Daniyel 4:7 - Kutsingken Ira Rimam ti Saen Kyag

⁷ Ama ande ti ipwen, ti ande ti ben ayib, ti ande ti ku sae ayib, ti ande ti ku ri imbyi kurwa ba ru ba funn, ama ame pwen kurwa yi te ba, amaa, aba ri tu te-ba ame imbyi kurwa yi be.

Daniyel 4:7 Iomraidhean Croise

Kucangtsi 41:24

Ayi ti cwu foo itsongfaen yine ye pu titinyang itsongfaen yine mennsi tag. Ame pwen kurwa-m ne te ande ti upwen, ko unde iki ri fob-wu imbyi-yi te m be.”

Kucangtsi 41:8

Ti awu shwu kiskinn, ikyenricwu ye wu, awu kunn funn tag ande ti ku caen upwen, ti ande ti ben-ayib ti ta Ejib meme. Ukwe tsag kurwa-wu ayi te ba, ama unde iki ta-wu ti wu u ri imbyi kurwa yi te wu be.

Daniyel 1:4

Aba ā si anyisu itaen ti si-ba te kicaeb be, u saen arom ama u site meme itsab itindetu, u munn te itinungye, ku ye iken ti kwen ti ritsen, ku nde tu wande yi fenkyi ukwe. Awu Ashipenazi ā kwen na ba unju uten Babila ti fengo ti a ku bae iken-ba.

Daniyel 2:10

Ande ba ti ku ri imbyi ira ba ri te ukwe baa, “Unde iki ta-wu uwae utense ti u nde tu iken ti ukwe ku sha be, ikyaen ti, ukwe tiyang iki, ko ti rurob iki rang ji-wu ande ti ipwen, ko ande ti ben ayib, ko ande ti ku ri imbyi ira, ira yine be.

Daniyel 2:27

Daniyel cwe baa, “Unde ti ben ayib, ko unde ti ipwen, ko unde ti ku sae ayib, ko unde ti ku ri imbyi ira ti kitam iki ta-wu ti u ri tu imbyi ira ti kitam na kurwa ti ukwe sunn be.

Daniyel 2:7

Aba ri kyi baa, “Ukwe ā tsag kurwa yi te apyi-wu. Ati ama u ri te wu imbyi-yi.”

Daniyel 3:8

Kiye wu ariki uwae ande ti Babila ru ba ri ndembeb rinyi Mbayawuda.

Daniyel 4:18

“Beteshazar, ayine si kurwa ti ame ukwe Nebukanezar sunn. Tsag te m imbyi kurwa yi, ikyaen ti, meme ande ti ben ayib ti ta kujwokwe-m ri tu-ba imbyi-yi te m be. Amaa, afu u ri tu ikyaen ti, kusung apxin ti sisaen te fu ta tetso.”

Daniyel 5:7

Ukwe nda unju ti kpakang ti a na kunn funn tag ande ti ipwen, ti ande ti ku ri imbyi ira, ti ande ti ku sae ayib. Ukwe ri te ande ti ben ayib ba ti ta uwae Babila baa, “Unde ti a nung putswa tu iken ti bae yine u ri tu imbyi-yi te m, a u pu kutupwa ti ru itibyaen si wu, u tā wu asuwa zinariya ukwae, ama u nda wu kafe unde ti kotub ukwe ti ita uwae kujwokwe wune.”

Daniyel 5:8

Kiye ti ande ti ben ayib ba sang ba fe, aba nung putsa tu-ba iken ti bae yi be, ama nda tu-ba imbyi ira yi be.