Daniyel 4:34 - Kutsingken Ira Rimam ti Saen Kyag

³⁴ Isim asang itsongfaen yi, ame Nebukanezar pu ayib sae tso apupwen, ama ira ti kab-m kafe ba ti atang. Ame teb Rimam ti skeb ti tag, u teb wu, u nda wu kuko, ikyaen ti, awu ti nae ukwe ru fe yi uwe. Kujwokwe-wu ama tsi yiyer, ru fife yi utso ti ku ba uwe.

Daniyel 4:34 Iomraidhean Croise

Daniyel 12:7

Ama ame fxen unde ti sī kutupwa ti tsen wu pu meme ajwo-wu tso apupwen u ben Rimam ti tsi kukunn baa, ayi na u nde ka asang ita ti ripye. Iken yi u kumunn kiye ti rikaen ti a ku nde ande ti sisaen a ta-yi cwucwo be.

Daniyel 2:44

“Uwae kiye abikwe ba, Rimam ti apupwen u ye nwunn kujwokwe iki ti u twenji-wu ji be, unde iki ama u tsokyi-wu kujwokwe wu be. Kujwokwe wu u twenji tag ajwokwe yine, amaa, awu ti risu-wu u tsi ru fife yi uwe.

Daniyel 4:2

Ayi nyang uwae-m ti m u ri te ni iken ti ku fur ayib ti Rimam ti skeb ti tag tatso m.

Daniyel 4:26

Pangma ti a nda unju ti a na yá ukum imbyi kutuku wu ta te ipab-wu, ayine ku tso baa, kujwokwe-fu, a u sa kafe na fu ti atang kiye ti afu a nungye pu fu baa, Rimam na site kuko risu meme iken titawe.

Daniyel 4:3

Iken ti ku fur ayib ti awu ku tatso m ko timambe. Iken ti ku fur ayib-wu ti awu ku nde kpag timambe. Kujwokwe-wu si kujwokwe ti tsi yiyer. Awu ti ta risu utense ru fife yi uwe.

Daniyel 4:32

ama a u rwae fu nwunn kutampwa ande u kaa som te ibye uwae kutur. Afu u ka kub irum pangma indag ka asang itsongfaen, se kiye ti afu a nungye pu fu baa, Rimam ti skeb ti tag na ta risu kujwokwe ande uwae utense, ama na ku sa yi na unde ti awu ku sha.”

Daniyel 4:36

Ti kiye wu, ira ti kab-m kafe ba ti atang, riyinn kujwokwe-m, ti rurob na kujwokwe-m meme kafe ba ti uwog-m. Ande ti ku nda m kumyae, ti afaen-m, sha kyae m u ye m tso ti kutxomkwe-m. Ama ame tu rurob kujwokwe-m skeb ti kucang.

Daniyel 5:18

“Fxen, ukwe, Rimam ti Skeb ti tag nda itse-fu Nebukanezar nae ukwe u site kpakang, ti rurob, ti riyinn.

Daniyel 5:21

A rwae wu ruye kutampwa ande ama nda ira ti kab-wu kafe ana ibye. Awu ka som te ikyinnsu ti kutur, ku kub irum pangma indag. Ijwe-wu sib tag te imenn ti ku sur, se kiye ti awu nungye baa, Rimam ti Skeb ti tag ti na nae ukwe risu meme kujwokwe ti ta uwae utense, ama na ku sa yi na unde ti awu ku sha.

Daniyel 6:26

“Ame sa icwe tsi pu m uwae kujwokwe-m ti ko aye ā kyen ikyenricwu Rimam Daniyel, u fen wu. “Ikyaen ti, awu si Rimam na unyang, u tsi kukunn ru fife yi uwe. Kujwokwe-wu u twenji-wu ji ama be, Kuko-wu ama u tsi kukunn ru fife yi uwe.

Daniyel 7:14

Ama a nda wu kuko, ti riyinn, ti kpakang ititae, ikyaen ti meme ande, ti mbukwen ande, ti unju uten unju uten, na kú riben na wu. Kuko-wu u tsi kukunn ru fife yi uwe u yafe-wu fe ama be. Kujwokwe-wu ama u twenji-yi ji be.

Daniyel 7:27

Ama a u sa kujwokwe, ti kuko, ti rurob ajwokwe ti ta utense meme na ande ti saen kyag na Rimam ti skeb ti tag. Kujwokwe-ba u si kujwokwe ti tsi kukunn ru fife yi uwe. Ama meme ande ti uwe u ba ku riben u fen ba.

Daniyel 9:14

Ikyaen yine, afu Yaweh sa ira titibi tsi pu fu, ama u yaen yi si ba pu fu risu-ti, ikyaen ti, afu Yaweh Rimam-ti ku nde meme iken-fu yi fengo ti pang atang, amaa, ati nae-ti risu riben na fu be.

Jona 1:14

Aba jwub tu Yaweh baa, “Ati ku jwam fu, Yaweh, twenji-fu ati ikyaen unyang unde wune be. Byib-fu anying unde wune risu-ti be, ikyaen ti, afu nde pu fu iken ti afu ku sha.”

Luka 1:33

Awu u nae ukwe risu rishi Yakubu tsi kukunn ike ru fife yi uwe. Itinae na ukwe-wu, ricwunnkyi-yi u ta-yi be.”

Luka 18:13

Ama unde wu ti ku mbe aser ukwe tsi ti fengo ti rwen. Awu pu ayib tso-wu ritsen be, u kum kikog-wu amam, u ri baa, ‘Rimam, nung m te ayibrisi, ame si unde titibi.’ ”

Yohana 5:26

Pangma ti Rimam ti risu-wu ku nda unyang, Umbae-wu ku nda unyang ama.

1 Timoti 1:17

Kuko ti riyinn ā si ana-wu Rimam, awu ti si ukwe ti tsi yiyer, awu ti ku cwu-wu cwu be, awu ti a ku nung-ba wu ti ayib be, awu Rimam kinjo-wu amam. Ayi ā si ahan.

1 Timoti 6:16

Awu kinjo-wu amam ti ku cwu-wu cwu be. Awu ti som uwog ti sisaen, uwog ti unde iki u ka fob-wu atang be. Awu ti unde iki ta-wu ti nung wu ti ayib be. Awu ti unde iki u nung tu-wu awu te ayib be ama. Kuko ā si ana-wu. Kujwokwe-wu ā tsi kukunn ru fe yi uwe! Ayi ā si ahan!

Ititatso 10:6

u ben uben uwog Rimam ti tsi yiyer, ti mam apupwen ti riben ti uyinn ti iken ti ta uwae-yi meme. Awu ri baa, a na u nde-ba kukyib cwucwo be.

Ititatso 11:15

Isim ti atom Rimam ti apupwen ti itsongfaen kunn kutumu-wu, a fxen afxenjwin ti ribom ku nghae ira apupwen u ku ri baa, “Kujwokwe utense kafe pu yi ana Itsekuru-ti Rimam ti ana Kristi, Unde ti awu Tsab Tsi. Awu u nae ukwe risu utense, ru fife yi uwe.”

Ititatso 4:10

ande ndufu rikom asu inje bane ku jwunn ikyig uwe Awu ti somtsa kutxomkwe, ti tsi yiyer ru fife yi uwe, u ku fen wu. Aba ku mbub ubur-ba cwu riben uwe kutxomkwe atang, u ku teb wu baa,

Ititatso 4:9

Iken ti site unyang yine ku teb Awu ti somtsa kutxomkwe, ti tsi yiyer wune, u ku nda wu kuko ti riyinn ti fxaefa. Ko kiye titini ti aba a ku nde ahan,