Daniyel 3:8 - Kutsingken Ira Rimam ti Saen Kyag

⁸ Kiye wu ariki uwae ande ti Babila ru ba ri ndembeb rinyi Mbayawuda.

Daniyel 3:8 Iomraidhean Croise

Esita 3:6

Ama ti awu fxen baa, Mordekai na si umbae Yawuda, awu kab ti awu a wen nyang Mordekai amam, ayi u ndeya-yi awu be. Ikyaen yine, awu sha fengo ti awu u twenji kwer ti ande Mordekai, Mbayawuda ti ta uten uten ti Ahasuweru nae ukwe risu-yi.

Daniyel 1:4

Aba ā si anyisu itaen ti si-ba te kicaeb be, u saen arom ama u site meme itsab itindetu, u munn te itinungye, ku ye iken ti kwen ti ritsen, ku nde tu wande yi fenkyi ukwe. Awu Ashipenazi ā kwen na ba unju uten Babila ti fengo ti a ku bae iken-ba.

Daniyel 2:10

Ande ba ti ku ri imbyi ira ba ri te ukwe baa, “Unde iki ta-wu uwae utense ti u nde tu iken ti ukwe ku sha be, ikyaen ti, ukwe tiyang iki, ko ti rurob iki rang ji-wu ande ti ipwen, ko ande ti ben ayib, ko ande ti ku ri imbyi ira, ira yine be.

Daniyel 2:2

Ikyaen yine, ukwe nda unju ti a kunn byir ande ti ipwen, ti ande ti ben ayib, ti ande ti ku sae ayib, ti ande ti ku ri imbyi ira meme yi fikyi-wu.

Daniyel 3:7

Ikyaen yine, kiye ti aba fxen ti a kunn kutumu, ti rijwaen, ti ripwaa, u byinn jita, ti wayae, ti guge, ti isu ti tso tso, ande ti mbukwen mbukwen meme, ti unju uten uten meme, ku riben u fen iken wu ti ukwe Nebukanezar kwén tsi.

Daniyel 4:7

Ama ande ti ipwen, ti ande ti ben ayib, ti ande ti ku sae ayib, ti ande ti ku ri imbyi kurwa ba ru ba funn, ama ame pwen kurwa yi te ba, amaa, aba ri tu te-ba ame imbyi kurwa yi be.

Daniyel 6:4

Ikyaen yine, ande ti uwe aba sha fengo ti a u tu Daniyel te riraen yi uwog wande-wu ti a u ri ira titibi risu-wu, amaa, aba tu-ba ira iki ti a u sa kujwo kutsa atang u rimbeb wu be, ikyaen ti, awu si unde ti ku nde wande-wu uwae kubenti ama ande tu-ba awu te riraen iki be.

Wande Atom 28:22

Amaa, ati ku sha ti ti fxen unju-fu ikyaen ti, ko aka aka ande ku ri ira titibi risu kumbub ande tishe wune ti afu ta uwae-yi.”