Daniyel 5:23 - Kutsingken Ira Rimam ti Saen Kyag

²³ ama ku myae risu-fu te Rimam ti ta apupwen, u ka pu isu ti si ana kusog Rimam ba ngwa ambyi anam atang, afu, ti afaen-fu, ti awa-fu ti kununn ti ti isā-fu meme. Afu teb apxin ti a kwén yi te zinariya, ti azurfa, ti bronzi, ti ikyabser, ti apxin ti a pab yi te kutuku fa ti kutxom ti ku sae-yi uwog be, ku fxen-yi ira be, ku nung-yi ira iki be. Amaa, awu Rimam ti unyang-fu ti wande-fu meme ta kujwo-wu, afu nda-fu awu rurob be.

Daniyel 5:23 Iomraidhean Croise

Kucangtsi 14:19

Awu wae itinyang na Ibram, u ri baa, “Rimam ti skeb titag, ti kyae apupwen ti riben ā nde Ibram itinyang!

Kucangtsi 2:7

Ama Yaweh Rimam pxag ariben, u kyae unde atang. Rimam jwu ufunn ana unyang sang unde wu ruwen, ama unde wu kafe unde ti site unyang.

Daniyel 11:12

Kiye ti ukwe ti kujwo isi a ci pu wu rika risu ujwunn akyirten ba, awu u ndub ijwe ikyaen ti awu wen pu wu ande kumbub rijwe. Amaa, awu u ci rika yi ka-wu uwe be,

Daniyel 4:37

Kiye wu, ame Nebukanezar teb rinyi Ukwe ti apupwen. Ame ye tso u nda rinyi-wu kuko ikyaen ti, meme wande-wu si iken ti pang atang, fengo-wu ama si kubenti. Ande ti ku ndub risu, awu ku ye si ba.

Daniyel 8:11

Ishin wu myae risu-wu te ukwe rika ti apupwen, u byangkyi iken ti twen ti a ku twen na Rimam usir usir, ama sormbeb ukag-wu ti sisaen.

Wande Atom 17:25

Awu shanum-wu iken iki ti nee ati u pu na wu be. Awu ti ku nda ande kusung-ba ti unyang ti nyang-ba, ti meme iken ti aba ku sha.

1 Korinti 8:4

Yi ira risu wuci ti a pu fen apxin atang, ati nung pu ti baa, apxin na site-yi unyang be. Ati nung pu ti ama baa, Rimam na si kinjo amam.

1 Timoti 3:6

Awu ā si-wu unde ti ba putsa ira Rimam tishe tishe be, ikyaen ti, awu a si unde ti putsa ira Rimam tishe tishe, iki be awu u ndub ijwe u jwunnsi pangma ti Shetann jwunnsi ne, ama Rimam pwen wu rikwen.

Mbaibrane 4:13

Iken iki ta-yi utense wune ti si iken ti kitam uwe Rimam be. Meme iken nae ise paenine uwe-wu. Ati meme u tsi uwe-wu u fxirtso iken ti ati nde.

Ititatso 9:20

Ande ti tsitsi ti kujwūnn titibi yine twenji-yi aba be, kafe isim ta-ba kujwo wande titibi-ba ti a ku nde be. Aba tsikunn itifen apxin zinariya, ti ana azurfa, ti bronzi, ti atxom, ti ituku ti si iken ti ku sae-yi ayib be, ku fxen-yi ira be, u ku kyang-yi ikyin be.