Daniyel 2:44 - Kutsingken Ira Rimam ti Saen Kyag

⁴⁴ “Uwae kiye abikwe ba, Rimam ti apupwen u ye nwunn kujwokwe iki ti u twenji-wu ji be, unde iki ama u tsokyi-wu kujwokwe wu be. Kujwokwe wu u twenji tag ajwokwe yine, amaa, awu ti risu-wu u tsi ru fife yi uwe.

Daniyel 2:44 Iomraidhean Croise

Kucangtsi 49:10

Kutxomkwe u ta kunn ti ishikununn Yawuda. Ukum Ukwe ama u si kunn ana anyisu Yawuda, se kiye ti unde wu ti ukum wu si ana-wu a ba mbe pu wu awu uwog-wu. Ambukwen ande u ba nae risu riben na wu.

Daniyel 2:28

Amaa, Rimam iki ta atang apupwen ti ku tatso iken ti kitam. Awu tatso pu wu ukwe Nebukanezar iken ti u ba nde uwe. Kurwa ti afu sunn kiye ti afu nae iwaen-fu ta re.

Daniyel 2:34

Ti afu ku sae wu, kutxom iki si ba jwagmbub afxen-wu ayi ti a kyae yi te ikyabser ti ariben jwag jwag jwag.

Daniyel 2:35

Tiri ikyabser, ti ariben, ti bronzi, ti azurfa, ti zinariya ti si akyab iken wu, mbubtsen jwag jwag jwag ama ufunn kae pu yi ru ti a nung-ba nung ira iki risu-ba cwucwo be, pangma ufwèn yi utae. Amaa, kutxom wu ti byinn mbub iken wu ba kafe rikwen tiyang ti takyi utense meme.

Daniyel 2:37

Afu ukwe ti si ukwe na abikwe ti Rimam ti ta apupwen nda pu wu afu kujwokwe, ti rurob, ti kpakang, ti riyinn.

Daniyel 2:43

Pangma ti afu sae ikyabser renfa te ariben, ayi ku tso baa, ande ba na u naa ren atso uwae ribaen ti baen, amaa, aba u bae ren-ba atso be pangma ti ikyabser te ariben bae ren-yi atso be.

Daniyel 4:3

Iken ti ku fur ayib ti awu ku tatso m ko timambe. Iken ti ku fur ayib-wu ti awu ku nde kpag timambe. Kujwokwe-wu si kujwokwe ti tsi yiyer. Awu ti ta risu utense ru fife yi uwe.

Daniyel 4:34

Isim asang itsongfaen yi, ame Nebukanezar pu ayib sae tso apupwen, ama ira ti kab-m kafe ba ti atang. Ame teb Rimam ti skeb ti tag, u teb wu, u nda wu kuko, ikyaen ti, awu ti nae ukwe ru fe yi uwe. Kujwokwe-wu ama tsi yiyer, ru fife yi utso ti ku ba uwe.

Daniyel 6:26

“Ame sa icwe tsi pu m uwae kujwokwe-m ti ko aye ā kyen ikyenricwu Rimam Daniyel, u fen wu. “Ikyaen ti, awu si Rimam na unyang, u tsi kukunn ru fife yi uwe. Kujwokwe-wu u twenji-wu ji ama be, Kuko-wu ama u tsi kukunn ru fife yi uwe.

Daniyel 6:27

Awu ku nwangru, ku sa ruye unde. Awu ku nde iken ti ku fur ayib yi apupwen ti utense ike, awu ti nwangruye Daniyel yi unju itumu.”

Daniyel 7:27

Ama a u sa kujwokwe, ti kuko, ti rurob ajwokwe ti ta utense meme na ande ti saen kyag na Rimam ti skeb ti tag. Kujwokwe-ba u si kujwokwe ti tsi kukunn ru fife yi uwe. Ama meme ande ti uwe u ba ku riben u fen ba.

Daniyel 8:25

Awu u ru itsab, u nda itikyaefa-wu ru yi uwe, ama awu u sa tsi uwae-wu baa, awu na skeb titag. Awu u purug ande u wen ba, ama u nwunn tsi ikub te Ukwe ti skeb abikwe. Awu u cwuji, i si-yi unde iki ti u wen wu be.

Matiyu 28:18

Ama Yesu ba ri te ba baa, “Meme kuko ti ta apupwen ti kuko ti ta riben ike, a nda pu ba ame kujwo.

Yohana 12:34

Ande ti funn atang ri te wu baa, “A bae uwae icwe-ti baa, Unde wu ti Rimam Tsab Tsi na u som kukunn ti unyang. Imi ti nde titawe afu ku ri baa, aba na u ye wu na nwunn ritsen u wen wu? Umbae Unde ti afu ri ne awu si aye?”

Mbaibrane 12:28

Ikyaen yine, ti nde fxaefa ikyaen ti ati paembe pu ti kujwokwe ti ku kyi-wu kyi be, ti ti kyen ikyenricwu Rimam, ti ti fen-wu ti ijwe ti fwer yi fengo ti wu u paembe ti,

Ititatso 11:15

Isim ti atom Rimam ti apupwen ti itsongfaen kunn kutumu-wu, a fxen afxenjwin ti ribom ku nghae ira apupwen u ku ri baa, “Kujwokwe utense kafe pu yi ana Itsekuru-ti Rimam ti ana Kristi, Unde ti awu Tsab Tsi. Awu u nae ukwe risu utense, ru fife yi uwe.”

Ititatso 2:27

Awu u nae ukwe risu-ba te ukum ukwe na kiser. Aba u ta kujwo-wu, awu u byinmbub ba pangma atutong kwèn ti a byinmbub skiskiskir, ti si sí itso kujwokwe ti itse-m nda m.