa ti ru itibyaen, u pu asuwa zinariya tā fu ukwae, ama u sa fu kafe kotub ukwe ti ita uwae kujwokwe wune.”

Daniyel 5:7

Ukwe nda unju ti kpakang ti a na kunn funn tag ande ti ipwen, ti ande ti ku ri imbyi ira, ti ande ti ku sae ayib. Ukwe ri te ande ti ben ayib ba ti ta uwae Babila baa, “Unde ti a nung putswa tu iken ti bae yine u ri tu imbyi-yi te m, a u pu kutupwa ti ru itibyaen si wu, u tā wu asuwa zinariya ukwae, ama u nda wu kafe unde ti kotub ukwe ti ita uwae kujwokwe wune.”

Daniyel 6:2

Awu tsab ande ita ti u ta risu-ba. Daniyel si kinjo uwae ande ita bane. Ande ba ti ta risu uten uten yine u ba ri te ba iken ti ku kyang ikyin ajwokwe-ba, ti ayi ā shir itijwunnsi na-yi ukwe be.