Daniyel 2:9 - Kutsingken Ira Rimam ti Saen Kyag

⁹ Asiti ani a fxir na-ni ame kurwa yi be, ame u nde ni ira. Ani sa tsi ti ni u kyaefa m te ira ti tikong ku kab baa, ame na u kafe ira ti ri-m. Ikyaen yine, ni tsag te m kurwa yi, ayine ama u tatso m baa, ani na u ri tu imbyi-yi na te m.”

Daniyel 2:9 Iomraidhean Croise

Esita 4:11

“Meme apyi ukwe ti ande ti ta uten uten ti ukwe nae ukwe risu-yi nung pu ba baa, ayi na si icwe ti urom ko unda iki ti a sang-wu sang amam yi ushi uwae uwog ukwe, asiti ukwe a kunn-wu awu ira be, a na u wen wu. Ayi si nyang unde ti ukwe a sa ukum ukwe-wu na zinariya tso wu amam ti a u wen-ba awu be. Ame nde pu m usir rijweta tine, ukwe kunn-wu ame ira be.”

Daniyel 2:16

Ama Daniyel ru ka jwam ukwe ti ukwe na nda wu kiye ti wu na u ba ri imbyi kurwa yi na te ukwe.

Daniyel 2:21

Awu ti ku nda ushaen fam ti ushaensen. Awu ti ku waen ariki ukwe ama ku nae ariki ukwe. Awu ti ku nda itaen ti ben ayib itsab-ba, ama ku nda itaen ti iyi itinungye-ba.

Daniyel 2:8

Ukwe ri te ba baa, “Ame nungye pu m ti ani ku sha ti m na nda kyi ni kiye ba iki, ikyaen ti, ani nung baa, ira ti ame ri tsi pu m, u kafe-yi fe be.

Daniyel 3:15

To, kiye ti ani a fxen, a kunn kutumu, ti rijwaen, ti ripwaa, ti kiye ti a byinn jita, ti wayae, ti guge ti isu ti tso tso, ni ku riben ti ni fen iken wu. Amaa, asiti ani a shaen-ni, a u ye ni jwunn sang uwae uvum urwa, ti ame u nung baa, apxin titini ti u nwangruye ni kujwo-m.”

Daniyel 5:28

PERES ku tso baa, kujwokwe-fu na kata pu wu ifaen, kujwokyab kinjo a nda Mede, kujwokyab ti ifaen ama si ana Pasiya.”

Daniyel 5:31

Ama Dariyusi unde ti Mede tsokyi ukwe kiye ti awu site asang mae ita mbe ifaen.

Daniyel 7:25

Awu u rimbeb Rimam ti skeb ti tag, u nde ande-wu ti saen kyag rikaen, ama u kab ti wu kafe kiye ukwab-ba ti icwe-ba. Aba u ta kujwo-wu ka asang ita ti ripye.

2 Korinti 2:17

Ati si-ti pangma ariki ti kyang ku jaebci ti ira Rimam be. Ana-ti, ati si ana Kristi. Ati ku ri ira-ti uwae kubenti uwe Rimam ikyaen ti awu ti tom ti baa, ati na nde wande yine.