Daniyel 5:12 - Kutsingken Ira Rimam ti Saen Kyag

¹² Awu site kusung iki ti nyang timambe, ti itinungye, ti itsab ti ku ri tu imbyi kurwa, ti ira ti rang ti rimang meme. Ande ku tu imbyi ira-ba uwog Daniyel wune ti ukwe fwa wu rinyi baa, Beteshazar. Kunn wu ba, awu u ri te fu imbyi ira yi.”

Daniyel 5:12 Iomraidhean Croise

Daniyel 1:17

Ana anyisu itaen inje bane, Rimam nda ba itsab ti iyi iken ti bae, ti itinungye ana iken meme. Ama Daniyel site itinungye imbyi kurwa ti iken ti Rimam ku tatso yi fengo txi txi txi.

Daniyel 1:7

Unde wu ti ta risu ande ti ku nde wande te ukwe fwa ba rinyi tishe. Awu fwa Daniyel baa, Beteshazar, u fwa Hananiya baa, Shadirag, u fwa Mishayel baa, Meshag, ama fwa yaen Azariya baa, Abenego.

Daniyel 2:26

Ama ukwe rang Daniyel, ti a ku kunn wu baa, Beteshazar, baa, “Afu u ri te tu m kurwa ti ame sunn, ti imbyi-yi a.”

Daniyel 4:19

Tiri Daniyel, ti rinyi-wu iki si Beteshazar, kùnn unyang, ama ira ti kab-wu nda wu ikyenricwu. Ama ukwe ri te wu baa, “Beteshazar, kurwa yi ko imbyi-yi ā kùnn-yi afu unyang be.” Amaa, Beteshazar wu cwe baa, “Itsekuru-m, kurwa yi ā tso risu ande ti tsi ukub te fu, imbyi-yi ama ā tso risu ande rika-fu.

Daniyel 4:8

Isim-yi, Daniyel, ti ame fwa wu rinyi baa Beteshazar, rinyi apxin-m, awu ti site kusung apxin ti sisaen, sang ba, ama ame tsag kurwa yi te wu.

Daniyel 5:14

Ame fxen iten ira-fu baa, afu na site kusung Rimam, ti itinungye, ti itsab, ama u ben ayib timambe.

Daniyel 5:16

Amaa, ame fxen ti afu na ku ri tu imbyi ira, ama ande na ku tu imbyi ira uwog-fu. Nung! Afu a nung putsa ira yine u ri tu imbyi-yi na m, a u sī na fu kutupwa ti ru itibyaen, u pu asuwa zinariya tā fu ukwae, ama u sa fu kafe kotub ukwe ti ita uwae kujwokwe wune.”

Daniyel 6:3

Ama kujwo wande Daniyel tsi txi ra te wande ande ba ti tsitsi, ikyaen ti, awu site kusung iki ti nyang timambe. Ama ukwe kab ti wu na u sa Daniyel ta risu meme kujwokwe wu.

Daniyel 6:4

Ikyaen yine, ande ti uwe aba sha fengo ti a u tu Daniyel te riraen yi uwog wande-wu ti a u ri ira titibi risu-wu, amaa, aba tu-ba ira iki ti a u sa kujwo kutsa atang u rimbeb wu be, ikyaen ti, awu si unde ti ku nde wande-wu uwae kubenti ama ande tu-ba awu te riraen iki be.

Kolosi 1:29

Né iken ti nde ame sa kpakang ti Kristi nda m u ku kwab ti m na u nde tag wande-wu yine.