Daniyel 4:5 - Kutsingken Ira Rimam ti Saen Kyag

⁵ Amaa, ame ba sunn kurwa iki ti ye m ikyenricwu. Iken ti ame sae uwae kurwa yi nda utob-m nae-wu riben be.

Daniyel 4:5 Iomraidhean Croise

Kucangtsi 41:1

Isim asang ifaen, Ukwe ama sunn kurwa ti awu na tsi unju uyinn ti Nel.

Daniyel 1:7

Unde wu ti ta risu ande ti ku nde wande te ukwe fwa ba rinyi tishe. Awu fwa Daniyel baa, Beteshazar, u fwa Hananiya baa, Shadirag, u fwa Mishayel baa, Meshag, ama fwa yaen Azariya baa, Abenego.

Daniyel 2:1

Uwae kusang ti ifaen ti Nebukanezar nae ukwe, Nebukanezar sunn kurwa ti nda utob-wu nae-wu riben be, kicwag ama sang-yi awu ayib be.

Daniyel 2:3

Awu ri te ba baa, “Ame sunn kurwa iki ti nda utob-m nae-wu riben be. Ame ku sha ti m nung imbyi kurwa yi.”

Daniyel 4:10

Ame sunn kurwa. Ama uwae kurwa yi ame sae kutuku tiyang iki tsi kutampwa utense.

Daniyel 4:13

“Ti uwae kurwa wu ame sae atom ti saen kyag si apupwen ba.

Daniyel 4:15

Amaa, yá ukum imbyi-wu ta ti riben atang ti irum ā shab pakob wu. Fae pakob wu te ikyabser ti bronzi uwae irum atang. “ ‘Imenn ā sur fa wu atang, ti awu ā tsi fa te ibye kutur uwae irum atang.

Daniyel 4:19

Tiri Daniyel, ti rinyi-wu iki si Beteshazar, kùnn unyang, ama ira ti kab-wu nda wu ikyenricwu. Ama ukwe ri te wu baa, “Beteshazar, kurwa yi ko imbyi-yi ā kùnn-yi afu unyang be.” Amaa, Beteshazar wu cwe baa, “Itsekuru-m, kurwa yi ā tso risu ande ti tsi ukub te fu, imbyi-yi ama ā tso risu ande rika-fu.

Daniyel 5:10

Ti iya ukwe fxen ufxenjwin ukwe ti ande-wu ti rurob ba, awu sang ba uwog ukwab atang u ri baa, “Ukwe, unyang-fu ā ko ra ru yi uwe! Ndembeb-fu utob be. Yirkyi-fu kutxuwe-fu kyi be.

Daniyel 5:11

Unde iki ta atang yi kujwokwe-fu ti site kusung apxin ti sisaen kiye ti itse-fu si ukwe. Unde wu site itinungye ti itsab pangma ayi na ru uwog Rimam ba. Ama itse-fu ukwe Nebukanezar nda wu ta risu meme ande ti ipwen, ti ande ti ben ayib.

Daniyel 7:1

Yi kusang ti tawe na Belishazar ukwe Babila, Daniyel sunn kurwa kiye ti awu nae kicwag, ama bae meme kurwa yi bae.

Daniyel 7:28

“Nee uwog ti kurwa-m ayi tsikunn atang. Yi uwog ti ana-m Daniyel, ira ti kab-m nda m ikyenricwu timambe, kutxuwe-m yirkyi, amaa, ame sa ira yi tsi ti utob-m.”