Daniyel 4:1 - Kutsingken Ira Rimam ti Saen Kyag

¹ Ira ti ru uwog ukwe Nebukanezar ba uwog meme ande, ti ambukwen ande, ti unju uten uten ti ta utense ta re. Kujimshwur-ni ā ko ra fufa.

Daniyel 4:1 Iomraidhean Croise

Esita 3:12

Tiri a kunn byir ande ti ku bae iken ukwe uwae usir ti rijwe asu ita na ushaen titawe, ama a bae icwe ru ye na ande ti uwe, ti gomna gomna, ti ande ti ta risu uten uten, ti ande ti ta risu unju uten unju uten pangma ti Haman nda unju. A bae atsingken yine yi unju uten unde titini u ka yi na ko uten uten titini. A bae atsingken yine yi rinyi ukwe Ahasuweru, ama sa kunyang ti a kyag rinyi ukwe ru atang kwa atsingken yi.

Esita 8:9

Ikyaen yine, ti uwae kiye wu, a kunn byir ande ti ku bae iken ukwe. Uwae ushaen ti ita, ti si ushaen na Sivan, uwae usir ti rikom mbe ita, a bae iken ti Mordekai nda ba unju risu-yi ikyaen Mbayawuda, u ka yi na ande ti uwe ti uwe, ti Gomna ti ta risu uten uten, ti ande ti ta risu unju uten unju uten, bag ti Indiya ka sang Etiyopiya uten uten ukob kinjo ti rikom asu itsongfaen. A bae atsingken yine yi unju uten unde titini, u ka yi na uten uten titini, ama sa ana Mbayawuda na ba.

Daniyel 3:29

Ikyaen yine, tine, ame sa icwe tsi baa, unde iki, ko uten iki, ko unju uten iki ti a ri mbeb Rimam Shadirag, ti Meshag ti Abenego, a u kum ajwo-wu ti afxen-wu, u mbub kusog-wu si riben, ikyaen ti, apxin iki ta-wu ti u nwangru unde yi fengo yine be.”

Daniyel 3:4

Unde ti ku ya iskin ukwe ri ira te ufxenjwin ti kpakang baa, “A nda ni unju, ani ande ti mbukwen mbukwen, ti unju uten uten baa,

Daniyel 6:25

Ama ukwe Dariyusi bae atsingken shag kyife ambukwen ande ti unju uten uten ti ta utense baa, “Kujimshwur ā si ana-ni.

Daniyel 6:27

Awu ku nwangru, ku sa ruye unde. Awu ku nde iken ti ku fur ayib yi apupwen ti utense ike, awu ti nwangruye Daniyel yi unju itumu.”

Daniyel 7:14

Ama a nda wu kuko, ti riyinn, ti kpakang ititae, ikyaen ti meme ande, ti mbukwen ande, ti unju uten unju uten, na kú riben na wu. Kuko-wu u tsi kukunn ru fife yi uwe u yafe-wu fe ama be. Kujwokwe-wu ama u twenji-yi ji be.

Wande Atom 2:6

Kiye wu ti a fxen ritum wune, ande yang akwen ter ru ku ba. Aba sae ayib risu-ba fe, ikyaen ti, unde titini ku fxen ande na Yesu ku ri unju uten-wu.

Roma 1:7

Ame bae ku na ni, meme ande Rimam ti ta uten Roma, ani ande ti Rimam ye ure te ni, u kunn ni baa, ani na si ande-wu ti saen kyag. Itse-ti Rimam ti Itsekuru-ti Yesu Kristi ā nda ni itinyang ti kujimshwur.

Afisa 1:2

Itse-ti Rimam, ti Itsekuru-ti Yesu Kristi ā nda ni itinyang ti kujimshwur.

1 Timoti 1:2

Ame bae ku na fu Timoti, umbae-m ti kubenti yi fengo Yesu. Rimam Itse-ti, ti Yesu Kristi Itsekuru-ti ā nde fu tinyang, u sae fu te ayibrisi, u nda fu kujimshwur.

1 Bitrus 1:2

Rimam Itse nungye pu wu ani ti kucang, u tsab ni ikyaen ti wu na kyaenyang utob-ni, u nda ni nae risu riben uwog Yesu Kristi, yi fengo na Kusung-wu, ikyaen ti anying Yesu Kristi na u jwosaen utob-ni. Rimam ā nda ni itinyang ti kujimshwur ko fufa ru yi uwe uwe.