Daniyel 4:14 - Kutsingken Ira Rimam ti Saen Kyag

¹⁴ “Awu ri tso te afxenjwin tiyang baa, ‘Ni tur kutuku wu si riben ti ni pye tag ajwo-wu, ti ni waen atsing-wu, ti ni pu awaen-wu jwunnshag jwunnshag, ti ibye kutur ti nae imbyi kutuku wu ā ter shag, anung ti nae ajwo-wu ama ā yaenshag.

Daniyel 4:14 Iomraidhean Croise

Daniyel 2:21

Awu ti ku nda ushaen fam ti ushaensen. Awu ti ku waen ariki ukwe ama ku nae ariki ukwe. Awu ti ku nda itaen ti ben ayib itsab-ba, ama ku nda itaen ti iyi itinungye-ba.

Daniyel 3:4

Unde ti ku ya iskin ukwe ri ira te ufxenjwin ti kpakang baa, “A nda ni unju, ani ande ti mbukwen mbukwen, ti unju uten uten baa,

Daniyel 4:12

Kutuku wu shab atsing nyang, u waen timambe ti ko aye ci. Ibye kutur ku pu unyang yi uwum kutuku wu, inung ama kyae afug yi ajwo kutuku wu. Meme iken ti site unyang ba ku ci awaen-wu.

Daniyel 4:23

“Ama afu ukwe sae atom ti saen kyag si apupwen ba u ri baa, ‘Tur kutuku wu si ti fu twenji wu, amaa, yá ukum imbyi-wu ta ti riben atang, ti irum ā shab pakob wu. Fae pakob wu te ikyabser ti bronzi uwae irum atang. Imenn ā sur fa wu atang, ti awu ā tsi fa ibye kutur, se asang itsongfaen a nyatsa pu yi titawe.’

Daniyel 4:29

Isim ushaen rijwe asu ifaen, ukwe nwunn ku kyang pakob rukub kusog-wu yi Babila,

Daniyel 5:20

Amaa, kiye ti ijwe ti ndub sang ba yirkyi utob-wu, a waen wu ukwe, awu si-wu te riyinn cwucwo be.

Daniyel 5:21

A rwae wu ruye kutampwa ande ama nda ira ti kab-wu kafe ana ibye. Awu ka som te ikyinnsu ti kutur, ku kub irum pangma indag. Ijwe-wu sib tag te imenn ti ku sur, se kiye ti awu nungye baa, Rimam ti Skeb ti tag ti na nae ukwe risu meme kujwokwe ti ta uwae utense, ama na ku sa yi na unde ti awu ku sha.

Matiyu 3:10

Ko tine, rikae ta pu wu imbyi ituku ti a u yer wu si riben. Kutuku ti a waen-wu awaen ti tinyang be, a u tur ra wu si riben u pu sang urwa.

Matiyu 7:19

Kutuku ti a waen-wu awaen ti tinyang be, a u yer wu si riben u sa jwunn sang uwae urwa.

Luka 3:9

Ani si ituku ti a sa rikae nae pu ba imbyi-yi ti a yer yi si si riben. Kutuku ti a waen-wu awaen ti tinyang be a u tur ra wu si riben u sa wu ru ka u twen mbub urwa.”

Ititatso 10:3

ama taen ira pangma ritum itumu. Ti awu taen ira yine, imam itsongfaen taen.

Ititatso 18:2

Awu ri ira tso ti ribom baa, “Awu mbubsi! Uten Babila tiyang mbubsi pu wu! Babila kafe pu wu uwog ti asung titibi ti mbacwú ku som atang. Meme itso iken ti ku txi iyib, ti akako inung titibi, ti ibye ti rimang, ku som atang.