Daniyel 4:25 - Kutsingken Ira Rimam ti Saen Kyag

²⁵ baa, a na u rwae fu nwunn kutampwa ande kaa som te ibye uwae kutur. Afu u ka kub irum pangma indag, imenn ama u sur fa fu ka asang itsongfaen, se kiye ti afu a nungye baa, Rimam ti skeb ti tag na site kuko risu kujwokwe ande uwae utense, awu ama na ku sa yi na unde ti awu ku sha.

Daniyel 4:25 Iomraidhean Croise

Daniyel 2:21

Awu ti ku nda ushaen fam ti ushaensen. Awu ti ku waen ariki ukwe ama ku nae ariki ukwe. Awu ti ku nda itaen ti ben ayib itsab-ba, ama ku nda itaen ti iyi itinungye-ba.

Daniyel 2:37

Afu ukwe ti si ukwe na abikwe ti Rimam ti ta apupwen nda pu wu afu kujwokwe, ti rurob, ti kpakang, ti riyinn.

Daniyel 2:47

Ukwe ri te Daniyel baa, “Kubenti, Rimam-fu skeb pu wu apxin, u si Itsekuru ana abikwe. Awu ti ku tatso ande iken ti kitam ikyaen ti, afu fxir tu pu fu imbyi kurwa yine.”

Daniyel 4:16

“ ‘Uwae asang itsongfaen, utob-wu u si-yi ana unde be, a u kafe utob-wu ba utob ibye kutur.

Daniyel 4:17

“ ‘Ira yi ti a ri ne ru uwog atom wu ti apupwen ba. Awu atom wu ti saen kyag wu ti ri baa, iken yine u nde ikyaen ti meme ande ā nungye baa, Rimam ti skeb ti tag ti na ta risu meme kujwokwe ti ta utense. Awu u ndeye ti wu fxaembe yi u nda unde ti awu ku sha, unde ti nae risu riben uwog-wu.’

Daniyel 4:2

Ayi nyang uwae-m ti m u ri te ni iken ti ku fur ayib ti Rimam ti skeb ti tag tatso m.