Daniyel 4:3 - Kutsingken Ira Rimam ti Saen Kyag

³ Iken ti ku fur ayib ti awu ku tatso m ko timambe. Iken ti ku fur ayib-wu ti awu ku nde kpag timambe. Kujwokwe-wu si kujwokwe ti tsi yiyer. Awu ti ta risu utense ru fife yi uwe.

Daniyel 4:3 Iomraidhean Croise

Daniyel 2:2

Ikyaen yine, ukwe nda unju ti a kunn byir ande ti ipwen, ti ande ti ben ayib, ti ande ti ku sae ayib, ti ande ti ku ri imbyi ira meme yi fikyi-wu.

Daniyel 2:44

“Uwae kiye abikwe ba, Rimam ti apupwen u ye nwunn kujwokwe iki ti u twenji-wu ji be, unde iki ama u tsokyi-wu kujwokwe wu be. Kujwokwe wu u twenji tag ajwokwe yine, amaa, awu ti risu-wu u tsi ru fife yi uwe.

Daniyel 4:17

“ ‘Ira yi ti a ri ne ru uwog atom wu ti apupwen ba. Awu atom wu ti saen kyag wu ti ri baa, iken yine u nde ikyaen ti meme ande ā nungye baa, Rimam ti skeb ti tag ti na ta risu meme kujwokwe ti ta utense. Awu u ndeye ti wu fxaembe yi u nda unde ti awu ku sha, unde ti nae risu riben uwog-wu.’

Daniyel 7:14

Ama a nda wu kuko, ti riyinn, ti kpakang ititae, ikyaen ti meme ande, ti mbukwen ande, ti unju uten unju uten, na kú riben na wu. Kuko-wu u tsi kukunn ru fife yi uwe u yafe-wu fe ama be. Kujwokwe-wu ama u twenji-yi ji be.

Daniyel 7:27

Ama a u sa kujwokwe, ti kuko, ti rurob ajwokwe ti ta utense meme na ande ti saen kyag na Rimam ti skeb ti tag. Kujwokwe-ba u si kujwokwe ti tsi kukunn ru fife yi uwe. Ama meme ande ti uwe u ba ku riben u fen ba.

Roma 11:33

Kubenti, rifunn Rimam ko skeb tag iken meme! Ben-ayib-wu ti itsab-wu jang nyang-yi nyang be. Aye ti u kab ye ira ti awu myae tsi? Aye ti u nungye fengo ti awu ku nde wande-wu?

1 Timoti 1:17

Kuko ti riyinn ā si ana-wu Rimam, awu ti si ukwe ti tsi yiyer, awu ti ku cwu-wu cwu be, awu ti a ku nung-ba wu ti ayib be, awu Rimam kinjo-wu amam. Ayi ā si ahan.

Mbaibrane 1:8

Amaa, ana Umbae-wu, awu ri baa, “Kutxom ukwe-fu Rimam, ititsikunn-wu ta-yi be. Ukum kujwokwe-fu si ti kubenti.

Mbaibrane 2:4

Rimam ti risu-wu munn isim-yi uwae wande ti ku fur ayib ti tsotso ti awu nde, ti uwae rinyangwae ti Kusung ti Saen Kyag pu ka na ande-wu pang ti iken ti awu ku sha.

1 Bitrus 4:11

Asiti Rimam a nda unde iki rinyangwae kutsa ti tswa ira na wu, awu ā tswa yi ben ben. Unde ti rinyangwae-wu a si itindeya ti awu ku nde na ande, awu ā nde yi ben ben ti kpakang ti Rimam nda wu, ikyaen ti, uwae iken meme, riyinn ā si ana Rimam rutsa uwog Yesu Kristi. Riyinn ti kujwokwe ā si ana-wu ru fife yi uwe. Ayi ā si ahan.

Ititatso 11:15

Isim ti atom Rimam ti apupwen ti itsongfaen kunn kutumu-wu, a fxen afxenjwin ti ribom ku nghae ira apupwen u ku ri baa, “Kujwokwe utense kafe pu yi ana Itsekuru-ti Rimam ti ana Kristi, Unde ti awu Tsab Tsi. Awu u nae ukwe risu utense, ru fife yi uwe.”