Daniyel 2:35 - Kutsingken Ira Rimam ti Saen Kyag

³⁵ Tiri ikyabser, ti ariben, ti bronzi, ti azurfa, ti zinariya ti si akyab iken wu, mbubtsen jwag jwag jwag ama ufunn kae pu yi ru ti a nung-ba nung ira iki risu-ba cwucwo be, pangma ufwèn yi utae. Amaa, kutxom wu ti byinn mbub iken wu ba kafe rikwen tiyang ti takyi utense meme.

Daniyel 2:35 Iomraidhean Croise

Daniyel 2:44

“Uwae kiye abikwe ba, Rimam ti apupwen u ye nwunn kujwokwe iki ti u twenji-wu ji be, unde iki ama u tsokyi-wu kujwokwe wu be. Kujwokwe wu u twenji tag ajwokwe yine, amaa, awu ti risu-wu u tsi ru fife yi uwe.

1 Korinti 15:25

Ikyaen ti, Yesu u nae kang ukwe se kiye ti awu a pu meme ande ti rika-wu ba ta askab afxen-wu.

Ititatso 11:15

Isim ti atom Rimam ti apupwen ti itsongfaen kunn kutumu-wu, a fxen afxenjwin ti ribom ku nghae ira apupwen u ku ri baa, “Kujwokwe utense kafe pu yi ana Itsekuru-ti Rimam ti ana Kristi, Unde ti awu Tsab Tsi. Awu u nae ukwe risu utense, ru fife yi uwe.”

Ititatso 12:8

Aba ta rika ta ta ta, amaa usang wu ti ande-wu ci-ba rika be, ama uwog ti som ta-yi apupwen ikyaen-ba cwucwo be.

Ititatso 20:11

Isim ayine, ame nung kutxomkwe tiyang ti ti tsen iki ti unde iki somtsa atang. Ikyaen riyinn-wu ti kuko-wu, apupwen ti riben ter nwunn uwe-wu, u ru fe uwog ti a nung-ba ayib-ba cwucwo be.