Daniyel 2:45 - Kutsingken Ira Rimam ti Saen Kyag

⁴⁵ Pangma ti afu sae kutxom wu yer ru ye ti ajwo-wu yi rikwen ba jwag mbub ikyabser wu, ti bronzi wu, ti ariben wu, ti azurfa wu, ti zinariya wu, ayi ku tso baa, Rimam ti site kuko na tso pu wu ukwe iken ti u ba nde uwe ike. Kurwa yi u ba nde kang, imbyi-yi si kubenti.”

Daniyel 2:45 Iomraidhean Croise

Kucangtsi 41:26

Indag itsongfaen yi ti rikem ne si asang itsongfaen, acwung awum itsongfaen titinyang ne ama si asang itsongfaen. Kurwa-fu yi ku ri sí ira kinjo.

Kucangtsi 41:28

Ayi si pangma ti ame ri te fu, ukwe. Rimam tatso pu wu Ukwe iken ti awu Rimam ku sha ti wu u nde.

Kucangtsi 41:32

Iken ti nde Ukwe sunn kurwa atsepu ifaen si ikyaen ti Rimam sa tsi pu wu ti wu u nde kang iken ayine. Ayi u tsi-yi tsi be u nde.

Nehemiya 4:14

Ame sae meme iken ti ku nde, ama u nwunn ka ri te ande ti uwe, ti ande tiyang baa, “Ni kyen-ni ikyenricwu na ande ti rika-ti be. Tangsom te itso kuko na Itsekuru-ti, ti ikyenricwu ti awu ku sa ye ande. Ni ta rika ikyaen ameinja-ni, ti anyisu-ni, ti awa-ni ti anunn-ni”

Nehemiya 9:32

Tine, Rimam-ti, Rimam tiyang, Rimam ti site kuko, Rimam ti ku nda ande ikyenricwu, afu ti ku ye su unju ti yer-fu u site ure ti tsi kukunn te ande-fu, sae ru-fu rikaen ti tu ti be. Tangsom te rikaen ti abikwe ti afaen-ba ngwa, akwen-fu ti atom-fu ti ande-fu ti tsitsi meme, sa ti kiye na abikwe Asiriya ba kwer yaka ne.

Daniyel 2:24

Ikyaen yine, Daniyel ka tu Ariyoki, unde ti ukwe tsab ti wu na wenji ande ti ben ayib na Babila, u ri te wu baa, “Wen-fu ande ti ben ayib Babila be. Pu m ru uwog ukwe ti m kaa ri te wu imbyi kurwa yi.”

Daniyel 2:28

Amaa, Rimam iki ta atang apupwen ti ku tatso iken ti kitam. Awu tatso pu wu ukwe Nebukanezar iken ti u ba nde uwe. Kurwa ti afu sunn kiye ti afu nae iwaen-fu ta re.

Daniyel 2:29

“Kiye ti afu ukwe nae ku kab ira risu iken ti u ba uwe, unde ti ku tatso ira ti kitam tatso fu iken ti u ba nde.

Daniyel 2:44

“Uwae kiye abikwe ba, Rimam ti apupwen u ye nwunn kujwokwe iki ti u twenji-wu ji be, unde iki ama u tsokyi-wu kujwokwe wu be. Kujwokwe wu u twenji tag ajwokwe yine, amaa, awu ti risu-wu u tsi ru fife yi uwe.

Daniyel 8:25

Awu u ru itsab, u nda itikyaefa-wu ru yi uwe, ama awu u sa tsi uwae-wu baa, awu na skeb titag. Awu u purug ande u wen ba, ama u nwunn tsi ikub te Ukwe ti skeb abikwe. Awu u cwuji, i si-yi unde iki ti u wen wu be.

Matiyu 21:24

Ama Yesu ri te ba baa, “Ame u rang ni ira kinjo ama. Asiti ani a ri te m imbyi-yi, ame ama u ri te ni itso kuko ti ame site titawe u ku nde iken yine.

Matiyu 24:35

Apupwen ti riben u yafe, amaa ira-m u yafe-yi fe ama be.

Luka 17:20

Ande ti kumbub Farisi iki rang Yesu ira baa, isinn ti kujwokwe Rimam na u ru ba bara? Awu ri te ba baa, “Kujwokwe Rimam u ru ba-yi ti fengo ti ande u nungye itiba-yi atang be.

Ititatso 1:19

Ikyaen yine, bae iken ti afu sae ti kucang, ti iken ti afu ku sae tine, ti iken ti u ru ba nde uwe ike.

Ititatso 19:17

Isim ayine ame nung atom iki tsi uwae usir. Awu taen ira ti ribom, u ri te meme inung ti ku pinn apupwen baa, “Ni ru ba funn ikyaen ukwab tiyang na Rimam.

Ititatso 4:1

Isim ayine, ame sae, ama ti m nunung, ufu iki mbub tita apupwen! Ame fxen afxenjwin pangma ti ame fxen ti kucang ma kutumu. Awu ri te m baa, “Tso ba ike, ti m tatso fu iken ti u ba nde kang uwe ike.”