Daniyel 5:19 - Kutsingken Ira Rimam ti Saen Kyag

¹⁹ Ikyaen rurob ti Rimam nda wu, meme ande, ti ambukwen ande, ti unju uten uten ku kyen ikyenricwu-wu. Awu ku wen unde ti awu ku sha, ku ya unde ti awu ku sha ti wu na tsi user ta ti unyang. Awu ku ye tso unde ti awu ku sha, u ku ko si unde ti awu ku sha ama.

Daniyel 5:19 Iomraidhean Croise

Daniyel 11:12

Kiye ti ukwe ti kujwo isi a ci pu wu rika risu ujwunn akyirten ba, awu u ndub ijwe ikyaen ti awu wen pu wu ande kumbub rijwe. Amaa, awu u ci rika yi ka-wu uwe be,

Daniyel 11:16

Amaa, ukwe ti kujwo isku u nde iken ti nyang uwae-wu, unde iki ta-wu ti u nde tu te wu be. Awu u tsi uwae uten wu ti site riyinn, ama u site kpakang ti wu u twenji uten wu.

Daniyel 11:3

Tiri ukwe iki ti kpag timambe u nwunn ama kujwokwe wu u ko timambe. Awu u nde iken ti nyang uwae-wu.

Daniyel 11:36

“Ukwe wu u nde iken ti nyang uwae-wu. Awu u yetso risu-wu u sae ijwe-wu pangma awu na skeb patag apxin, u rimbeb rinyi Rimam ti skeb titag. Awu u tu itiru yi uwe yi meme iken ti awu u nde se kiye ti rinae Rimam a si ba pu yi risu-wu pangma ti a ri tsi.

Daniyel 3:29

Ikyaen yine, tine, ame sa icwe tsi baa, unde iki, ko uten iki, ko unju uten iki ti a ri mbeb Rimam Shadirag, ti Meshag ti Abenego, a u kum ajwo-wu ti afxen-wu, u mbub kusog-wu si riben, ikyaen ti, apxin iki ta-wu ti u nwangru unde yi fengo yine be.”

Daniyel 3:4

Unde ti ku ya iskin ukwe ri ira te ufxenjwin ti kpakang baa, “A nda ni unju, ani ande ti mbukwen mbukwen, ti unju uten uten baa,

Daniyel 3:6

Unde ti a fen-wu iken wu be, a u ye wu jwunn sang uwae uvum urwa.”

Daniyel 4:17

“ ‘Ira yi ti a ri ne ru uwog atom wu ti apupwen ba. Awu atom wu ti saen kyag wu ti ri baa, iken yine u nde ikyaen ti meme ande ā nungye baa, Rimam ti skeb ti tag ti na ta risu meme kujwokwe ti ta utense. Awu u ndeye ti wu fxaembe yi u nda unde ti awu ku sha, unde ti nae risu riben uwog-wu.’

Daniyel 4:19

Tiri Daniyel, ti rinyi-wu iki si Beteshazar, kùnn unyang, ama ira ti kab-wu nda wu ikyenricwu. Ama ukwe ri te wu baa, “Beteshazar, kurwa yi ko imbyi-yi ā kùnn-yi afu unyang be.” Amaa, Beteshazar wu cwe baa, “Itsekuru-m, kurwa yi ā tso risu ande ti tsi ukub te fu, imbyi-yi ama ā tso risu ande rika-fu.

Daniyel 4:22

Kutuku wu si afu ukwe ti tso u site pu fu rurob, ti iten rurob-fu ayi tso ka sang pu yi ti apwa apupwen, ama kujwokwe-fu shag kyife utense.

Yohana 19:11

Yesu ri te wu baa, “Rimam ti nda fu kpakang wune. A baa, ayi na si-yi ahan be, afu ú site-fu ti kpakang iki risu-m be. Ikyaen yine, ikentitibi na unde ti ye me ba sang kujwo-fu beb skeb ana-fu.”

Roma 13:1

Unde titini ā nae risu riben na ande ti uwe uten. Ikyaen ti, unde iki ta-wu ti kuko risu ande be, se Rimam a cwe pu wu itawe. Aba ti ta risu-ni uwae utense ne, ayi si Rimam ti ye ba tsi.

Ititatso 5:9

Ama aba yang kukyang tishe baa, “Afu ko pu fu ti fu mbe kupwa wune, u mbubta wu, ikyaen ti, a wen fu. Ti anying-fu, afu jaeb mbe utso ande, ti unju ande, ti ambukwen ande txi txi txi.