Daniyel 3:17 - Kutsingken Ira Rimam ti Saen Kyag

¹⁷ Asiti a pu ti jwunn sang uwae urwa, Rimam ti ati ku fen u nwangruye tu ti uwae urwa atang, ti uwae kujwo-fu.

Daniyel 3:17 Iomraidhean Croise

Kucangtsi 17:1

Kiye ti Ibram nde asang mae inje mbe rijwe asu itsongnje (99), Yaweh tatso risu-wu uwog-wu u ri te wu baa, “Ame si Rimam ti Skeb titag. Kyang ikyin uwe-m uwae Usom ti kpang atang,

Kucangtsi 18:14

Iken iki ta atang ti kpag skeb Yaweh skeb a. Ame u kafe ba kiye wune, kusang ti ku ba. Saratu, uwa-fu, u mbae umbae ti urom.”

Daniyel 3:26

Nebukanezar ko ba fer ufu kusog urwa wu u kunn ira baa, “Shadirag, ti Meshag, ti Abenego, ani apyi Rimam ti skeb ti tag, ni ruye ti ni ba ike.” Ama aba ruye uwae urwa atang.

Daniyel 4:35

Meme ande utense si-ba iken iki uwog-wu be. Awu ku nde iken ti awu ku sha kutampwa atom ti apupwen, ti kutampwa ande ti ta uwae utense ike. Unde iki ta-wu ti u tso wu kujwo unju be, ko ti awu u rang wu baa, “Imi ti afu nde ne?”

Daniyel 6:16

Ama ukwe nda unju, a ka ye Daniyel ba jwunn sang rukug itumu. Ukwe ri te Daniyel baa, “Rimam ti afu ku fen ā nwangruye fu.”

Daniyel 6:23

Ama utob ukwe tsen timambe. Awu nda unju ti a na pu Daniyel ruye rukug itumu atang. Ama a pu Daniyel ruye. Ribang iki mbog-yi awu ijwe be, ikyaen ti, awu ru kubenti uwog Rimam.

Daniyel 6:27

Awu ku nwangru, ku sa ruye unde. Awu ku nde iken ti ku fur ayib yi apupwen ti utense ike, awu ti nwangruye Daniyel yi unju itumu.”

Luka 1:37

Uwog Rimam, iken meme kpag-yi kpag be.”

Wande Atom 20:24

Amaa, ame sa-m unyang-m baa, awu na si iken iki be. Iken kinjo ti ame ku sha si ti, ame u nde tag wande-m ti Itsekuru-m Yesu nda m, ti si ti ame na sa ira tinyang na ayibrisi Rimam na ri te ande meme.

Wande Atom 21:13

Ama Bulus rang ti baa, “Ani nde rimang ku jwub aten ku si, ku pwen ti ni u nda m yer anying utob? Ame som ku ji baa, ko a u yir m iji, ko a u wen m wen yi Urushelima, ame cwe pu m, ikyaen na rinyi Itsekuru-ti Yesu.”

Roma 8:31

Tine, ati u ri rimang risu iken yine? Asiti Rimam a ta te ti, unde iki u tsi tu ngág te-ti a.

2 Korinti 1:10

Awu nwangru ti unju iticwu, ama awu u nwangru kyi ti cwucwo. Ati sa uwae tsi uwog-wu baa, awu na u nwangru ti ru fife uwe.

Mbaibrane 7:25

Ikyaen yine, ko kiye titini, awu u ndetu ti wu nwangru meme ande ti a rutsa uwog-wu ba uwe Rimam, ikyaen ti, awu tsikunn ku jwam itijwam ikyaen-ba.