Daniyel 5:11 - Kutsingken Ira Rimam ti Saen Kyag

¹¹ Unde iki ta atang yi kujwokwe-fu ti site kusung apxin ti sisaen kiye ti itse-fu si ukwe. Unde wu site itinungye ti itsab pangma ayi na ru uwog Rimam ba. Ama itse-fu ukwe Nebukanezar nda wu ta risu meme ande ti ipwen, ti ande ti ben ayib.

Daniyel 5:11 Iomraidhean Croise

Kucangtsi 41:38

Ama Ukwe rang ba baa, “Ati u tu unde iki ti site kusung Rimam pangma unde wune a.”

Daniyel 1:4

Aba ā si anyisu itaen ti si-ba te kicaeb be, u saen arom ama u site meme itsab itindetu, u munn te itinungye, ku ye iken ti kwen ti ritsen, ku nde tu wande yi fenkyi ukwe. Awu Ashipenazi ā kwen na ba unju uten Babila ti fengo ti a ku bae iken-ba.

Daniyel 2:11

Ira ti ukwe ku rang ne caeb timambe, unde iki ta-wu ti u ri tu kurwa yi be, nyáng apxin ti ku som si-ba kutampwa ande be ti u ri tu.”

Daniyel 2:22

Awu ku tatso unde ira ti rurong, ti iken ti titam. Awu nung iken ti ta uwae kufub, ikyaen ti awu ti risu-wu kukyi te itisaen.

Daniyel 4:18

“Beteshazar, ayine si kurwa ti ame ukwe Nebukanezar sunn. Tsag te m imbyi kurwa yi, ikyaen ti, meme ande ti ben ayib ti ta kujwokwe-m ri tu-ba imbyi-yi te m be. Amaa, afu u ri tu ikyaen ti, kusung apxin ti sisaen te fu ta tetso.”

Daniyel 4:5

Amaa, ame ba sunn kurwa iki ti ye m ikyenricwu. Iken ti ame sae uwae kurwa yi nda utob-m nae-wu riben be.

Daniyel 4:6

Ikyaen yine, ame nda unju ti a na kunn funn tag ande ti ben ayib ti ta uwae Babila ti a na ri te m imbyi kurwa yi.

Daniyel 5:14

Ame fxen iten ira-fu baa, afu na site kusung Rimam, ti itinungye, ti itsab, ama u ben ayib timambe.

Daniyel 5:7

Ukwe nda unju ti kpakang ti a na kunn funn tag ande ti ipwen, ti ande ti ku ri imbyi ira, ti ande ti ku sae ayib. Ukwe ri te ande ti ben ayib ba ti ta uwae Babila baa, “Unde ti a nung putswa tu iken ti bae yine u ri tu imbyi-yi te m, a u pu kutupwa ti ru itibyaen si wu, u tā wu asuwa zinariya ukwae, ama u nda wu kafe unde ti kotub ukwe ti ita uwae kujwokwe wune.”

Wande Atom 12:22

Ira unju-wu nyang ti fxen timambe, ama ande ngháe ira baa, “Ni fxen ira-wu ne! I si-yi ana unde be! Ana Rimam!”

Wande Atom 14:11

Ti ande nung iken yi ti Bulus nde ne, aba nwunn ku nyae ira ti unju uten-ba Likoniya baa, “Apxin kafe pu yi ande, a ru ba pu ba uwog-ti ike!”

Wande Atom 16:16

Usir iki ti ati nwunn u kyang ku ru uwog ti a ku fen Rimam atang, ati tu mbawandab iki ti site kusung titibi risu-wu. Ande ti mbawandab wu si upyi-ba ku tu aser yang-yi akwen uwog-wu, ikyaen ti, kusung titibi wu ku nda wu ku caen iken ti u nde uwe.

Ititatso 3:9

Naa atong! Ande ba ti ta kusog Shetann, ti ku kunn ijwe-ba baa, aba na si ande Rimam, amaa, a si-ba ande Rimam be, ku wer rifen, nung, ame u nda ba, aba u ba ku riben uwe-ni, ama u nung baa, ame na ye ure te ni.