Daniyel 2:4 - Kutsingken Ira Rimam ti Saen Kyag

⁴ Tiri, ande ti ku ri imbyi ira cwe wu unju ti unju Aram baa, “Ukwe, unyang-fu ā ko ra ru yi uwe. Tsag kurwa yi te ti apyi-fu, ati ama u ri te fu imbyi-yi.”

Daniyel 2:4 Iomraidhean Croise

Kucangtsi 31:47

Laban kunn uwog wu ti unju Aram baa, Jegar-Sahaduta. Amaa Yakubu kunn ana-wu ti unju Mbaibrane baa, Galeyedi.

Kucangtsi 41:8

Ti awu shwu kiskinn, ikyenricwu ye wu, awu kunn funn tag ande ti ku caen upwen, ti ande ti ben-ayib ti ta Ejib meme. Ukwe tsag kurwa-wu ayi te ba, ama unde iki ta-wu ti wu u ri imbyi kurwa yi te wu be.

Nehemiya 2:3

Ama ame cwe wu unju baa, “Unyang-fu ā kora ru yi uwe, ukwe! Ame u tsen utob rimang ti uten ti a nji abitse-m atang mbub si riben, ama meme ifu ukoh-wu twen mbub tag pu yi.”

Daniyel 1:4

Aba ā si anyisu itaen ti si-ba te kicaeb be, u saen arom ama u site meme itsab itindetu, u munn te itinungye, ku ye iken ti kwen ti ritsen, ku nde tu wande yi fenkyi ukwe. Awu Ashipenazi ā kwen na ba unju uten Babila ti fengo ti a ku bae iken-ba.

Daniyel 2:7

Aba ri kyi baa, “Ukwe ā tsag kurwa yi te apyi-wu. Ati ama u ri te wu imbyi-yi.”

Daniyel 3:9

Aba ri te ukwe Nebukanezar baa, “Ukwe, unyang-fu ā ko ra ru yi uwe!

Daniyel 4:19

Tiri Daniyel, ti rinyi-wu iki si Beteshazar, kùnn unyang, ama ira ti kab-wu nda wu ikyenricwu. Ama ukwe ri te wu baa, “Beteshazar, kurwa yi ko imbyi-yi ā kùnn-yi afu unyang be.” Amaa, Beteshazar wu cwe baa, “Itsekuru-m, kurwa yi ā tso risu ande ti tsi ukub te fu, imbyi-yi ama ā tso risu ande rika-fu.

Daniyel 4:7

Ama ande ti ipwen, ti ande ti ben ayib, ti ande ti ku sae ayib, ti ande ti ku ri imbyi kurwa ba ru ba funn, ama ame pwen kurwa yi te ba, amaa, aba ri tu te-ba ame imbyi kurwa yi be.

Daniyel 4:9

Ame ri baa, “Beteshazar, unde ti uwe ande ti ipwen, ame nung afu site kusung apxin ti sisaen ama ira ti kitam iki ta-yi ti kpag skeb fu skeb be. Tsag te m kurwa yi ti ame sunn, ti imbyi-yi ama.

Daniyel 5:10

Ti iya ukwe fxen ufxenjwin ukwe ti ande-wu ti rurob ba, awu sang ba uwog ukwab atang u ri baa, “Ukwe, unyang-fu ā ko ra ru yi uwe! Ndembeb-fu utob be. Yirkyi-fu kutxuwe-fu kyi be.

Daniyel 5:8

Kiye ti ande ti ben ayib ba sang ba fe, aba nung putsa tu-ba iken ti bae yi be, ama nda tu-ba imbyi ira yi be.

Daniyel 6:21

Ama Daniyel cwe baa, “Ukwe, unyang-fu ā ko ra ru yi uwe!

Daniyel 6:6

Tiri ande ti uwe ba yer unju tetso u ba uwog ukwe ama ri baa, “Ukwe Dariyusi, unyang-fu ā ko ra ru yi uwe!

Daniyel 6:7

Meme ande ti uwe ti uwe ti ku nde wande yi kujwokwe-fu, ti akwe rika, ti ande ti uwe na uten, ti ande ti ku myae ira, ti gomna gomna meme cwe pu ba ti ukwe na sa icwe ruye baa, asiti unde a jwam itijwam uwog apxin iki, ko unde iki ti si-yi afu be uwae usir rijweta ti ku ba, a na ye wu jwunn sang rukug itumu.

Matiyu 21:9

Ande ti ku ru uwe Yesu ti ande ti ta isim-wu tso ukunn u ri baa, “A teb rinyi Umbae Dawuda! Itinyang ā si ana unde ti ba yi rinyi na Itsekuru! Ititeb ā ta apupwen.”