Daniyel 3:28 - Kutsingken Ira Rimam ti Saen Kyag

²⁸ Nebukanezar ri baa, “Ititeb ā si ana Rimam Shadirag, ti Meshag, ti Abenego ti tom atom-wu ti apupwen ba nwangruye apyi-wu ti ru kubenti uwog-wu. Aba nyatsa icwe ukwe, u cwe iticwu u ku riben fen-ba iken iki fa Rimam-ba be, nyáng Rimam amam.

Daniyel 3:28 Iomraidhean Croise

Kucangtsi 9:26

Nuhu ri kyi baa, “Itinyang ā si ana Yaweh, Rimam na Shem! Kanana ā si upyi Shem.

Itiruye 20:5

Ku riben na-fu ayi be. Fen-fu ayi be. Ikyaen ti, ame Yaweh Rimam-fu si Rimam ti kitsinn, ame cwe-m ti ande-m na kú riben na iken iki fa m ifaen be. Ande ti cwe-ba ira-m be, ame ku pwen ba ti anyisu-ba rikwén kaa sang ti utso ti ita te ti inje.

Daniyel 2:47

Ukwe ri te Daniyel baa, “Kubenti, Rimam-fu skeb pu wu apxin, u si Itsekuru ana abikwe. Awu ti ku tatso ande iken ti kitam ikyaen ti, afu fxir tu pu fu imbyi kurwa yine.”

Daniyel 3:25

Ukwe ri baa, “Nung! Ame sae ande inje ti ku kyang uwae urwa atang, iken iki nde-yi aba be. Unde ti inje-ba pangma umbae apxin.”

Daniyel 4:34

Isim asang itsongfaen yi, ame Nebukanezar pu ayib sae tso apupwen, ama ira ti kab-m kafe ba ti atang. Ame teb Rimam ti skeb ti tag, u teb wu, u nda wu kuko, ikyaen ti, awu ti nae ukwe ru fe yi uwe. Kujwokwe-wu ama tsi yiyer, ru fife yi utso ti ku ba uwe.

Daniyel 6:16

Ama ukwe nda unju, a ka ye Daniyel ba jwunn sang rukug itumu. Ukwe ri te Daniyel baa, “Rimam ti afu ku fen ā nwangruye fu.”

Daniyel 6:26

“Ame sa icwe tsi pu m uwae kujwokwe-m ti ko aye ā kyen ikyenricwu Rimam Daniyel, u fen wu. “Ikyaen ti, awu si Rimam na unyang, u tsi kukunn ru fife yi uwe. Kujwokwe-wu u twenji-wu ji ama be, Kuko-wu ama u tsi kukunn ru fife yi uwe.

Matiyu 4:10

Ama Yesu ri te wu baa, “Ko ru uwe-m ike Shetann! A bae uwae Kutsingken Rimam baa, ‘Fen Itsekuru-fu Rimam, awu kinjo-wu amam ti afu u fen.’ ”

Wande Atom 4:19

Amaa Bitrus ti Yohana ri te ba baa, “Ni ri te ti! Ayi nyang skeb ti ti fxen ira na Rimam ree, re ana-ni?

Wande Atom 5:19

Amaa uwae utitang wu Itsekuru Rimam tom atom-wu ti apupwen ru ba mbub ufu pursuna u pu ba ruye ise u ri te ba baa,

Roma 12:1

Ameinja, ti Rimam tatso pu wu ati ayibrisi-wu ti kuko ne ahan, ame ku jwam ni baa, ti ti ani tsi user, ni sa risu-ni na Rimam pangma rinyangwae ti a sa yer na Rimam. Ni fen wu ti usom ti som ti sisaen ti ni nde iken ti ku nyang uwae-wu. Ayine si fengo ti kubenti ti ani u fen Rimam.

1 Korinti 13:3

A baa, ame na pu iken ti ame site meme na ande, ko ame a sa ijwe-m na ande ti a na twen mbub, amaa, ame a site-m ure be, ayi u ndeya-yi ame be.

Filipi 1:20

Ame sa utob tsi u nung uwae utob-m baa, ame u wae-m rukwae be, ko tikiyib. Ame u tsi ti ribom utob tine pangma ti ame ku nde kob, ikyaen ti, ko ame a cwu, ko ame a ser, Yesu Kristi u tu kuko uwog-m.

Mbaibrane 1:14

Atom Rimam ti apupwen si iken iki a. Aba si-ba asung ti ku ndeya Rimam be a. Awu ku tom ba ru ti a kaa ndeya ande ti a u tu itinwangru.

Mbaibrane 11:37

Ariki, a jwunn ba atxom, u pogta ariki ifaen, a yerwen ariki te kisum wen. Ariki shanum atupwa, u ku sī apwa iwen. Aba si-ba te iken iki be, a nde ba iyib beb si-yi ti ti ri be.

1 Bitrus 1:21

ani ande ti awu nda ni ru kubenti uwog Rimam, ti kunn nwunn wu uwae iticwu, u nda wu riyinn, mbwe ti kubenti-ni ti uwaetsi-ni ā ta uwog Rimam.

Ititatso 12:11

Ameinja-ti ci pu ba rika risu-wu ti anying Mbae Utam, ti ira ti kubenti ti a ri risu-wu, ikyaen ti, aba cwé iticwu, u sa unyang-ba tika ikyaen Yesu Kristi.