Daniyel 3:20 - Kutsingken Ira Rimam ti Saen Kyag

²⁰ Ama awu nda ariki ti kpag siskeb uwae akyirten-wu ti a na cwang Shadirag, ti Meshag ti Abenego, ti a na ye ba jwunn sang uwae urwa wu atang.

Daniyel 3:20 Iomraidhean Croise

Daniyel 1:7

Unde wu ti ta risu ande ti ku nde wande te ukwe fwa ba rinyi tishe. Awu fwa Daniyel baa, Beteshazar, u fwa Hananiya baa, Shadirag, u fwa Mishayel baa, Meshag, ama fwa yaen Azariya baa, Abenego.

Daniyel 3:15

To, kiye ti ani a fxen, a kunn kutumu, ti rijwaen, ti ripwaa, ti kiye ti a byinn jita, ti wayae, ti guge ti isu ti tso tso, ni ku riben ti ni fen iken wu. Amaa, asiti ani a shaen-ni, a u ye ni jwunn sang uwae uvum urwa, ti ame u nung baa, apxin titini ti u nwangruye ni kujwo-m.”

Daniyel 3:19

Nebukanezar ndembeb utob u ye uwe shirkyi shirkyi te Shadirag, ti Meshag, ti Abenego. Awu nda unju ti a na kyae urwa wu byag skeb ti kucang atsepu itsongfaen.

Daniyel 3:21

A cwang ba renfa te arun ti a sī, ti atupwa ti a tso imbyi-ba, ti kubur risu-ba, ti atupwa-ba ti tsitsi ijwe-ba, ama ye ba jwunn sang uwae urwa wu.

Wande Atom 16:23

Isim ti a byinn nwunn pu ba Bulus ti Sila kimbab, a ye pu ba jwunn sang uwae pursuna u ri te unde ti ku nungkyi pursuna baa, awu na nungkyi ba nyinyang.

Wande Atom 16:25

Ukatitang, Bulus ti Sila ku jwam Rimam ku yang akyang ku teb rinyi Rimam, ama ariki ti a pu ba sang pursuna atang ku fxen ba.