Daniyel 5:21 - Kutsingken Ira Rimam ti Saen Kyag

²¹ A rwae wu ruye kutampwa ande ama nda ira ti kab-wu kafe ana ibye. Awu ka som te ikyinnsu ti kutur, ku kub irum pangma indag. Ijwe-wu sib tag te imenn ti ku sur, se kiye ti awu nungye baa, Rimam ti Skeb ti tag ti na nae ukwe risu meme kujwokwe ti ta uwae utense, ama na ku sa yi na unde ti awu ku sha.

Daniyel 5:21 Iomraidhean Croise

Daniyel 4:14

“Awu ri tso te afxenjwin tiyang baa, ‘Ni tur kutuku wu si riben ti ni pye tag ajwo-wu, ti ni waen atsing-wu, ti ni pu awaen-wu jwunnshag jwunnshag, ti ibye kutur ti nae imbyi kutuku wu ā ter shag, anung ti nae ajwo-wu ama ā yaenshag.

Daniyel 4:17

“ ‘Ira yi ti a ri ne ru uwog atom wu ti apupwen ba. Awu atom wu ti saen kyag wu ti ri baa, iken yine u nde ikyaen ti meme ande ā nungye baa, Rimam ti skeb ti tag ti na ta risu meme kujwokwe ti ta utense. Awu u ndeye ti wu fxaembe yi u nda unde ti awu ku sha, unde ti nae risu riben uwog-wu.’

Daniyel 4:22

Kutuku wu si afu ukwe ti tso u site pu fu rurob, ti iten rurob-fu ayi tso ka sang pu yi ti apwa apupwen, ama kujwokwe-fu shag kyife utense.

Daniyel 4:25

baa, a na u rwae fu nwunn kutampwa ande kaa som te ibye uwae kutur. Afu u ka kub irum pangma indag, imenn ama u sur fa fu ka asang itsongfaen, se kiye ti afu a nungye baa, Rimam ti skeb ti tag na site kuko risu kujwokwe ande uwae utense, awu ama na ku sa yi na unde ti awu ku sha.

Daniyel 4:26

Pangma ti a nda unju ti a na yá ukum imbyi kutuku wu ta te ipab-wu, ayine ku tso baa, kujwokwe-fu, a u sa kafe na fu ti atang kiye ti afu a nungye pu fu baa, Rimam na site kuko risu meme iken titawe.

Daniyel 4:34

Isim asang itsongfaen yi, ame Nebukanezar pu ayib sae tso apupwen, ama ira ti kab-m kafe ba ti atang. Ame teb Rimam ti skeb ti tag, u teb wu, u nda wu kuko, ikyaen ti, awu ti nae ukwe ru fe yi uwe. Kujwokwe-wu ama tsi yiyer, ru fife yi utso ti ku ba uwe.

Daniyel 4:35

Meme ande utense si-ba iken iki uwog-wu be. Awu ku nde iken ti awu ku sha kutampwa atom ti apupwen, ti kutampwa ande ti ta uwae utense ike. Unde iki ta-wu ti u tso wu kujwo unju be, ko ti awu u rang wu baa, “Imi ti afu nde ne?”

Daniyel 4:37

Kiye wu, ame Nebukanezar teb rinyi Ukwe ti apupwen. Ame ye tso u nda rinyi-wu kuko ikyaen ti, meme wande-wu si iken ti pang atang, fengo-wu ama si kubenti. Ande ti ku ndub risu, awu ku ye si ba.

Daniyel 5:18

“Fxen, ukwe, Rimam ti Skeb ti tag nda itse-fu Nebukanezar nae ukwe u site kpakang, ti rurob, ti riyinn.